Манас аэропортундагы учак. Архив

Кыргыз учактары Европа асманында качан эркин учат? Авиация агенттигинин жообу

169
(жаңыланган 17:13 12.12.2019)
Кыргызстан "кара тизмеде" 13 жылдан бери жүрөт. Азыр анда биз менен катар Афганистан, Конго, Гондурас, Замбия, Мавритания, Түндүк Корея сыяктуу 30га чукул өлкө бар.

БИШКЕК, 12-дек. — Sputnik. Европа комиссиясы Кыргызстандын Евробиримдиктин "кара тизмесинен" чыгуусуна кызыкдар экенин, учурда учуулардын коопсуздугун камсыздоо шартын жакшыртуу боюнча кыргыз тараптан суралган кошумча материалдарды күтүп жатканын билдирди.

Бул жөнүндө талкуу тышкы иштер министри Чыңгыз Айдарбековдун Брюссель шаарындагы жолугушуусунда болгонун ведомствонун маалымат кызматы билдирди. Анда министр Еврокомиссиянын мобилдүүлүк жана транспорт боюнча башкы директору Хенрик Хололей менен сүйлөшкөн.

Европа комиссиясы Кыргызстандан кандай материалдарды күтүп жатканын Жарандык авиация агенттигинин учуу жарамдуулугуна колдоо көрсөтүү бөлүмүнүн башчысы Алмаз Биймурзаев маалымат жыйында түшүндүрүп берди.

Анын айтымында, "кара тизмеден" чыгуу үчүн Кыргызстандагы авиациялык эрежелер эл аралык стандартка туураланды. Агенттиктин бюджети көбөйтүлдү жана адистерди дайындоо боюнча эл аралык уюмдар менен келишим түзүлдү.

"Буларды аткарган соң быйылкы жылдын апрель айында кайра текшерүү болуп, бизге 29 пункттан турган суроо берилген. Агенттик аларга август айында жооп берген. Жакында кайра тактоо иретинде 12 суроо жиберишти. Жыл жаңыргыча жооп берүүгө аракет кылып жатабыз", — деди Биймурзаев.

Анын айтымында, Авиациялык коопсуздук боюнча европалык агенттик (EASA) Кыргызстанда канча учак бар, техникалык жактан кызмат көрсөтүүчү борборлордун саны, авиация кызматкерлерин даярдоочу канча окуу жай бар, авиакомпаниялар ишин токтотуп койгон учурлар болду беле деген сыяктуу суроолорду жөнөткөн.

Ал эми журналисттердин "акыркы текшерүү учурунда эл аралык уюм кандай кемчиликтерди тапты" деген суроосуна Биймурзаев канааттандырарлык жооп берген жок.

"2015-16-жылдары кемчиликтер көп болчу. Азыр алардын көпчүлүгү жоюлуп, абал жакшырган. Анча маанилүү эмес кемчиликтер бар", — деди бөлүм башчы.

Ошондой эле "кара тизмеден" качан чыгабыз деген суроого журналисттер так жооп ала алган жок.

ЕБ "кара тизмеси" деген эмне?

"Кара тизмеге" Эл аралык жарандык авиация уюмунун талабына жооп бербеген өлкөлөрдүн авиакомпаниялары кирет. Ал мамлекеттердин учактарына Европа биримдигинин аба мейкиндигине кирүүгө тыюу салынат. "Кара тизмеден" чыгуу жаңы аба каттамдарына жол ачуу менен чектелбестен, камсыздандыруу төлөмдөрүн азайтуу менен учактардын ижара баасын арзандатат. Себеби учак берүүчүлөр менен камсыздандыруу компаниялары "кара тизмеге" киргендерге абайлап мамиле жасашат.

Кыргызстан бул тизмеде 13 жылдан бери жүрөт. Баса, биз КМШ мамлекеттери ичинен Европанын "кара тизмесиндеги" жалгыз өлкөбүз. Буга чейинки тизмеде Казакстандагы Air Astana авиакомпаниясынан башка бардык компаниялар кирген эле, бирок алар тизмеден 2016-жылы чыгып кетүүгө жетишкен.

Учурда "кара тизмеде" Кыргызстан менен катар Афганистан, Конго, Гондурас, Замбия, Мавритания, Түндүк Корея сыяктуу 30га чукул өлкө бар.

169
Белгилер:
кара тизме, Авиация, Европа биримдиги, Кыргызстан
Тема боюнча
Кыргызстан КМШ мамлекеттери ичинен Европанын кара тизмесиндеги жалгыз өлкө болуп калды
Рейхстагдын байкоо жеринде кишилер. Архив

Германия Кыргызстандын карызын кечет, бирок бир шарты бар 

116
(жаңыланган 00:11 27.01.2021)
Өткөн жылы министрлик тышкы карызды жоюп салуу өтүнүчү менен бир нече мамлекетке кайрылган. Бир гана Германия макулдугун берди.

БИШКЕК, 26-янв. — Sputnik. Германия Кыргызстанга 14,9 миллион евро өлчөмүндөгү карызын кечүүгө даяр. Болгону Кыргызстан ал каражатты ипотекалык кредитке жумшашы керек. Бул тууралуу журналисттерге Финансы министрлигинин Мамлекеттик карыздар башкармалыгынын жетекчиси Руслан Татиков билдирди.

Анын айтымында, өткөн жылы министрлик тышкы карызды жоюп салуу өтүнүчү менен бир нече мамлекетке кайрылган. Бир гана Германия буга макул болду.

Руководитель Управления государственным долгом при Министерстве финансов Руслан Татиков во время беседы на радио
© Sputnik / Асель Сыдыкова
Финансы министрлигинин Мамлекеттик карыздар башкармалыгынын жетекчиси Руслан Татиков
"Жалгыз Германия карызды жоюу боюнча макулдугун берди. Документке кол коюла элек, бирок сүйлөшүүлөр болду”, — деди Татиков.

Ал кошумчалагандай, бул каражат эми Мамлекеттик ипотекалык компанияга жумшалат деп күтүлүп жатат.

116
Белгилер:
Руслан Татиков, Тышкы карыз, Германия, Кыргызстан
Тема боюнча
Кыргызстан карыз төлөөнүн эң жогорку чегине качан жетет? Расмий жооп
Каракол шаарынын санитардык эпидемиологиялык көзөмөлдөө кызматына берилген Toyota Land Cruiser Prado

Ысык-Көл: медиктерге берилген жолтандабас президенттин иш башкармалыгында жүрөт 

88
(жаңыланган 22:57 26.01.2021)
Социалдык тармактарда “медиктерге берилген автоунааны президенттин иш башкармалыгы алып алыптыр” деген маанидеги посттор жарыяланды.

БИШКЕК, 26-янв. — Sputnik. Каракол шаарынын Санитардык эпидемиологиялык көзөмөлдөө кызматы өткөн жылдын сентябрь айында берилген Toyota Land Cruiser Prado үлгүсүндөгү жолтандабасты башка автоунаага КР президентинин иш башкармалыгы менен алмашып алды. Бул тууралуу кызматтын жетекчиси Нуркамел Бектуров билдирди.

Социалдык тармактарда “медиктерге берилген автоунааны президенттин иш башкармалыгы алып алыптыр” деген маанидеги посттор жарыяланды.

Мындан улам Sputnik Кыргызстан агенттигинин кабарчысы Санитардык эпидемиологиялык көзөмөлдөө кызматынын жетекчиси менен байланышты. Ал автоунааны алмашып алышканын тастыктап, жолтандабастын ордуна Volkswagen Polo үлгүсүндөгү машина алышканын билдирди.

Ал эми президенттин маалымат кызматы окуянын чоо-жайын тактап берүүнү убадалашты.

Эске салсак, өткөн жылдын июль айында өкмөттүн Ысык-Көл облусундагы өкүлчүлүгүнө тиешелүү автоунаага башка автонун номери тагылып жүргөн жерден кармалып, чуу чыккан. Кийин ал авто эл аралык долбоордун негизинде сатып алынганы айтылган. Көп өтпөй автокөлүк Каракол шаарынын Санитардык эпидемиологиялык көзөмөлдөө кызматына белекке берилген.

88
Белгилер:
белек, автоунаа, Каракол
Тема боюнча
Элчи Удовиченко россиялык ишкердин чуулуу бизнеси боюнча окуяга көңүл бурду
Коррупцияга айыпталган мурдагы жетекчи 11 млн. сом төлөп үй камагына чыкты