Ала-Тоо аянты. Архивдик сүрөт

Кыргызстандыктар жаңы жылда 7 күн катары менен эс алат

1994
(жаңыланган 12:27 06.12.2019)
Өкмөт мындай кадам дем алыш жана жумуш эмес майрам күндөрүн сарамжалдуу пайдалануу максатында жасалып жатканын түшүндүрдү.

БИШКЕК, 5-дек. — Sputnik. Кыргызстандыктар жаңы жылда 7 күн катары менен, 1-январдан 7-январга чейин эс ала турганын өкмөттүн маалымат кызматы билдирди.

Токтом долбооруна ылайык, мындай кадам дем алыш жана жумуш эмес майрам күндөрүн сарамжалдуу пайдалануу максатында жасалууда.

Сурамжылоо

2020-жылда эс алуу күндөрүн бөлүштүрүүгө канааттандыңызбы?
  • Ооба, абдан ыңгайлуу экен
    38.5% (62)
  • Канааттандым, бирок бул күндөрү эс ала албайм го
    8.7% (14)
  • Мүмкүн болсо дагы эс алуу кошуп коесуздарбы
    16.8% (27)
  • Эс алууну кыскартып, иш күндөрүн көбөйтүү керек
    36.0% (58)
Добуш бергендер: 157
Мында беш күндүк иш жуманын графиги боюнча иштеген мамлекеттик жана муниципалдык уюмдардын, мамлекеттик бюджеттен каржыланган мекемелердин жана ишканалардын кызматкерлери үчүн 24-февралдагы дем алыш күнү (23-февраль дем алышка туш келет)  2-январдагы иш күнүнө, 9-марттагы дем алыш күн (8-март дем алышка туш болот) 3-январдагы иш күнүнө, 23-марттагы дем алыш күн (21-март дем алыш күнгө туш келет) 6-январдагы иш күнүнө, 11-майдагы дем алыш күнү (9-май дем алыш күнгө туш келет) 4-майдагы иш күнүнө которулары айтылат.

Өкмөттүн тиешелүү токтом долбоору учурда министрликтер жана ведомстволор менен макулдашуу процедурасынан өтүүдө.

Эскерте кетсек, Эмгек кодекси боюнча эгер майрам дем алышка туш келсе, андан кийинки дүйшөмбү эс алуу күнү болуп саналат.

1994
Белгилер:
токтом, өкмөт, дем алыш, майрам, Жаңы жыл, эс алуу
Тема боюнча
Декабрда аба ырайы кандай болот? Синоптиктердин божомолу

Жалындан суурулуп чыкты! Ажалы жок спортчунун видеосу

41
(жаңыланган 13:43 30.11.2020)
Катуу ылдамдык менен жарышка түшкөн атайын автоунаа жолдун четиндеги тосмого урунуп, андан соң дароо өрттөнө баштаган. Анын ичиндеги айдоочу кандайдыр бир керемет менен аман калган.

Окуя Бахрейнде "Формула-1" жарышынын этабы өтүп жаткан учурда болгон. Рулда Ромен Грожан аттуу адам кетип бара жатканы айтылды. Кадрдан анын автоунааны башкара албай калып биринчи автокөлүктү жөөлөп өткөнүн, катуу күү менен тосмого келип урунуп, жалбырттап өрттөнө баштагандыгын көрүүгө болот.

​Окуя болору менен коопсуздук кызматкерлери жана медиктер жетип келип, өрттү өчүрө баштаган. Ал эми спортчу алоолонгон жалындын ичинен көз ирмемде суурулуп чыгып, жерде тургандар аны жөлөп-таяп ары алып кетишкен. Маалыматта Грожандын колу жана таманы анча көп эмес күйүк алганы айтылган.

41
Белгилер:
кырсык, жалыныч, жарыш, Формула-1, Бахрейн
Тема боюнча
Индия: премьердин туулган күнүндө 100 шар жарылып кетип, адамдар жабыркады
Киши пистолет кармап турат. Архив

Бишкектин чок ортосунан 18 жаштагы куралчан жаран кармалды. Сүрөт

65
(жаңыланган 13:07 30.11.2020)
Жаран көчөдө бара жаткан жеринен текшерүүгө алынган. Анын жанынан алты огу менен белгисиз үлгүдөгү тапанча табылган.

БИШКЕК, 30-ноя. — Sputnik. Милициянын Кайгуул кызматы тапанчаны мыйзамсыз негизде алып жүргөн жаранды кармады. Бул тууралуу мекеменин маалымат кызматы кабарлады.

  • Милициянын Кайгуул кызматы тапанчаны мыйзамсыз негизде алып жүргөн жаранды кармады
    Милициянын Кайгуул кызматы тапанчаны мыйзамсыз негизде алып жүргөн жаранды кармады
    © Фото / пресс-служба УПСМ Бишкека
  • Жаран 29-ноябрда борбор калаанын чок ортосунан колго түшкөн
    Жаран 29-ноябрда борбор калаанын чок ортосунан колго түшкөн
    © Фото / пресс-служба УПСМ Бишкека
1 / 2
© Фото / пресс-служба УПСМ Бишкека
Милициянын Кайгуул кызматы тапанчаны мыйзамсыз негизде алып жүргөн жаранды кармады

Жаран 29-ноябрда борбор калаанын чок ортосунан колго түшкөн.

"Милиционерлер саат 08:30дар чамасында Бишкектин Фрунзе жана Абдрахманов көчөлөрүнүн кесилишинде өзүн адаттан тыш алып жүргөн белгисиз жаранды текшерүүгө алышкан. Натыйжада ал 18 жаштагы А.А. аттуу жаран экени аныкталып, жанынан белгисиз үлгүдөгү тапанча жана алты ок табылган", — деп айтылат маалыматта.

А.А. Свердлов райондук милиция бөлүмүнө өткөрүлүп берилген. Факты Кылмыштардын жана жоруктардын бирдиктүү реестрине катталып, сотко чейинки өндүрүшкө алынды.

65
Белгилер:
тапанча, шектүү, Жол кайгуул кызматы
Тема боюнча
Нарында ресторан алдында ок атылып, 23 жаштагы жигит ооруканага түштү
УКМК Ошто кылмыш топтун өкүлдөрүнүн үйүн тинтип куралдарды тапты. Тизме
Өрт өчүрүп жаткан ӨКМ кызматкерлери. Архив

Бишкекте эртең менен чыккан өрт өчүрүлдү

20
(жаңыланган 13:53 30.11.2020)
Тилсиз жоо менен өрт өчүрүүчү эки бригада күрөшкөн. ӨКМ жаракат алган адамдар болбогондугун кабарлады.

БИШКЕК, 30-ноя. — Sputnik. Бишкек шаарында турак жайдан чыккан өрт өчүрүлгөнүн ӨКМдин маалымат кызматынан кабарлашты.

Бүгүн эртең менен саат 8:30дар чамасында Горький көчөсүндөгү үй күйгөн. Маалымат түшөрү менен эки бригада биринин артынан бири чыгып жөнөп кеткен.

Жалын толугу менен саат 10:16да өчүрүлгөн. ӨКМ жаракат алган адамдар болбогондугун айтты.

20
Белгилер:
өрт, турак үй, ӨКМ, Бишкек
Тема боюнча
Бишкектин Горький көчөсүндө үй өрттөнүп жатат
Өрттөнүп кеткен Башкы прокуратуранын ичи. Имараттын 10 жылдан кийинки көрүнүшү