Потерпевший Мойталифу Маймайтяминг и его адвокат Аскар кызы Жанара во время пресс-конференции по факту мошеннических действий Сыргыка Кенжебаева

Сыргак Кенжебаевден жабыркадым деген кытай ишкери маалымат жыйынды шашылыш бүтүрдү

801
(жаңыланган 13:10 20.12.2019)
Улуттук коопсуздук мамлекеттик комитетинин маалыматы боюнча Сыргак Кенжебаев кытай жаранынан алдамчылык жолу менен 350 миң доллар алган.

БИШКЕК, 20-дек. — Sputnik. Сыргак Кенжебаев кытай компаниясынын өкүлүн алдоо жолу менен ири суммадагы акчасын жана паспортун алып алган. Бул тууралуу жабырлануучу Мойталифу Маймайтямингдин жактоочусу Жанара Аскар кызы маалымат жыйында билдирди.

Жабырлануучу Кыргызстанга былтыр жыл башында келгенин айтты. Кийин Түркиянын жараны болгон Аскар аттуу таанышы "Коопсуз шаар" долбоору боюнча тендерде жардам берем деген Сыргак Кенжебаев менен тааныштырган.

Ошентип Кытайдын жараны, Аскар жана Сыргак Кенжебаев өнөктөш болушкан. Келишим боюнча Мойталифу Маймайтямингге пайданын 85 пайызы, калган 15 пайызын Аскар менен Сыргак бөлүп алмактыгы айтылды.

"Сыргак менден 350 миң доллар менен паспортумду алган. Тендер өткөндөн кийин дагы 250 миң доллар сураганда мен баш тарткам. Паспортумду бер деп талап кыла баштаганда ИИМде тааныштары бар экенин айтып, мени коркута баштады", — деди ал.

Мойталифу Маймайтяминг УКМКга арыз жазганын кошумчалады.

Сыргак Кенжебаев Ширин Айтматованын күйөөсү экенин жабырлануучу менен жактоочусу маалымат жыйын учурунда журналисттерден билишкенин айтышты.

Андан соң маалымат жыйынды шашылыш түрдө токтотуп, кетип калышты. Жактоочу Жанара Аскар кызы Айтматованы тааный турганын жана аны менен кеңешүү керектигин кошумчалады.

Буга чейин Ширин Айтматова күйөөсүн Казакстандын аэропортунан кармап кетишкенин билдирген. Ал эми Кыргызстандын Улуттук коопсуздук малмекеттик комитети аларга М.М. аттуу Кытай жараны кайрылганын маалымдады. Ал Сыргак Кенжебаев андан алдамчылык жолу менен 350 миң долларын алып кеткенин айткан. Бул факты боюнча Кылмыш-жаза кодексинин 204-беренеси - "Алдамчылык" менен кылмыш иши козголду. Кенжебаев УКМКнын убактылуу кармоо жайына киргизилди.

801
Белгилер:
маалымат жыйын, кылмыш иши, УКМК, Сыргак Кенжебаев
Тема боюнча
УКМК Ширин Айтматованын жолдошун эмне себептен кармаганын айтты
ИИМ: Ширин Айтматованын күйөөсү дагы бир кылмыш ишинде фигурант
Дарыгер-офтальмолог Өмүрбек Жолдошев. Архив

Жолдошев: көз гимнастикасын жасап, көрүүнү жакшыртууга болбойт

5
(жаңыланган 15:09 02.12.2020)
Дарыгер-офтальмолог Өмүрбек Жолдошев көз булчуңдарынын гимнастикасын жасоо менен көрүүнү жакшыртууга болбой турганын айтты.
Жолдошев: көз гимнастикасын жасап, көрүүнү жакшыртууга болбойт

Азыркы заманда көпчүлүк компьютер менен иштеп, гаджет, телефон тиктеп калышты. Андыктан бир саат сайын 10 мүнөткө стулдан туруп, алысты карап көздү эс алдырып турган оң. Ошол эле маалда көздүн көнүгүүлөрүн жасап туруу абдан пайдалуу. Бул тууралуу Өмүрбек Жолдошев Sputnik Кыргызстан радиосунун эфиринде маек куруп жатып билдирди.

Анын айтымында, компьютер, телефондун жарыгын, экрандын өңүн көздү чарчатпай тургандай кылып аярлап алуу керек.

"Көз ооруларынын ичинен эң көп кездешкени катаракта же көз чечекейинин тунарышы. Бул оору тубаса жана кийин пайда болушу мүмкүн. 65-70 жаштагы кишилердин көбү эле бул илдетке кабылат. Андан тышкары, биздин өлкөдө глаукома — көздүн ички басымынын жогорулашы жана көрүүнүн начарлашы менен мүнөздөлгөн оору менен жабыркаган адамдар өтө эле көп. Ошону менен бирге макулодистрофия — көз торчосу бузулуп, борбордук көрүүнүн начарлашы менен жабыркап келишет. Ал эми көрүүсү начарлап бараткан адамга дарыгер көз айнек тагын десе сөзсүз аны аткарышы керек. Ал эч качан көрүүнү начарлатпайт. Мен бейтаптарыма дайыма көз айнекти угуу аппаратына салыштырып айтып келем. Ал жөн гана көрүүнү жакшыртуучу аспап. Көрүү начарлаганда көз айнек тагынбаса, көздүн булчуңдары чыңалып, мына ошондо көрүү бузулушу мүмкүн", — деди Жолдошев.

Дарыгер көздү нымдандыруучу тамчылатмалардын зыяны жоктугун жана көздүн көрүүсү жакшы болсо витаминдердин кереги жоктугун, туура тамактануу эле жетиштүү экенин кошумчалады.

5
Белгилер:
оору, көз
Тема боюнча
Жолдошев: коронавирус көз аркылуу жугат деген божомолдор бар
Кыргызстандын мурдагы президенти Алмазбек Атамбаев. Архив

Атамбаев ооруп калып бүгүнкү сот отуруму болбой калды

26
(жаңыланган 15:04 02.12.2020)
Бүгүн Биринчи май райондук сотунда Кой-Таш окуясы боюнча мурдагы президенттин иши каралмак. Бирок өзү келбей койду.

БИШКЕК, 2-дек. — Sputnik. Мурдагы президент Алмазбек Атамбаевдин саламаттыгы начарлаганына байланыштуу сотко келген жок.

Бүгүн Биринчи май райондук сотунда Кой-Таш окуясы боюнча Атамабевдин иши каралмак. Сот залына Фарид Ниязов менен Канат Сагынбаев гана алып келинди. Ал эми Алмазбек Атамбаевдин сот отурумун бир жумага жылдырууну өтүнгөн арызы судьяга берилди.

Анда Алмазбек Атамбаев саламаттыгы начарлаганын айтып, сотко келе албай турганын билдирген. Арызга медициналык маалым кат тиркелген. Ал кагазда Атамбаевдин башы айланып, ооруп, жөтөлүп, алсырап жана бели да ооруп жатканы жазылганын судья окуду.

Мурдагы президент жана башка айыпкерлер келбегенине байланыштуу сот отуруму 9-декбарь саат 14:00гө жылдырылды.

26
Белгилер:
Кой-Таш, сот, Алмазбек Атамбаев
Тема:
Алмазбек Атамбаевдин кармалышы
Тема боюнча
Жогорку сот Атамбаев кандай шартта абактан бошотуларын маалымдады
Жактоочу: Алмазбек Атамбаев жакында эркиндикке чыгышы мүмкүн