Түркиянын Анкара шаарынын Кечиорен муниципалитетинде жайгашкан Чыӊгыз Айтматов атындагы паркта улуу жазуучунун эстелиги ачылды.

Анкарада жамгыр алдында ачылган Айтматовдун эстелиги. Сүрөттөр

192
(жаңыланган 12:56 13.12.2019)
Чыңгыз Айтматовду Түркия, жалпы түрк эли пир тутуп, ага таасирленип, табынып, урмат менен мамиле жасап келет. Буга чейин аталган мамлекетте алп жазуучунун бир нече айкели орнотулган.

БИШКЕК, 13-дек. — Sputnik. Түркиянын Анкара шаарынын Кечиорен муниципалитетинде жайгашкан Чыӊгыз Айтматов атындагы паркта улуу жазуучунун эстелиги ачылды. Бул туурасында Тышкы иштер министрлигинин маалымат кызматынан билдиришти.

Эстеликти Анкара шаарынын Кечиорен мэриясы жасатып, орноткон.

  • В Анкаре (Турция) открылся памятник народному писателю Кыргызстана Чингизу Айтматову в парке имени Чингиза Айтматова, расположенном в муниципалитете Кечиорен.
    Түркиянын Анкара шаарынын Кечиорен муниципалитетинде жайгашкан Чыӊгыз Айтматов атындагы паркта улуу жазуучунун эстелиги ачылды.
    © Фото / пресс-служба МИД КР
  • В Анкаре (Турция) открылся памятник народному писателю Кыргызстана Чингизу Айтматову в парке имени Чингиза Айтматова, расположенном в муниципалитете Кечиорен.
    Эстеликти Анкара шаарынын Кечиорен мэриясы жасатып, орноткон.
    © Фото / пресс-служба МИД КР
1 / 2
© Фото / пресс-служба МИД КР
Түркиянын Анкара шаарынын Кечиорен муниципалитетинде жайгашкан Чыӊгыз Айтматов атындагы паркта улуу жазуучунун эстелиги ачылды.

Иш-чарага Түркиядагы аткаминерлер, тагыраагы, президент Режеп Тайып Эрдогандын башкы кеңешчиси Ялчын Топчу, Кечиорен муниципалитетинин мэри Тургут Алтынок, Анкарадагы башка мамлекеттердин элчилери, Түркиянын министрликтеринин жана ведомстволорунун өкүлдөрү, эл аралык уюмдардын жана коомдук бирикмелердин өкүлдөрү жана жетекчилери, бизнес чөйрөсүнүн өкүлдөрү катышкан. Андан сырткары, кыргызстандык, түркиялык студенттер, жалпыга маалымдоо каражаттарынын өкүлдөрү, Түркиянын аймагында жашаган кыргыз жарандарынын диаспораларынын өкүлдөрү катышкан.

Аталган иш-чарада залкар жазуучуну эскерип, анын чыгармаларын дүйнө эли сүйүп окугандыгы тууралуу сөз болду.

Кыргызстандын Түркиядагы элчиси Кубанычбек Ѳмүралиев Айтматовдун эстелигинин ачылышындагы иш-чарага активдүү катышкан бардык конокторго, жазуучунун күйөрмандарына, Кечиорен муниципалитетинин мэрине жана скульпторлорго терең ыраазычылыгын билдирди.

"Айтматов сүрөткер, ойчул жана адабияттын көрүнүктүү ишмери катары биздин замандын эӊ улуу жазуучуларынын бири. Бул иш-чара дагы бир жолу Айтматовду бардыгыбызга эскертти", — деген ал.

Чыңгыз Айтматовду түркиялыктар, түрк эли пир тутуп, урмат менен таасирленип, табынып мамиле жасаганы туурасында Sputnik Кыргызстан жарыялаган "Жазуучу жана Түркия тууралуу 17 фактыдан" окусаңыздар болот.

Айтмакчы, бул күнү Конья шаарында билим алып жаткан кыргыз студенттери Айтматовдун туулган күнүнө карата "Кыргызстан жана Айтматов" аттуу иш-чара өткөрдү.

192
Белгилер:
эстелик, Чыңгыз Айтматов, Анкара, Түркия
Тема боюнча
Айтматов 53, Кыдыкеева 58 жашта... "Кыргыз кереметин" жараткандар таберик сүрөттө
Айтматов атындагы жаштар сыйлыгын кимдер кайсы эмгеги үчүн алды. Тизме
Чыңгыз ата берген бата. Айтматовдун ким экенин Ата-Бейитке баратканда билдим
Лид-аниматор Самара Мастанова

Мастанова: он мүнөттүк мультфильмди төрт күндө жасап бүтөбүз

3
(жаңыланган 17:43 28.10.2020)
Лид-аниматор Самара Мастанова Кыргызстанда кандай анимациялык эмгектер жасалып жатканын айтып берди.

Мастанова: он мүнөттүк мультфильмди төрт күндө жасап бүтөбүз

Лид-аниматор сценаристтер жана сүрөтчү-мультипликатор менен иштейт. Алсак, окуяга канча каарман, кандай фон, образдар керектигин дал ушул адис айтып турат. Бул тууралуу Самара Мастанова Sputnik Кыргызстан радиосунун эфиринде маек куруп жатып билдирди.

Балдар видеороликтери менен укмуштай акча тапчубуз. Дасыккан ютубердин баяны

Анын айтымында, бир команда кыска метраждуу он мүнөттүк мультфильмди төрт күндө жасап бүтөт.

"Мен Кыргыз-түрк "Манас" университетин аяктап жатканда дипломдук ишимде анимация жасадым. Албетте, бизде бул тармакка басым жасалып окутулбайт. Бирок интернетте видео сабактардын жардамы менен анимациялык тасма жаратса болот. Ошону менен бирге аталган окуу жайда Кыргызстандын алдыңкы аниматорлорунун бири Каныбек Өмүрбековдун кошумча курстарына катышуу мүмкүнчүлүгү бар. Азыр мен — иштеп жаткан студияда лид-аниматормун. Менин функциям тапшырык келсе бөлүштүрүп, жумуштун аткарылышын көзөмөлдөп, бүткөн анимациянын композициясы, пландарын карап, каталарын текшерүү. Алсак, бизде 8-9 кишиден турган 2D жана 3D жасаган командалардын бирден лид-аниматору болот. Азыркы учурда биздин эмгектер "Ютубдагы" каналга чыгып жатат. Бул өспүрүмдөргө арналган контент десек болот. Анда адамдардын жашоосундагы ийгилиги же жеңилүүсү, сүйүү же көңүл калуу жана кайгылуу, же тескерисинче, күлкүлүү окуялары чагылдырылат. Анимациялардын үнү кыргызча, түркчө, казакча, орусча, немец жана англис тилинде коштолуп чыгып жатат", — деди Мастанова.

Ал 2D жана 3D анимацияларды Moho pro, Blender программаларынын жардамы менен жасап жатышканын кошумчалады.

3
Белгилер:
анимация, тасма, мультфильм
Тема боюнча
Мультфильм каарманына айланган ар улуттун кыздары. Суктанткан сүрөттөр
Бишкектеги Ала-Тоо аянтыдагы митинг учурунда. Архив

Жумабеков: митингде жабыркагандардын бири комадан чыга элек, абалы оор

21
(жаңыланган 16:45 28.10.2020)
Саламаттык сактоо министрлигинин алдындагы Медициналык жардамды уюштуруу жана дары саясаты башкармалыгынын башкы адиси Эсенбек Жумалиевдин айтымында, Травматология борборунда жаткан 10 адамды кошкондо стационарларда жалпы 11 бейтап бар.

БИШКЕК, 28-окт. — Sputnik. "Ала-Тоо” аянтындагы митингде жабыркагандардын бири дагы деле комадан чыга элек, абалы оор. Бул тууралуу Sputnik Кыргызстан агенттигинин кабарчысына Травматология жана ортопедия илим-изилдөө борборунун жетекчиси Сабырбек Жумабеков билдирди. 

Анын айтымында, жабыркагандардын ичинен ооруканада 10 бейтап калды.

"Митингчилер менен милициянын кагылышынан биздин ооруканага 600дөй адам кайрылган. Азыр алардын ичинен 10у калды. Бешөөнүн абалы оор, бирөө комадан дагы деле ойгоно элек. Дары-дармек акысыз берилип жатат. Кээ бири операция болду. Аларга да операциялар бекер жасалууда", — деди Жумабеков.

Саламаттык сактоо министрлигинин алдындагы Медициналык жардамды уюштуруу жана дары саясаты башкармалыгынын башкы адиси Эсенбек Жумалиевдин айтымында, Травматология борборунда жаткан 10 адамды кошкондо стационарларда жалпы 11 бейтап жатат.

"Улуттук госпиталда бир бейтап жатат. Калганы үйлөрүнө чыгарылды", — деди Жумалиев.

5-6-октябрда Бишкекте болгон митингден жабыркап, ооруканага жалпы 1 253 киши кайрылган.

Митингде бир көзүнөн айрылган Уларбектин таежеси: экинчи көзү да коркунучта

Эске салсак, 5-октябрда "Ала-Тоо" аянтында парламенттик шайлоонун жыйынтыгына нааразы болгондор митинг өткөргөн. Кийинчерээк чогулгандар Ак үйдү басып алууга аракет кылып, жыйынтыгында милиция менен митингчилер кагылышып, бир топ адам жабыркап, 19 жаштагы Үмүтбек Алтынбек уулу көз жумган.

21
Белгилер:
ден соолук, абал, кома, Митинг, оорукана
Тема:
Парламенттик шайлоодон кийинки окуялар
Тема боюнча
Кыргызстанда беш партия биригип бийликке 6 талап койду
Балбак Түлөбаев Бишкек мэринин милдетин аткара баштады