Мальчик нагружает осла бидоном с водой у речки в Баткенской области

Нарында 42 айыл таза сууга муктаж

72
(жаңыланган 20:21 10.12.2019)
Долбоор ишке ашса, Нарын облусунун айылдарында жашаган 90 миң жашоочу ичүүчү суу менен камсыз болмокчу. Аталган аймакта 135 айыл бар.

БИШКЕК, 10-дек. — Sputnik. Нарын облусунун 42 айылын ичүүчү суу менен камсыздоо үчүн 32,9 миллион доллар сарпталат. Мындай маалымат бүгүн Жогорку Кеңештин Агрардык саясат, суу ресурстары, экология жана регионалдык өнүктүрүү боюнча комитетинин Нарын шаарында өткөн көчмө жыйынында айтылды.

Азия өнүктүрүү банкы каржылоо жаатында башкы өнөктөш катары иш алып барып, кыргыз өкмөтү тарабынан долбоор жүзөгө ашууда. Мунун ичинен 31 айылды таза суу менен камсыздоо биринчи транш менен ишке ашат.

Жыйында "Нарын облусунда айылдарды ичүүчү суу менен камсыздоо жана санитарияны өнүктүрүү" долбоорунун алкагында Азия өнүктүрүү банкы 13,7 миллион долларды грант, 13,7 миллион долларды насыя түрүндө берери маалымдалды. Ал эми өкмөттүн 5,5 миллион долларды кошумча каржылоосу каралган.

"Долбоор ишке ашса Нарын облусунун айылдарында жашаган 90 миң жашоочу ичүүчү таза суу менен камсыз болот", — деди Суу ресурстары боюнча мамлекеттик агенттигинин директору Көкүмбек Таштаналиев.

Депутаттар 42 айылга таза суу киргизүүнү эки траншка бөлгөндө долбоор узакка созулуп кетерин айтышып, бир эле каржылоо менен ишке ашырууну сунушташты. Бул сунуш өкмөттө каралары айтылып, облус аймагында Таза суу мыйзамынын аткарылышы бир добуштан жактырылды.

Көчмө жыйынды аталган комитеттин төрагасы Нурбек Алибеков жетектеп алып барды.

Маалымат үчүн айта кетсек, Нарын облусунда 135 айыл болсо, анын ичинен 42 айыл ичүүчү таза суу менен толук камсыз болгон эмес.

72
Белгилер:
акча, комитет, жыйын, таза суу, Нарын, Кыргызстан
Тема боюнча
Бишкекте таза суу көйгөйү качан чечилет. "Бишкек суу каналдын" жообу
2020-жылы Кыргызстанда эмнелер курулат? Өкмөттүн убадалары
Алма ширеси. Архивдик сүрөт

Диетолог организмге пайдалуу деп жүргөн азыктардын зыянын айтып берди

14
(жаңыланган 20:05 26.09.2020)
Адис май ден соолук үчүн маанилүү роль ойной турганын белгилеп, майы кетирилген сүт азыктарын алуу таптакыр эле пайдасы жок экендигин айткан.

БИШКЕК, 26-сен. — Sputnik. Туура тамактануу үчүн колдонгон азыктардын көбүнүн организмге пайдасы жок. Бул тууралуу Sputnik радиосуна диетолог-нутрициолог Арина Скоромная айтып берди. 

Анын пикиринде, майлары кетирилген сүт азыктары ден соолукка оң таасирин тийгизбейт.

"Адамга май керек. Ал жок кальций сиңбейт. Ошондуктан майы кетирилген сүт азыктарынын дээрлик пайдасы жок десек болот. Изилдөөлөр боюнча мындай азыктар зат алмашууну кыйындатат", — деген Арина Скоромная.

Ошондой эле эртең менен эрте жемиштерден сыгылган ширени ичпей эле коюуну сунуштаган. Себеби кандагы канттын деңгээли көтөрүлүп кетет.

Чөнтөккө да күч келбейт, ден соолукка да пайдалуу. Диетолог 7 азыкты санады

Диетолог мүнөздөп тамак ичип жаткандарга арналып чыгарылган азыктарды дагы байкап алууга кеңеш берген. Маселен, фитнес-батондордун курамына жана чыгарган ишканага көңүл буруу керек. Адатта пайдалуу делген азыктардын көбүндө кант болот.

14
Белгилер:
адистер, май, ден соолук, азык, диетолог
Тема боюнча
Адис: жаңгак сиңимдүү болушу үчүн үч эрежени сактоо керек
 Бишкекте бир нече ресторан айыпка жыгылды

Терезени караңгылатып майрамдашкан. Бишкекте бир нече ресторан айыпка жыгылды

16
(жаңыланган 19:47 26.09.2020)
Шаардык муниципалитет тиешелүү адистердин жана укук коргоо органдарынын коштоосунда маараке өтүп жаткан жерлерге кирип барган.

БИШКЕК, 26-сен. — Sputnik. Бишкекте санитардык эрежени бузган бир нече кафе, ресторан жана эс алуучу жайларга айып пул салынып, протокол түзүлдү. Бул тууралуу шаардык муниципалитеттин маалымат кызмат кабарлады.

Кечээ шаардык мэрия Санитардык-эпидемиологиялык борбордун жана инспекциянын адистеринин, райондук администрациянын мобилдик топторунун жана милиция кызматкерлеринин коштоосунда рейд кылган.

Баткенде санитардык талаптарды аткарбагандарга айып салынды. Арасында 9 мамкызматкер бар

Анын алкагында "Вавилон" ресторанында санитардык нормаларды сактабай үйлөнүү той өткөрүп жатканын көрүшкөн. Той токтотулуп, Эреже бузуулар кодексинин 293-беренеси боюнча протокол түзүлгөн.

  • Один ресторанов Бишкека, который нарушил санитарные правила, проводив массовые мероприятия
    Бишкекте санитардык эрежени бузган бир нече кафе, ресторан жана эс алуучу жайларга айып пул салынып, протокол түзүлдү.
    © пресс-служба мэрии города Бишкек
  • Один ресторанов Бишкека, который нарушил санитарные правила, проводив массовые мероприятия
    Кечээ шаардык мэрия Санитардык-эпидемиологиялык борбордун жана инспекциянын адистеринин, райондук администрациянын мобилдик топторунун жана милиция кызматкерлеринин коштоосунда рейд кылган.
    © пресс-служба мэрии города Бишкек
  • Один ресторанов Бишкека, который нарушил санитарные правила, проводив массовые мероприятия
    Анын алкагында "Вавилон" ресторанында санитардык нормаларды сактабай үйлөнүү той өткөрүп жатканын көрүшкөн.
    © пресс-служба мэрии города Бишкек
  • Один компклубов Бишкека, который нарушил санитарные правила, проводив массовые мероприятия
    Той токтотулуп, Эреже бузуулар кодексинин 293-беренеси боюнча протокол түзүлгөн.
    © пресс-служба мэрии города Бишкек
  • Один компклубов Бишкека, который нарушил санитарные правила
    Кечинде бир катар санитардык эрежелерди бузган эс алуучу жайлар аныкталган. "Ретро-Метро" түнкү клубунун, "Сенатор", "Алмалуу", "Столица" клубунун, "Плаза Восток" бильярд клубунун жана Good Game компьютердик залынын администрацияларына карата Эреже бузуулар кодексинин 293-беренесинин негизинде протоколдор түзүлгөн.
    © пресс-служба мэрии города Бишкек
1 / 5
© пресс-служба мэрии города Бишкек
Бишкекте санитардык эрежени бузган бир нече кафе, ресторан жана эс алуучу жайларга айып пул салынып, протокол түзүлдү.

"Санжыра" ресторанынын администрациясы эрежелерди бузууга "кылдат" мамиле жасаганы айтылат. Үй-бүлөлүк майрам жабык эшик артында өтүп, терезелерин кара чүпүрөк менен караңгылатып алышкан. Тойду токтотууга укук коргоо органдары келишкен. Аталган факт Кылмыш жана жоруктардын бирдиктүү реестрине катталып, тойкананын ээсине кылмыш иши козголгон.

Ошондой эле "Гузель Гранд" ресторанында кыз узатуу токтотулуп санитардык-эпидемиологиялык көзөмөл борбору протокол түзгөн. Ал эми "Тумар" ресторанында үйлөнүү тойдогу коноктор таркатылып, администрациясына айып пул салынган.

Кечинде бир катар санитардык эрежелерди бузган эс алуучу жайлар аныкталган. "Ретро-Метро" түнкү клубунун, "Сенатор", "Алмалуу", "Столица" клубунун, "Плаза Восток" бильярд клубунун жана Good Game компьютердик залынын администрацияларына карата Эреже бузуулар кодексинин 293-беренесинин негизинде протоколдор түзүлгөн.

Жалал-Абадда тойкана ээлерине салынчу айып 60 миң сомго чейин жогорулады

Эреже бузгандарга экинчи категориядагы айып пул каралган. Ал жарандарга үч миң, юридикалык жактарга 13 миң сом деп эсептелинет.

Бишкек шаарынын мэриясы санитардык нормалардын бузулгандыгы тууралуу кабарлоо үчүн төрт райондун акимдеринин биринчи орун басарларынын номерлерин берди.

  • Сатыбек Каныбеков (Биринчи май району) — 0 (772) 66-53-77;
  • Садык Мырзакматов (Свердлов району) — 0 (551) 57-18-23;
  • Кубанычбек Айтакунов (Октябрь району) — 0 (708) 83-82-95;
  • Алтынбек Маматов (Ленин району) — 0 (772) 15-79-76.

Мэрия шаардыктарды мааракелерге, куран окутууга, той жана башка үй-бүлөлүк салтанаттарга барбай турууга чакырат. Өлкөдө, анын ичинде борбор калаада коронавирус менен ооругандардын көбөйүп жатканы эскертилди.

16
Белгилер:
рейд, айып пул, той, Эйр Бишкек
Тема:
Коронавируска байланыштуу Кыргызстандагы кырдаал
Тема боюнча
Жалал-Абадда тойкана ээлерине салынчу айып 60 миң сомго чейин жогорулады