Жогорку Кеңештин депутаты Алтынбек Сулайманов. Архивдик сүрөт

Алтынбек Сулайманов: Айэркен Саймаитини он жыл мурда эле таанычумун

464
(жаңыланган 14:14 04.12.2019)
Буга чейин Кыргызстандан чыгарылган миллиондор тууралуу журналисттик иликтөө боюнча бир катар аткаминерлер жана башка адамдар суракка чакырылмай болгон.

БИШКЕК, 4-дек. - Sputnik. Жогорку Кеңештин депутаты Алтынбек Сулайманов УКМКга барганда андан Саймаити менен тааныштыгы тууралуу сурашканын журналисттерге билдирди.

Белгилей кетсек, депутат 3-декабрда УКМКга Кыргызстандан чыгарылган миллиондор боюнча журналисттик иликтөөнүн алкагында күбө катары суракка чакырылган.

Сулайманов журналисттерге сурактын маңызы тууралуу маалыматты таратпайм деп кол коюп бергенин айтып, бирок Саймаити менен тааныштыгы тууралуу суроо берилгенин билдирди.

"Айэркен Саймаитини илгери эле, 10 жыл мурда таанычумун. Мен аны "Кара-Суу" базарындагы бир ишкер катары тааныйм", — деди ал.

Эске салсак, Кыргызстандан чыгарылган миллиондор тууралуу журналисттик иликтөө боюнча бир катар аткаминерлер жана башка адамдар суракка чакырылмак. Алардын арасында иликтөөнү жасаган журналист Али Токтакунов, Жогорку Кеңештин депутаттары — Алтынбек Сулайманов, Дүйшөн Төрөкулов, экс-депутат Ширин Айтматова, жарандык активисттер, КР президентинин инаугурациясын өткөрүү боюнча жумушчу топтун мүчөлөрү — Фарид Ниязов, Мухаммедкалый Абылгазиев, Турдуназир Бекбоев бар.

Буга чейин Бажы кызматынын төрагасынын мурдагы орун басары Райым Матраимов да сурак берген.

Ноябрдын аягында Кытайдан ташылган аткезчилик боюнча бир нече ЖМКнын биргелешкен иликтөөсү жарыяланган. Анда бир тууган Матраимовдор, атап айтканда, Бажы кызматынын төрагасынын мурдагы орун басары Райым Матраимов ишкер Хабибула Абдукадыр менен иш кылганы баяндалат. Материал 10-ноябрда Стамбулда өлтүрүлгөн ишкер Айэркен Саймаитинин көрсөтмөлөрүнө негизделген. Саймаити бир нече жыл ичинде Кыргызстандан 700 миллион доллардан ашык каражатты чыгарып кеткенин айтып берген. Ишкер өлөр алдында журналисттерге коррупциялык схемалар тууралуу билдирип, аларды далилдей турчу документтердин көбүн берип, айрымына үлгүрбөй калган.

25-ноябрда Бишкек менен Каракол шаарында коррупцияга каршы митинг өтүп, уюштуруучулар Райым Матраимовдун кармалышын талап кылышкан.

464
Белгилер:
сурак, УКМК, Алтынбек Сулайманов
Тема:
Ишкер Айэркен Саймаитинин Түркияда өлтүрүлүшү (35)
Тема боюнча
Саймаитинин өлүмү: мурдагы консул Эркин Сопоков кармалды
Саймаитинин өлүмү. Башкы прокурор да түркиялык кесиптеши менен сүйлөштү
Кашкар Жунушалиев Саймаитинин өлүмү боюнча түркиялык министр менен сүйлөштү
Первый вице-премьер-министр Кыргызской Республики Кубатбек Боронов на заседании Республиканского штаба по обсуждению ситуации в Нарынской области в связи с пандемией коронавируса. 27 мая 2020 года

Боронов: вирустун очогу көбөйүп, медиктерге өзү кайрылгандардын саны өстү

0
Биринчи вице-премьер санитардык талаптар, үй карантини, обсервация режими жана башка бекитилген ченемдер так сакталышы керектигин эскертти.

БИШКЕК, 28-май — Sputnik. Коронавирусту качан жана кайдан жуктуруп алганын билбей өздөрү ооруканага кайрылган учурлар көбөйдү. Бул тууралуу Республикалык штабдын жыйынында биринчи вице-премьер Кубатбек Боронов билдирди.

Ал оору көп тарап жаткандыктан коопсуздук чараларын күчөтүү зарылдыгын белгилеген.

"Вирустун белгилери бар жарандар медициналык мекемелерге өзү кайрылган фактылар көп чыгып жатат. Алар оорулуулар менен түз байланышта болгон эмес. Кайдан, кантип илдетти жуктуруп алганын да билишпейт. Бул оору очокторунун көбөйгөндүгүнөн кабар берет. Демек, бардык коопсуздук чараларын күчөтүү зарыл. Санитардык талаптар, үй карантини, обсервация режими жана башка бекитилген ченемдер так сакталышы керек", — деген Боронов.

Ал жарандар кайдыгерлиги үчүн жоопко тартыларын эскертип, коомдук жайларда, транспортто, эл көп топтолгон жерлерде өз коопсуздугу үчүн бет кап кийүүсүн айткан.

0
Белгилер:
оору, очок, коронавирус, Кубатбек Боронов, Кыргызстан
Кыз лабораторияда коронавируска каршы антителолор бар экендигин текшерип жатат. Архив

Кыргызстанда COVID-19га антителого анализ тапшырса болобу? Министрликтин жообу

9
(жаңыланган 11:22 28.05.2020)
Дүйнөлүк саламаттык сактоо уюму атайын программа иштеп чыккан. Анын негизинде антителонун бар-жогун аныктоочу 4500 тест келери күтүлүп жатат.

БИШКЕК, 28-май — Sputnik. Кыргызстан адамдын канында COVID–19га антителолор бар-жогун аныктаган тесттерди алууга кам көрүп жатат. Бул тууралуу брифинг учурунда саламаттык сактоо министринин орун басары Нурболот Үсөнбаев билдирди.

Ага модератор адамдын канындагы коронавируска антителого анализ тапшырса болобу жана анын баасы канча турат деген суроо берди.

Үсөнбаевдин айтымында, учурда өлкөдө канча адам коронавируска каршы тура аларын билүү үчүн антителону аныктоочу тесттерди алып келүү боюнча иштер жасалып жатат.

"Дүйнөлүк саламаттык сактоо уюму атайын программа иштеп чыккан. Анын негизинде бизге уюмдан 4500 тест келет деп күтүп жатабыз. Азыр адистер тестти Кыргызстанда колдонуу боюнча программа дайындап, өлкө аймагында каттоодон өткөрүү боюнча иштер аткарылууда", — деди Үсөнбаев.

Маалыматка карагагда, мамлекет башка каналдар аркылуу дагы тесттерди издеп жатат.

"Эки тараптан сунуш болду, биз аларды иликтөөдөбүз. Баасын жана башка шартын айтуу азырынча эрте. Качан алар келип, колдонууга даяр болгондо жалпыга маалымдайбыз", — деди орун басар.

Эске салсак, буга чейин Бузулуктан Бишкекке автобус менен 413 кыргызстандык алып келинген. Ал эми Соль-Илецкиден 541 жаран мекенине кайткан.

Кыргызстанда коронавирус жуктуруп алгандардын саны кескин өсүп, бир суткада 74 адамдан вирус табылды. Муну менен жуктургандардын жалпы саны 1594кө жетти. Коронавирустан 1066 бейтап айыгып чыгып, тилекке каршы, 16 адам көз жумду.

11-майдан тарта айрым аймактардагы өзгөчө абал режими алынып, ал эми өлкө боюнча киргизилген өзгөчө кырдаалдын мөөнөтү узартылды. Бишкек, Ош шаарларында, Ат-Башы районунда жана Чаткал районунун Каныш-Кыя айыл аймагында карантин жарыяланды. Бул жергиликтүү бийликке кырдаалга жараша чектөөлөрдү киргизүүгө укук берет.

Өлкөдөгү абал тууралуу Sputnik Кыргызстан тексттик баяндама жүргүзүүдө.

Кабарларды ыкчам, ыңгайлуу шартта окуу үчүн Telegram каналыбызга баш багыңыз.

9
Белгилер:
анализ, коронавирус, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Министрлик: COVID-19 жуктургандар ким менен байланышта болгонун билбей жатышат