БИШКЕК, 5-дек. — Sputnik. Жогорку Кеңештин депутаты Бакирдин Субанбеков Бишкектеги негизги ат майданга каскадер, актер Үсөн Кудайбергеновдун атын ыйгарууну жердештери менен мамлекеттик ишмерлер суранып жатканын билдирди.
Бүгүн парламентте биринчи маселе болуп "Ар кандай маселелер" каралды.
27 Жетинин айы 2019, 14:55
Субанбеков өкмөттүн 2019-жылы белгилене турчу юбилейлик иш-чаралардын катарына Кудайбергеновдун 70 жылдыгын белгилөө да киргенин, бирок каражаттын жоктугунан мааракени белгилөө кийинки жылга жылдырылганын айтты.
Белгилей кетсек, Үсөн Кудайбергенов актердук жана каскадерлук карьерасында 300дөн ашык киного тартылган. Советтер Союзунун киностудияларында гана эмес, Америка, Германия, Италия, Францияда дагы каскадерлук иштерин уланткан.
40 метр бийиктиктен атчан сууга секирип түшкөнү үчүн Кыргызстандан биринчилерден болуп Гиннесстин рекорддор китебине кирген.
Эске салсак, Бишкек мэриясы "Ак кула" ат майданы оңдоло турганын айтып, анын эскиздерин да жарыялаган болчу.
