Акча жана калькулятор. Архив

Кыргызстанда пенсионерлердин жарымынан көбү пенсиясын банк аркылуу алат

65
(жаңыланган 12:16 04.12.2019)
Депутат Дастан Бекешев бул жакшы тенденция экенин айтып, пенсионерлердин бардыгына пенсияны банк аркылуу төлөөгө жетишүү керектигин айтты.

БИШКЕК, 4-дек. — Sputnik. Кыргызстандагы пенсионерлердин 54 пайызы акчасын банк аркылуу алат. 46 пайызына почта кызматы аркылуу жеткирилет. Бул тууралуу Социалдык фонддун төрагасы Медер Ирсалиев парламенттин жалпы жыйынында билдирди.

Жогорку Кеңеш жалпы жыйында "Кыргыз Республикасынын Социалдык фондунун 2020-жылга бюджети жана 2021-2022-жылдарга божомолу жөнүндө" мыйзамдын долбоорун карашты. Ал экинчи окууга киргизилет.

Ирсалиев өз сөзүндө 2018-жылы "Кыргыз почтасына" пенсияны таратып жеткирип берүү үчүн 279 миллион сом төлөнсө, банктарга 55 миллион сом төлөнгөнүн билдирди.

Депутат Дастан Бекешев бул жакшы тенденция экенин айтып, пенсионерлердин бардыгына пенсияны банк аркылуу төлөөгө жетишүү керектигин айтты.

Бирок эл өкүлү Рыскелди Момбеков Социалдык фонд пенсияны жеткирип берген "Кыргыз почтасына" бөлүнгөн акчаны кыскартып жатканын айтып, бул атайылап почтаны банкрот кылуу аракети экенин белгиледи.

Момбековдун айтымында, "Кыргыз почтасына" Социалдык фонд атайылап аз акча бөлүп жатат.

Өз кезегинде Ирсалиев жетекчи катары ал биринчи кезекте Социалдык фонддун чыгымдарын азайтуу жагын карашы керектигин белгилеп, учурда "Кыргыз почтасы" пенсияга таратылган акчанын 1,3 пайызын ала турганын эске салды. Фонддун кийинки жылдарга болгон планында бул көрсөткүчтү 1,1 пайызга түшүрүү каралганын кошумчалады. Мындай өзгөртүү "Кыргыз почтасын" банкрот кылууга алып келбей турганын айтты.

65
Белгилер:
пенсионер, пенсия, Социалдык фонд
Тема боюнча
Статком: Кыргызстан калкы акырындап картайып баратат
Саргарган дарактар. Архив

Бейшембиге карата аба ырайы

19
Бейшембиге караган түнү жаан-чачын күтүлбөйт. Батыштан соккон шамалдын ылдамдыгы секундасына 4-9 метрден айрым райондордо 15-20 метрге жетет.

БИШКЕК, 21-окт. — Sputnik. Бейшемби күнү, 22-октябрда, күндүз Чүй, Талас, Жалал-Абад облустарынын кээ бир райондорунда жаан, тоо этектеринде жамгыр, тоолуу жерлеринде кар жаайт. Өрөөндөрдө жаан-чачын күтүлбөйт. Бул тууралуу Кыргызгидромет билдирди.

Абанын температурасы Чүй менен Таласта +12...+17, Ош, Жалал-Абад облустарында +18...+23, Баткенде +17...+22, ал эми Ысык-Көл, Нарын жергесинде +11...+16 градус болот.

Бишкекте күндүн экинчи жарымында бир аз жаан жааса, ал эми Ошто күн ачык болот. Абанын температурасы борборубузда +15...+17, Ошто +21...+23 градуска көтөрүлөт.

19
Белгилер:
Кыргызстан, аба ырайы
Тема боюнча
Шашылыш билдирүү! Жакынкы күндөрү аба ырайы кескин өзгөрөт
Премьер-министр Садыр Жапаров. Архивдик сүрөт

Садыр Жапаров: абакта жатканда коронавирус менен ооруп айыктым

168
(жаңыланган 19:05 21.10.2020)
Өкмөт башчы өлкөдөгү эпидемиологиялык абал боюнча күн сайын кабар алып турарын, ооруканалар дары-дармек, медициналык каражаттар менен камсыз болорун билдирди.

БИШКЕК, 21-окт. — Sputnik. Абакта жатканда коронавирус менен оорудум. Бул тууралуу президенттин милдетин аткаруучу жана премьер-министр Садыр Жапаров BBC радиосуна маек берип жатып билдирди.

Жапаров дартты дары чөптүн жардамы менен жеңгенин белгилеген. Анын айтымында, дары чөп бир гана коронавируска эмес башка ооруларга дагы, мисалы, ашказандын рагына дагы миңдин бири. Аны кыргыздар илгертеден колдонуп келген.

"Ачык айтканда,Кара-Балтанын Финполициясынын кызматкерлеринин көбү коронавирустан атайын дары чөптүн жардамы менен айыгышты. Андан үй-бүлөсү менен сакайгандар болду. Ал дарыны Саламаттык сактоо министрлиги менен бирге сыноодон өткөрүп көрүш керек", — деди Жапаров.

Коронавирус: Бишкектеги ооруканаларда 400дөн ашуун бош орун бар

Мындан сырткары, ал өлкөдөгү эпидемиологиялык абал боюнча күн сайын кабар алып турарын, ооруканалар дары-дармек, медициналык каражаттар менен камсыз болорун кошумчалады.

168
Белгилер:
дары, абак, коронавирус, Садыр Жапаров
Тема:
Кыргызстандагы коронавирус жуктуруп алгандар
Тема боюнча
Министрлик: коронавирустан сакайган 7 кишиден кайра оорунун белгиси байкалды