Будапешт шаары, Венгрия. Архив

75 бюджеттик орун бар. Венгриянын ЖОЖдорунда окуу үчүн сынак жарыяланды

2065
(жаңыланган 20:58 09.12.2019)
Билим берүү жана илим министрлигинин маалыматы боюнча, жалпы 75 бюджеттик орун бөлүндү. Анын 30у бакалавр, 30у магистратура, ал эми 15и докторантурага берилген.

БИШКЕК, 9-дек. — Sputnik. Венгрия кыргызстандыктарга 2020-2021-окуу жылына карата билим алуу үчүн бюджеттик орундарды бөлүп, ага Билим берүү жана илим министрлиги сынак жарыялады. Бул тууралуу аталган ведомстводон билдиришти.

Маалыматка ылайык, жалпы 75 бюджеттик орун бар. Анын 30у бакалавр, 30у магистратура, ал эми 15и докторантурага берилген.

Гранттар Венгрия өкмөтүнүн Stipendium Hungaricum Scholarship Program программасы аркылуу бөлүнүп жатат. Ал эми тескөө иштерин Темпус коомдук фонду жүргүзөт.

Кыргызстандын жарандары төмөнкү багыт боюнча акысыз билим ала алышат:

Бакалавриат программасына тапшырчулар: айыл чарба, социалдык, экономикалык, техникалык жана табигый илимдер, маалымат технологиялары, спорт жана мамлекеттик саясат;

Магистратура программасына тапшырчулар: айыл чарба, социалдык, экономикалык, техникалык жана табигый илимдер, маалымат технологиялары, спорт жана мамлекеттик саясат;

Докторантура программасына тапшырчулар: бардык багыт боюнча.

Тандоо шарты, керектүү документтер жана сынак боюнча кеңири маалыматты министрликтин сайтынан алууга болот.

2065
Белгилер:
сынак, бюджет, окуу жай, Венгрия, Кыргызстан
Тема боюнча
Индия менен Кытай кыргызстандыктарга акысыз окууга 19 орун берди
Парктын көлмөсүндө өрдөк

Жекшембиге карата аба ырайы

11
Жекшембиге караган түнү өлкө аймагында жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 31-окт. — Sputnik. 1-ноябрь, жекшембиде, республика боюнча күн ачык болот. Бул тууралуу Кыргызгидромет билдирди. 

Абанын температурасы Чүй, Талас өрөөндөрүндө +13...+18, Ош, Жалал-Абад жана Баткен облустарында +16...+21, Ысык-Көл жана Нарын жергесинде +9...+14 градус болот.  

Күндүн табы борборубуз Бишкекте +16...+18  жана Ош шаарында +19...+21 градуска көтөрүлөт.

11
Белгилер:
Кыргызстан, аба ырайы
Тема боюнча
Адаттагыдан суук болот. Ноябрга карата аба ырайы
Британиялык актер Шон Коннери. Архив

Белгилүү актёр Шон Коннери көз жумду

41
(жаңыланган 20:34 31.10.2020)
Дүйнөгө белгилүү актёр 1988-жылы “Оскар” сыйлыгына татыган. Анын жалпы жонунан үч “Алтын глобусу” бар.

БИШКЕК, 31-окт. – Sputnik. Британиялык актёр Шон Коннери 90 жашында дүйнөдөн өттү. Бул тууралуу BBC жазды.

Актёр Джеймс Бонд жөнүндөгү тасмалардан сырткары, 70тен ашык кинодо роль жараткан. 1988-жылы “Оскар” сыйлыгына татыган. Актёрдун үч “Алтын глобусу” бар.

Анын уулу Жейсондун айтымында, Коннери Багам аралдарындагы Нассау шаарында көз жумган. Ал бир нече күндөн бери ооруп жүргөн.

41
Белгилер:
Шон Коннери, каза болду, актер
Тема боюнча
"Форрест Гамп" романынын автору көз жумду