Председатель Верховного суда КР Гульбара Калиева на заседании Совета по судебной реформе

Жогорку соттун төрайымына ТЭЦ боюнча чыккан өкүм тууралуу суроо узатылды

288
(жаңыланган 10:55 09.12.2019)
Биринчи инстанция ТЭЦин модернизациялоо иштеринин алкагында козголгон кылмыш иштери боюнча бир нече аткаминерди эркинен ажыратты. Арасында эки мурдагы премьер бар.

БИШКЕК, 9-дек. — Sputnik. Бишкек ТЭЦин модернизациялоо боюнча козголгон кылмыш иши Жогорку сотко чейин жетиши ыктымал. Бул тууралуу Жогорку соттун төрайымы Гүлбара Калиева журналисттерге билдирди.

Белгилей кетсек, аталган кылмыш иши боюнча райондук сот 6-декабрда өкүм чыгарган.

"Мен сот актылары күчүнө кирмейин эч кандай комментарий бере албайм. Конституцияда сот кайсы бир иш боюнча отчет бербейт деп жазылган", — деди ал.

Калиеванын айтымында, соттун чечимине эч убакта эки тарап тең канааттанбайт.

"Андыктан бул сөзсүз түрдө Жогору сотко чейин жетип, ал жактан чекит коюлат", — деди төрайым.

Эске салсак, мурдагы премьер-министр Сапар Исаков мал-мүлкүн конфискациялоо менен 15 жылга эркинен ажыратылды. Ал эми дагы бир экс-премьер Жантөрө Сатыбалдиевдин да мал-мүлкү камакка алынып, 7,5 жылга кесилди. Ошондой эле Улуттук энергохолдингдин мурдагы башчысы Айбек Калиев 15 жылга, "Электр станциялары" ААКтын мурдагы башчысы Салайдин Авазов 11,3 жылга кесилип, болгон мал-мүлкү камакка алынды.

Сот ошол эле учурда төрт кишини сот залынан бошотту. Алар: ТЭЦти модернизациялоо тобунун башчысы Темирлан Бримкулов (2,5 жыл эркинен ажыратылган), экс-каржы министри Ольга Лаврова (3 миллион сом айып), Жогорку Кеңештин депутаты Осмонбек Артыкбаев (5 миллион сом айып), "Электр станциялары" ААКтын төрагасынын мурдагы орун басары Жолдошбек Назаров (2,5 жыл эркинен ажыратылган).

Бошотулгандардын убактылуу кармоо жайындагы мөөнөтү эске алынган (Жаңы кодекс боюнча бир жыл эки жыл деп эсептелет).

288
Белгилер:
ТЭЦ, Жогорку сот, өкүм, Гүлбара Калиева, Кыргызстан
Тема:
ТЭЦ боюнча козголгон кылмыш иштер жана кармалгандар (70)
Тема боюнча
ТЭЦ иши боюнча соттолгон аткаминерлер 5,4 млрд. сом төлөп бермей болушту
ТЭЦ боюнча сот: төрт аткаминер бошотулду
СССРдин ат оюндары боюнча эмгек сиңирген спорт чебери, Кыргызстанда туулган Александр Блинов. Архив

Олимпиада-80 чемпиону, КРде туулган Александр Блинов көз жумду

28
(жаңыланган 21:54 05.03.2021)
Блинов 1980-жылы өткөн Олимпиада оюндарында командалык үч таймашта алтын жана жеке үч таймашта күмүш медалдын ээси болгон.

БИШКЕК, 5-мар. — Sputnik. 67 жаш курагында СССРдин ат оюндары боюнча эмгек сиңирген спорт чебери, Кыргызстанда туулган Александр Блинов каза болду. Бул тууралуу Жаштар иши, дене тарбия жана спорт агенттигинин маалымат кызматы кабарлады.

Муфтийдин милдетин аткаруучу, белгилүү дин аалымы Кадыр Маликов. Архив
© Sputnik / Табылды Кадырбеков
Блинов 1980-жылы өткөн Олимпиада оюндарында командалык үч таймашта алтын жана жеке үч таймашта күмүш медалдын ээси болгон.

Спортчуну акыркы сапарга узатуу зыйнаты 6-мартта Москвада өтөт. Блинов 1954-жылы 19-августта Фрунзе шаарында туулган.

Анын Москвадагы Олимпиада оюндарында жетишкен ийгиликтери боюнча Sputnik Кыргызстан агенттиги даярдаган материалдан окуй аласыздар.

28
Белгилер:
өлүм, спортчу, олимпиада
Тема боюнча
Эми башка Жамал жаралбайт. Элдин Сейдакматова менен коштошкон видеосу
Экс-министр Шайлообек Ниязов каза болду
Туман учурунда электр зымдары. Архив

Ишембиге карата аба ырайы

55
(жаңыланган 21:30 05.03.2021)
6-мартка караган түнү жаап өткөн жана күтүлүп жаткан жаан-чачынга байланыштуу өлкөнүн тоолуу райондорунда кар көчкү түшүү коркунучу бар.

БИШКЕК, 5-мар. — Sputnik. Ишембиде күндүз республика боюнча жаан-чачын күтүлбөйт. Кээ бир райондордо туман түшөт. Батыштан соккон шамалдын ылдамдыгы секундасына 4-9 метрге жетет. Бул тууралуу Кыргызгидромет билдирди.

Жолдорго муз тонуп, тайгак болот. Унаалардын ортосундагы 500 метр аралык кыймыл чектелиши зарыл.

Абанын температурасы Чүй, Талас облустарында +10…+15, Ош, Жалал-Абад, Баткен аймактарында +11…+16, Ысык-Көлдө +4…+9, Нарын өрөөнүндө +1…+6 градус болот.

Күндүн табы Бишкекте +13…+15, Ош шаарында +14…+16 градусту көрсөтөт.

55
Белгилер:
Кыргызстан, март, аба ырайы
Тема боюнча
Ысык-Көлдө кыйраган 37 млн. сомдук тик учак. Ми-8 кантип кырсыктаган