Жалал-Абад облусунун Сузак районундагы М.Юсупов атындагы мектепте окуучулар ашканада туруп тамак ичүүдө.

Балдар мектепте туруп тамак ичкен видео тарады. Отургучтар сатылып кеткенби?

435
(жаңыланган 12:21 04.12.2019)
Интернетке тараган видеодо мектептин директору отургучтарды темирге өткөрүп, ашпозчулардын айлыгын азайтып койгону айтылат. Sputnik Кыргызстан агенттигинин кабарчысы окуу жайдын жетекчиси менен байланышты.

БИШКЕК, 4-дек. — Sputnik. Жалал-Абад облусунун Сузак районундагы М.Юсупов атындагы мектепте окуучулар ашканада туруп тамак ичүүдө. Мындай видео "Короче" деп аталган Telegram-каналга жүктөлгөн.

Тасманын алдында жазылган маалыматка ылайык, мектептин директору отургучтарды темирге өткөрүп, ашпозчулардын айлыгын азайтып койгону айтылат.

Sputnik Кыргызстан маалымат агенттигинин кабарчысы М.Юсупов атындагы мектептин директору Калийпа Керимбекова менен байланышып, окуянын чоо-жайын тактады. Ал отургучтар сатылып кеткен деген деген маалыматты төгүндөдү.

"Эски отургучтар Кытайдан чыгарылган болчу, алар сынып калган. Отургучтарды сатып жиберди деген чындыкка туура келбейт. Мен бул маселе боюнча айыл өкмөткө кайрылгам, ушул жуманын аягында алар отургучтарды алып келет", — деди директор.

Мектеп директору эмнеге бардык отургучтар сынып калганына так жооп берген жок. Бирок ашканада отургучтар бар экендигин айтып, сөзүн тастыктоо үчүн сүрөтүн жиберерин убадалаган. Сүрөттөрдү сүйлөшүп бүткөндөн кийин 58 мүнөттөн соң салды.

В школе имени М. Юсупова в Сузакском районе Джалал-Абадской области дети едят в столовой стоя
© Фото / Калийпа Керимбекова
Бул сүрөттү мектеп директору бир сааттан кийин далил катары жиберди

Ошондой эле Керимбекова ашпозчулардын эмгектеги зыяндуу шарттарга карап алган кошумча акчасы алып салынганы үчүн эмгек акы кыскарганын кошумчалады. Анын айтымында, чечимди райондук билим берүү бөлүмү кабыл алган.

435
Белгилер:
видео, сатуу, тамактануу, ашкана, балдар, директор, мектеп, Сузак району, Жалал-Абад облусу
Тема боюнча
Кыздардын мушташы. Аксы райондук билим берүү бөлүмүнүн башчысы иштен алынды
Мурдагы премьер-министр Кубатбек Боронов. Архивдик сурөт

Коронавирус жуктурган Боронов реанимацияда, бирок абалы туруктуу

39
(жаңыланган 00:14 06.12.2020)
Буга чейин эле Бороновдун реанимацияда дарыланып жатканы айтылып, бирок экс-өкмөт башчынын жардамчысы маалыматты четке каккан.

БИШКЕК, 6-дек. — Sputnik. Мурдагы премьер-министр Кубатбек Боронов реанимациялык блокто жатат, бирок анын абалы туруктуу жана өмүрүнө коркунуч жок. Бул тууралуу Sputnik кабарчысына мурунку өкмөт башчынын жардамчысы Руслан Турдумамбетов кабарлады.

Эске салсак, буга чейин эле 3-декабрда саламаттык сактоо тармагындагы ишенимдүү адамдар Бороновдун абалы канааттандырарлык экенин, бирок реанимацияда дарыланып жатканын айтышкан. Бирок анда Турдумамбетов Боронов коронавирустан дарыланып, реанимацияда эмес кадимки палатада жатканын билдирген.  

"Кубатбек Айылчиевичке коронавирус диагнозу коюлган, сатурациясы жакшы, дене табы 36,5-37 градус. Өмүрүнө эч нерсе коркунуч келтирбейт. Ал жандандыруу бөлүмүндө, бирок абалы туруктуу. Мен аны менен бүгүн сүйлөштүм, бардыгы жакшы", — деди Турдумамбетов.

Ал 23:00гө чукул эле сүйлөшкөнүн белгиледи.

Эскерте кетсек, Боронов өкмөттү 2020-жылдын июнь айынан тарта жетектеген, ага чейин вице-премьерликти аркалаган. Октябрь окуяларынан кийин отставкага кеткени маалым.

39
Белгилер:
реанимация, абал, оору, коронавирус, Кубатбек Боронов
Тема:
Коронавируска байланыштуу Кыргызстандагы кырдаал
Тема боюнча
Сооронбаев: сасык тумоо менен коронавирусту айырмалоо өтө кыйын экен
Жүк ташуучу унаа. Архивдик сүрөт

Кызартта тайгактан унаалар токтоп, айдоочулар жолго кум чачып жаткан видео

64
(жаңыланган 23:06 05.12.2020)
Учурда ал жакка Транспорт министрлигинин тиешелүү кызматынын бир жүктөгүч унаасы жана төрт кызматкери менен тартылды.

БИШКЕК, 5-дек. — Sputnik. Нарындын Кызарт белинде муз, тайгалактан автоунаалар жүрө албай, айдоочулар жолго өздөрү кум чачып жүрөт.

Мындай көрүнүштүн видеосу "Короче" Telegram-каналына жарыяланды. Айдоочулар тиешелүү кызматтар келбегенине нааразы болушкан.

Транспорт жана жолдор министрлигинин маалымат кызматы видео тууралуу комментарий берип, Кызартка №24 Жол-эксплуатация башкармалыгынын (ДЭУ) бир жүктөгүч унаасы менен төрт кызматкер тартылганын билдирди.

Министрлик белгилегендей, Кызарт ашуусунун ошол жери жол куруучу жеке компаниянын карамагында болгон жана соңку күндөрү аны мекеменин балансына өткөрүп берүү каралып жаткан.

64
Белгилер:
Транспорт жана жолдор министрлиги, Нарын
Тема боюнча
Оштогу "Достук" көпүрөсүнө суу топтолуп, унаалар араң өтүп жатат. Видео