Кыргызстандын мурдагы премьер-министри Сапар Исаков. Архив

Жээнбековдун мени угушун каалайм! Сапар Исаков сотто акыркы сөзүн айтты

14029
(жаңыланган 15:53 06.12.2019)
Мурдагы премьер өтө оор өкүм чыгарын айтып, баары бир акталбай турганын сезип жатканын билдирди.

БИШКЕК, 6-дек. — Sputnik. Бишкек ТЭЦин модернизациялоодогу коррупцияга тиешеси бар деп айыпталган мурдагы премьер-министр Сапар Исаков бүгүн сотто акыркы сөзүн сүйлөдү.

Исаков башында эле аны менен кошо камалгандардын эч кандай күнөөсү жок экенин айтты. "Баары мен үчүн отурат" деген Исаков жалгыз өзүн камоо мүмкүн болбогондуктан тобу менен отургузуу планы болгонун белгиледи.

Ошондой эле чогуу соттолуп жаткандарды 10 айдан бери далилсиз кармап отурат деп даттанды.

"Мени президент Жээнбековдун угушун каалайм. Балким, мен билбей эле аны жемелеп жаткандырмын. Аны да алдап жатышкандыр. Андыктан Жээнбеков өзү мени угушун каалайм", — деди Исаков.

Мурдагы премьер ТЭЦти реконструкциялоо долбоору Жогорку Кеңештин комитеттери, көпчүлүк коалиция тарабынан каралып, жалпы жыйында добуш берүү менен жактырылганын эске салды. Ал эми Жээнбеков премьер-министр болуп турганда эксплуатацияга берилгенин белгиледи.

Ошондой эле сот өтө оор өкүм чыгарарын айтып, баары бир акталбай турганын сезип жатканын билдирди.

"ТЭЦти реконструкциялаганыма сыймыктанам. Мындан башка дагы долбоорлорду ишке ашырганыма сүйүнөм. Борбор Азияда Бишкектегиден арзан курулган ТЭЦ жок. Мен тырышчаак, күчтүү адаммын, аягына чейин күрөшөм. Элдин алдында жүзүм жарык, эч нерседен уялбайм", — деп сөзүн жыйынтыктады Исаков.

Жараян Бишкектин Свердлов райондук сотунда өтүп жатат.

Айыпталуучулардын тизмесинде Сапар Исаков, Жантөрө Сатыбалдиев, Осмонбек Артыкбаев, Салайдин Авазов, Жолдошбек Назаров, Темирлан Биримкулов, Айбек Калиев, Ольга Лаврова бар. Иликтөө аяктап, учурда сот айыпталуучулардын акыркы сөзүн угуп жатат.

14029
Белгилер:
ТЭЦ, сот, Сапар Исаков, Кыргызстан
Тема:
Сапар Исаковдун камалышы (40)
Тема боюнча
"УКМКда жашап атпаймынбы..." Айбек Калиев соттогуларды күлкүгө салды
Жантөрө Сатыбалдиевди актоону суранып 8 экс-премьер сотко кайрылды
Тест-системалар. Архивдик сүрөт

Россия гумжардам катары Кыргызстанга 100 миңден ашык тест-система берди

24
(жаңыланган 00:03 14.07.2020)
Саламаттыкты сактоо министрлиги кыргыз өкмөтүнүн атынан Россия Федерациясына жана Роспотребнадзорго ыраазычылык билдирди.

БИШКЕК, 13-июл. — Sputnik. Коронавирус инфекциясына каршы күрөштүн алкагында Россиядан Кыргызстанга гуманитардык жардам келди. Бул туурасында өкмөттүн маалымат кызматы билдирди.

Анда COVID-19ду аныктоочу тест-системалардын бир нече партиясы берилгени айтылат.

"Жалпысынан жардам иретинде 80 720 изилдөө жүргүзүү үчүн 820 ПЦР тест-системасынын комплектиси, 24 000 изилдөө үчүн толук эмес 480 топтом келди", — деп жазылат маалыматта.

Роспотребнадзордун жетекчиси кыргыз медиктеринин кесипкөйлүгүнө баа берди

Саламаттыкты сактоо министрлиги кыргыз өкмөтүнүн атынан Россия Федерациясына жана Керектөөчүлөрдүн укуктарын коргоо чөйрөсүндөгү көзөмөл боюнча федералдык кызматына көмөктөшүүсү үчүн ыраазычылык билдирип, коронавирус менен мындан аркы күрөшүүдө жемиштүү кызматташууга ишеним артты.

24
Белгилер:
аныктоо, тест, гуманитардык жардам, Россия
Тема:
Коронавируска байланыштуу Кыргызстандагы кырдаал
Тема боюнча
Ферганадан Баткенге гуманитардык жардам келди
Кыргызстанга Кытайдан 500 кычкылтек концентратору алып келинди. Сүрөт
Таалайбек Боромбаев үй бүлөсү менен. Архивдик сүрөт

Уюн сатып согуш катышуучуларына эстелик тургузган Боромбаев каза болду

44
(жаңыланган 23:48 13.07.2020)
Таалайбек Боромбаев I топтогу майып, Ысык-Көл облусунун Түп районуна караштуу Корумду айылынын тургуну.

БИШКЕК, 13-июл. — Sputnik. Уюн сатып Улуу Ата Мекендик согуштун ардагерлерине эстелик тургузган Корумду айылынын тургуну Таалайбек Боромбаев көз жумду. Кабарды Sputnik Кыргызстанга анын жакындары тастыктады.

Боромбаев узакка созулган оорудан улам каза болгону айтылат.

Көрүүсү начар, I топтогу майып, Ысык-Көл облусунун Түп районуна караштуу Корумду айылынын тургуну 2015-жылы эстелик тургузуу үчүн уюн саткан. Ал ошондой эле мемориалды курган жумушчуларга тамак даярдаш үчүн дагы бир уй жана бир канча кой сойгон.

Концерт коюп барып, калып калган... Улуу Жеңишти жакындаткан кыргызстандыктар

Үч мармар таштан турган эстеликте жоокердин элеси чагылдырылып, Корумду айылынан Улуу Ата Мекендик согушка барган катышуучулардын аты-жөнү чегилген. Жалпы жонунан мемориалга 4 миң доллар сарпталган.

Корумду айылынан Улуу Ата Мекендик согушка 119 жигит аттанып, алардын 79у туулган жерине кайткан эмес. Бирок аларга арналып эстелик тургузулбаганына кайгырган карыя өз күчү менен жасоого киришкен. Натыйжада элдин жана жергиликтүү бийликтин колдоосуна татып, Улуу Жеңиштин 70 жылдыгына карата ачылган.

44
Белгилер:
карыя, өлүм, Корумду
Тема боюнча
34 жашта эле... "Манас" аэропортунун мурдагы вице-президенти көз жумду
Чайпалткан кырдаал сизди да чарпый кетти. Sputnik Михаил Рогожин менен коштошту