Директор Третьего департамента стран СНГ МИД России Александр Стерник

Стерник: 2020-жылы Россия менен Кыргызстандын кызматташуусу активдешет

(жаңыланган 17:37 12.12.2019)
Россия ТИМинин КМШ өлкөлөрү боюнча үчүнчү департаментинин директору Александр Стерник Борбор Азия, Казакстан өлкөлөрүнүн тышкы ведомстволорунун ортосундагы кызматташуу боюнча айтып берди.

Ал гуманитардык-саясий, экономикалык багытта, газ, көмүр импорттоо жаатындагы алака-катнаштарга токтолду.

— 2020-жыл Россия менен Кыргызстандын бири-бирине арнаган жылы болот. Анын алкагында ТИМ өкүлдөрүнүн эки тараптуу иш сапарлары күтүлөбү? Тараптар бул жылы кандай иш-чараларды пландап жатат?

— Кыргызстан менен Россиянын президенттеринин быйылкы жылдын 28-мартындагы билдирүүсүндө келерки жыл — Россия менен Кыргызстандын бири-бирине арнаган жылы болору айтылган.

Вице-премьер-министр Кыргызской Республики Жениш Разаков встретился со спецпредставителем президента Российской Федерации по международному культурному сотрудничеству Михаилом Швыдким.
© Фото / пресс-служба правительства / Алишер Алиев
Россия тарабынан уюштуруу комитетинин курамы бекитилди. Жакын арада саясий, экономикалык жана маданий-гуманитардык иш-чараларга даярдыктар башталат. Алар эки мамлекеттин борбор калаасында жана бир катар шаарларында өтөт.

Россия тарап менен кыргыз өнөктөштөрдүн сунушу үндөшүп, аны эми уюштуруу комитети бекитет. Алардын эң маанилүүсү эки мамлекеттин башчыларынын катышуусу менен өтөт, аймактар аралык конференция, жаштар форуму, маданий күндөр болот. Буга кошумча Улуу Жеңиштин 75 жылдыгына арналган иш-чаралар уюштурулат.

Кызматташуу жаатында 2020-жылдын көзгө толумдуусу — Москва менен Бишкектин көп тармактуу алакасы болорун белгилеп кетким келет.

— Казакстандын соода жана интеграция боюнча вице-министри Кайрат Торебаев алар Украинага сатылган транзиттик көмүргө Россиянын квотаны көбөйтүүсүнө кызыкдар экендигин билдирди. РФтин буга ниети барбы?

— Киев Донбасстан, Россиядан көмүр алуудан баш тарткандан кийин казакстандык өнөктөштөр Украинага көмүр сата баштаган. Биздин аймак аркылуу өткөн "транзиттик" көмүрдүн квотасы россиялык темир жолдун ташыган товарларынын көп же аздыгына, өткөрүү жөндөмдүүлүгүнө жараша аныкталат.

Ноябрь айынан тарта бул квота 140 миң тоннага көбөйтүлгөн. Эксперттердин баасы боюнча бул толугу менен эле кырдаалга шайкеш келген чечим.

— Келе жаткан жылга Россия менен Өзбекстандын ТИМ жетекчилеринин кандай иш-чаралары пландалган? Мындан сырткары Түркмөнстан, Тажикстандын тышкы иштер боюнча ведомстволорунун жетекчилеринин сапарлары боюнча да уксак?

— Лавровдун 2020-жылдын январында Өзбекстанга жасала турган иш сапары даярдалып жатат. Андан сырткары, Ташкент шаарындагы МГИМОнун филиалында чыгып сүйлөшүү да пландалууда.

2020-жылы Өзбекстан КМШга төрагалык кылат. Андыктан биздин министрлердин шериктештик алкагында дагы бир топ жолугушуулары болмокчу.

Ал эми Тажикстанга токтолсок, эки тараптын тышкы саясат боюнча ведомстволорунун башчылары жакында эле расмий сапарларды жасады. 2018-жылдын апрелинде Сироджиддин Мухриддин Москвага, 2019-жылдын февралында Сергей Лавров Душанбеге барды.

Быйылкы жылдын 5-6-февралында Лавров Түркмөнстанда иш сапар менен болду. Кесиптеши, Түркмөнстан ТИМ жетекчиси Рашид Мередов Россияга эки ирет келип кетти. Бири — КМШнын ТИМ жетекчилеринин жыйынында, экинчиси июнда Петербургда өткөн экономикалык форумда болду.

Эки ведомствонун жетекчилери эл аралык иш-чаралардын аянтчаларында арбын кездешип турат.

Белгилер:
иш сапар, кызматташуу, Сергей Лавров, Түркмөнстан, Өзбекстан, Тажикстан, Казакстан, Кыргызстан, Россия
Тема боюнча
Москвада Кыргызстандын кооз жерлерин чагылдырган ЕАЭБдин поезди ишке кирди
Россия Кыргызстандан ЖККУдагы төрагалыкты өткөрүп алды
Россия белек кылган тик учактар менен станциялардын артыкчылыгы. Саресеп
WhatsApp мессенджердин логотиби. Архив

Жаңы эрежени кабыл албасаңыз WhatsApp сиздин профилди өчүрөт

(жаңыланган 15:26 19.04.2021)
Жаңыланган келишимге ылайык, сиздин адаттарыңызды жана табитиңизди анализдөө үчүн WhatsApp колдонуучулардын жеке маалыматтарын Facebook тармагына өткөрүп берет.

БИШКЕК, 19-апр. — Sputnik. WhatsApp мессенжери жаңыланган колдонуу келишимин кабыл албаган аккаунттарга 15-майдан тарта чектөө киргизет. Бул тууралуу платформанын сайтында айтылат.

Компания колдонуучунун жаңылануулар боюнча кенен маалымат алуусу үчүн 15-майга чейин убакыт берди. Мессенжер кардарлардын профилин дароо өчүрүп салбайт. Деген менен алар жаңы эрежени кабыл алмайынча башкалардан келген коңгуроолор менен билдирүүлөргө жооп бере албайт.

Россиянын "Башкы радиожыштык борбору" Федералдык мамлекеттик унитардык ишканасынын илимий-техникалык борборунун адистери WhatsApp тиркемесин колдонуу келишиминдеги жаңыланган саясатында АКШнын чалгындоо кызматы тиркеме колдонуучуларын аңдып, алардын пикирин бурмалоо коркунучу пайда болушу мүмкүн деген тыянакка келишкен.

Январь айынын башында WhatsApp колдонуу шарттарын өзгөрттү. Ага ылайык, эми колдонуучулар Facebook жарнама тутумуна жана анын тиркемелерине өзүлөрүнүн адаттары жана табити боюнча маалыматтарын тапшыруусу керек. Кийинчерээк айтылган сындарга байланыштуу мессенжер колдонуу келишиминин мөөнөтүн 8-февралдан 15-майга чейин узартып койду.

Белгилер:
эреже, өчүрүү, жазышуу, аңдуу, WhatsApp
Тема боюнча
Clubhouse колдонгон 1,3 млн. кишинин маалыматы ачыкка чыгып кетти
Оорукананын нейрохирургия бөлүмүндө омурткага операция учурунда. Архив

Нарын облусунда биринчи жолу грыжаны алган операция жасалды

(жаңыланган 15:16 19.04.2021)
Мындан ары грыжасы бар бейтаптар Бишкек шаарына барбастан Нарын облусунда эле операция жасата алышары белгиленди.

БИШКЕК, 19-апр. — Sputnik. Нарын облусунда бел омурткасында пайда болгон грыжаны алган алгачкы операция жасалды. Бул тууралуу аймактык кабарчыга Нарын облустук бириктирилген ооруканасынын травматология бөлүмүнүн травматологу Талант Калдыбаев билдирди.

Анын айтымында, 14-апрель күнү 41 жаштагы бейтаптын төртүнчү жана бешинчи бел омурткасындагы (L IV-L V) грыжасы алынган. Бейтап бул илдеттен жети жылдан бери жапа чегип келген.

"Бүгүн бейтапка операция жасалганына 5 күн болду, бутуна туруп басып калды. Учурда абалы жакшы. Эми бейтаптар Бишкек шаарына барбастан Нарын облусунда эле операция жасата алышат", — деди дарыгер.

Бул операцияны Нарын облустук бириктирилген ооруканасынын директору Чыңгыз Нарынбеков, директордун дарылоо иши боюнча орун басары Эламан Алиев жана травматология бөлүмүнүн травматолог дарыгери Талант Калдыбаев жасаган.

Белгилер:
бейтап, операция, грыжа, Нарын
Тема боюнча
Невролог Батыров: остеохондроз күчөп отуруп грыжага айланат