Ооруканадагы бала. Архивдик сүрөт

Ракка чалдыккан өспүрүм кызга рецепт жазып бербей... Бишкектеги окуя

4645
(жаңыланган 00:45 05.12.2019)
Окуя Бишкек шаарындагы №12 үй-бүлөлүк медициналык борбордо болгон. Министрликтен күнөөлүүлөр жазасын алгандыгын айтышты.

БИШКЕК, 4-дек. — Sputnik. Балдар хосписинин башчысы Ольга Труханова социалдык тармакка 11 жаштагы кыз онкологиялык оорунун жардам берүүгө болбой калган стадиясында каза болгондугун жазды. Ал арада Саламаттыкты сактоо министрлиги дарыгерлерге карата жаза көрүлгөндүгүн билдирди.

Труханованын айтымында, ооруканадан кызды хосписке мурдагы күнү алып келген. Ал Арча-Бешик конушундагы №12 үй-бүлөлүк медицина борборунда каттоодо турган.

Директор кыздын энеси "онкологиялык ооруканадан чыккандыгы" жөнүндө кагазды алып, аталган борборго ооруну басаңдатуучу дарыны алыш үчүн баргандыгын билдирди. Бирок ал жерден аталган дарыга рецепт жазып берүүдөн баш тартышкан.

Хоспистин медайымы кызга эмнеге рецепт бербей жаткандыгын айтып борбордун дарыгерине чалган.

"Медайым бул суроого жооп алган эмес, бирок доктор эмне дары жазып берүүсүн тактап, көрсөтмө бергидей кимсиң деп айткан. 10 мүнөттөн кийин ошол эле дарыгерге чалдым",— деди Труханова.

Анда дарыгер кайсы бир протоколду бетине кармаган, бирок анын кандай документ экендигин так, даана аныктаган жок деп жазган директор.

Анын айтымына караганда, Труханова Саламаттыкты сактоо министрлигине арызданам дегенден кийин гана рецепт жазып берүүгө макулдугун берген.

"Ушундай сабатсыз, адамгерчилиги жок дарыгерлердин айынан бүгүн энеси кызынын жанында болом деген эң кымбат убактысын коротту. Кыз көз жумду, апасы жанында болгонго жетишип калды. Бала кыйналбай кетти, себеби бизде керектүү дарылар бар эле", — деп жазган Труханова.

Саламаттыкты сактоо министрлигинин маалымат кызматынан министрликте Милдеттүү медициналык камсыздандыруу фондунан, Бишкек шаардык мэриянын алдындагы саламаттыкты сактоо башкармалыгынан, балдардын №1 хосписинен өкүлдөр, Үй-бүлөлүк медицина борборунун жетекчилиги, кыздын энесин кабыл алган дарыгерлер, медайымдар чакырылып, маселе каралгандыгын билдирди.

Мындан улам кимдин айыбы бар экендиги такталып, медицина кызматкерлеринин оорулууга жардам көрсөтүүдө кемчиликтери аныкталган.

Анын жыйынтыгында төмөнкү чечимдер кабыл алынган:

  • Түзүмдүк бөлүмдөрдүн ишин алып барууда чала көзөмөлү үчүн Эненин жана баланын саламаттыгын коргоо борборунун директорунун орун басары Жанкойлиевага;
  • Аталган борбордун ишмердүүлүгүнө чала көзөмөл кылганы үчүн №12 үй-бүлөлүк медицина борборунун башкы дарыгери Досалиевага;
  • Ленин райондук үй-бүлөлүк медицина борборлору бирикмесинин директору Маматаевге ишиндеги кемчилигин көрсөтүү менен сөгүш берилди.

Андан сырткары, Маматаевге бир катар кызматкерлерге карата чара көрүүгө көрсөтмө берилген. №28 үй-бүлөлүк дарыгерлер тобунун жетекчиси менен №12 үй-бүлөлүк медицина борборунун башкы дарыгерлерине дисциплинардык чара көрүлсө, үй-бүлөлүк дарыгер менен медайым сөгүш алмакчы.

Ошондой эле Ленин райондук үй-бүлөлүк медицина борборлору бирикмесинин жетекчилигине бардык оорулууларга дары-дармектин жетиштүүлүгүн камсыздап, оорулууларды кабыл алууда этикалык талаптарды сактап, "Биринчи хоспис" менен сектор аралык байланышты чыңдоого тапшырма берилди.

Милдеттүү медициналык камсыздандыруу фондунун маалымат кызматынан мамлекеттик программанын негизинде дарылоого мүмкүн болбой калган стадиядагы онкологиялык оорулууларга төрт дарыны берүү каралгандыгын айтышты. Алар морфин, промедол, трамадол, кетопрофен. Мунун көлөмү жана мезгили да каралган.

Дарыгерлер коюлган диагнозго карап дарыларды жеңилдетилген шарты каралган рецепт жазып берет. Эгерде бейтапканада онколог-дарыгер жок болсо, рецептти үй-бүлөлүк дарыгер да бере алат.

Милдеттүү медициналык камсыздандыруу фонду дарыгер рецепт жазып берүүдөн баш тартса, 113 телефонуна чалуу керектигин айтышты.

4645
Белгилер:
сөгүш, дары, оору, Арча-Бешик, Бишкек, Кыргызстан
Тема боюнча
Кыргызстанда тамчылатма морфинге уруксат берилди. Рак көйгөйү боюнча жыйын
Аял киши ракка кабылганын айткандан коркот экен. Хирург-онколог менен маек
Эмчек рагынын алдын алуу. Баткендеги аялдардын ден соолугу текшерилет
Өнөр жай, энергетика жана жер казынасын пайдалануу мамлекеттик комитетинин төрагасы Жыргалбек Сагынбаев Россиянын өнөр жай жана соода министри Денис Мантуров менен жолугушкан.

Кыргыз тарап Россияга "Спутник V" вакцинасын өлкө аймагында өндүрүүнү сунуштады

5
(жаңыланган 22:31 23.01.2021)
КРдин Өнөр жай, энергетика жана жер казынасын пайдалануу мамлекеттик комитетинин төрагасы Жыргалбек Сагынбаев Россиянын өнөр жай жана соода министри Денис Мантуров менен жолугушкан.

БИШКЕК, 23-янв. — Sputnik. Кыргызстан Россияга коронавируска каршы "Спутник V" вакцинасын өлкө аймагында өндүрүүнү сунуш кылды. Бул тууралуу РФтеги элчилик кабарлады.

Кечээ Өнөр жай, энергетика жана жер казынасын пайдалануу мамлекеттик комитетинин төрагасы Жыргалбек Сагынбаев Россиянын өнөр жай жана соода министри Денис Мантуров менен жолугушкан.

"Сүйлөшүүлөрдүн жүрүшүндө Сагынбаев коронавирустан коргогон "Спутник V" вакцинасын Кыргызстандын аймагында өндүрүүнү уюштуруу мүмкүнчүлүгүн караштырууну сунуштады", — деп айтылат маалыматта.

Мындан тышкары, жеңил өнөр жай ишканаларын өнүктүрүүдө жана өлкөдө өндүрүлгөн чийки заттарды экспорттоодо кызматташтыкты чыңдоо маселелери талкууланган. Тараптар жакынкы жылдары "өнөр жай картасын" иштеп чыгуу келишимине кол коюшкан.

Россия тарап өнөр жай тармагында инвестициялык долбоорлорду ишке ашыруу үчүн Россия-Кыргыз өнүктүрүү фондунун жеңилдетилген насыяларын пайдаланууну сунуштаган.

Мындан сырткары, Россиянын өнөр жай жана соода министри кыргыз тарапты апрель айында Өзбекстанда өтө турган "ИННОПРОМ" эл аралык көргөзмөсүнө катышууга чакырган.

5
Белгилер:
жолугушуу, сунуш, өндүрүүчү, вакцина, коронавирус, Спутник V, Россия, Кыргызстан
Тема:
"Спутник V" вакцинасы
Тема боюнча
"ЭпиВакКоронадан" эмне күтүүгө болот? COVID-19га каршы вакцина тууралуу кеп
Венгрия Россиядан 2 миллион доза "Спутник V" вакцинасын алып жатат. Видео
Карды тартып аткан адамдар. Архивдик сүрөт

Жекшембиге карата аба ырайы

26
24-январга караган түнү туруксуз аба ырайы күтүлүп, көпчүлүк аймактарда мезгил-мезгили менен кар жаайт. Жаан-чачынга байланыштуу өлкөнүн тоолуу райондорунда кар көчкү түшүү коркунучу бар. Бул тууралуу Кыргызгидромет билдирди.

БИШКЕК, 23-янв. — Sputnik. Жекшембиде күндүз республика боюнча жаан-чачын күтүлөт. Жолдорго муз тоңуп, тайгак болот. Батыштан соккон шамалдын ылдамдыгы секундасына 4-9 метрге жетет.

Абанын температурасы Чүй, Талас, Ысык-Көл облустарында -1…-6, Ош, Жалал-Абад, Баткен аймактарында -4…+1, Нарын өрөөнүндө -7…-12 градусту көрсөтөт.

Бишкекте жана Ошто кар жаайт. Термометрдин көрсөткүчү борбордо -2…-4, Ош шаарында 0…-2 градуска жетет.

26
Белгилер:
Кыргызстан, январь, аба ырайы
Тема боюнча
Абайлагыла, сак болгула! Айдоочуларга эскертүү берилди