Корук аймактарында сейрек кездешкен жаныбарлар менен келгин куштардын саны көбөйүүдө.

Фотокапканга түшүп калган канаттуулар. Өрдөк, таз жорулардын сүрөтү

306
(жаңыланган 18:02 20.12.2019)
Учурда Кыргызстанды канаттуулардын 400 түрү байырлайт, алардын 57си Кызыл китепке кирген. Фотокапкан орнотулган "Каратал-Жапырык" мамлекеттик жаратылыш коругу 36 миң 392,6 гектар аймакты ээлейт.

БИШКЕК, 20-дек. — Sputnik. Корук аймактарында сейрек кездешкен жаныбарлар менен келгин куштардын саны көбөйүүдө. Бул тууралуу Айлана-чөйрөнү коргоо жана токой чарба мамлекеттик агенттигинин маалымат кызматы кабарлады.

Мекеменин билдирүүсүнө ылайык, буга "Каратал-Жапырык" жаратылыш аймагында орнотулган фотокапкандарга түшүп калган сүрөттөр далил. Учурда Кыргызстанды канаттуунун 400 түрү байырлап, алардын 57си Кызыл китепке киргизилген.

  • В кадр фотоловушек попали перелетные птицы в государственном природном заповеднике Каратал-Жапырык
    Корук аймактарында сейрек кездешкен жаныбарлар менен келгин куштардын саны көбөйүүдө.
    © Фото / пресс-служба ГАООСЛХ
  • В кадр фотоловушек попали перелетные птицы в государственном природном заповеднике Каратал-Жапырык
    Бул тууралуу Айлана-чөйрөнү коргоо жана токой чарба мамлекеттик агенттигинин маалымат кызматы кабарлады.
    © Фото / пресс-служба ГАООСЛХ
  • В кадр фотоловушек попали перелетные птицы в государственном природном заповеднике Каратал-Жапырык
    Мекеменин билдирүүсүнө ылайык, буга "Каратал-Жапырык" жаратылыш аймагында орнотулган фотокапкандарга түшүп калган сүрөттөр далил.
    © Фото / пресс-служба ГАООСЛХ
  • В кадр фотоловушек попали перелетные птицы в государственном природном заповеднике Каратал-Жапырык
    Учурда Кыргызстанды канаттуунун 400 түрү байырлап, алардын 57си Кызыл китепке киргизилген.
    © Фото / пресс-служба ГАООСЛХ
1 / 4
© Фото / пресс-служба ГАООСЛХ
Корук аймактарында сейрек кездешкен жаныбарлар менен келгин куштардын саны көбөйүүдө.
"Кызматкерлерибиз жергиликтүү тургундар арасында түшүндүрүү иштерин жүргүзүп, айлана-чөйрө, жаныбар, өсүмдүктөргө аяр мамиле кылууга үндөп келет. Мындан сырткары, санак жүргүзүп, канаттуу же жаныбарлардын көбөйүшүн же азайышын эсепке алып турушат", — деп жазылат билдирүүдө.

Куштар менен жаныбарлардын сүрөтү тартылган "Каратал-Жапырык" мамлекеттик жаратылыш коругу 36 миң 392,6 гектар аймакты ээлейт.

306
Белгилер:
Сүрөт, коргоо, куш, жаныбарлар, Кыргызстан
Тема боюнча
Тоо-таштагы аркар-кулжаны кимдер аттырат? Аңчылык чарбалардын ээлери
Кыргызстан кайберенин чет элдиктерге аттырып канча акча таап жатат? Инфографика
Кыргызстандагы аңчылык чарбаларга кимдер ээлик кылат? Тизме
Flydubai авиакомпаниясынын учагы. Архив

Июлдун аягына чейин Дубайдан Бишкекке үч жолу аба каттамы уюштурулат

14
Бүгүн өлкөгө Бириккен Араб Эмирлигинен 122 кыргызстандык алып келинди. Алардын арасында бөбөктөр дагы бар.

БИШКЕК, 10-июл. — Sputnik. Бүгүнкүдөн сырткары 17, 24 жана 31-июлда Бириккен Араб Эмирлигинен Кыргызстанга дагы үч каттам уюштурулат. Бул тууралуу Республикалык штабдан кабарлашты.

Штаб авиабилеттерди сатып алуунун алдында авиакомпаниядан Дубайдагы буга чейин жасалган транзиттик каттамдар жана чыгуучу каттамдарга уруксатты тактоо керектигин эскертти.

Новосибирскиден мекенге жардам берүү үчүн дагы медиктер учуп келди

Эске салсак, бүгүн, 10-июлда, өлкөгө Бириккен Араб Эмирлигинен 122 кыргызстандык алып келинди. Алардын арасында балдар да бар. Fly Dubai авиакомпаниясынын Дубай-Бишкек багыты боюнча чартердик каттамын "Манас" аэропорту тосуп алган.

Мындан сырткары, Кыргызстанга Улуу Британия жана Бахрейндеги мекендештердин да кайтып келгени маалымдалды. Алар Дубайдын аэропортунан Emirates airlines авиакомпаниясы аркылуу алып келинген.

14
Тема боюнча
Ош шаарына Москвадан дагы 221 кыргызстандык келди
Түркиядан 326 кыргызстандык жаш балдары менен келди. Сүрөт
Вице-премьер Аида Исмаилова

Исмаилова: протоколду сактагыла, туура эмес дарылоонун кесепети оор болууда

91
(жаңыланган 15:43 10.07.2020)
Министрлик тарабынан ушул шаршемби күнү үйдө жатып дарылангандар үчүн жаңы клиникалык протокол иштелип чыкты.

БИШКЕК, 10-июл. — Sputnik. Коронавируска чалдыккандарды үй шартында туура эмес дарылоонун кесепетинен абалы оорлошуп кеткендер болууда. Медиктерден кеңеш алып, атайын бекитилген протоколдун негизинде дарылануу зарыл. Бул туурасында социалдык маселелерди тескеген вице-премьер Аида Исмаилова брифинг учурунда билдирди.

Анын айтымында, ар бир өлкөнүн Саламаттыкты сактоо министрлиги дарылоонун өзүнчө клиникалык протоколун даярдайт. Кыргызстанда мындай протокол акыркы ирет 8-июнда бекиген. Ал эми ушул шаршемби күнү үйдө жатып дарылангандар үчүн жаңы протокол иштелип чыкты.

Кыргызстан Россиянын коронавируска каршы дарысын алууну сүйлөшүүдө

"Тилекке каршы, үйдө жаткандар ийне сайдырып, асма уколду көп колдонушууда. Туура эмес дарылоодон абалы оорлошуп кеткендер болууда. Алар дексаметазон, эуфиллин жана алардын комбинациясындагы химиялык аралашмалары бар препараттарды колдонушкан. Жарандарга кайрыларым, өзүм билемдик менен дары сатып алып дарыланбаңыздар. Интернетте жана башка булактарда айтылган ыкмаларды колдонбоону сунуштайбыз", — деди Исмаилова.

Ошондой эле ал кыргызстандыктар үчүн клиникалык протоколду алдыңкы адистерден жана окумуштуулардан турган топ иштеп чыкканын кошумчалады.

Мэрия: күндүзгү стационарлардан бейтаптар айыга баштады

"Адистер курч мүнөздөгү вирустук оорулар адамдын гормонун начарлатып, организмдин инфекцияга каршы күрөшүү жөндөмүн алсыратарын айтат. Эгер батыш өлкөлөрүндө коронавирустан улгайган адамдар көбүрөөк каза тапса, биздин өлкөдө жаштарды дагы алып кеткен учурлар аз эмес. Ошондуктан дарыгерлерге клиникалык протоколду так сактоо керектигин эскертебиз. Туура эмес дарылаган медиктер жоопкерчиликке тартылат", — деди вице-премьер.

Өлкө аймагындагы соңку кабарлар менен биздин Telegram-каналдан таанышып туруңуз.

91
Белгилер:
медик, протокол, дарылоо, коронавирус, Аида Исмаилова
Тема:
Коронавируска байланыштуу Кыргызстандагы кырдаал
Тема боюнча
Россия коронавируска каршы дагы бир дары чыгарды. Мүнөздөмөсү
Баткенде COVID жугузуп ооруканадан качып кеткен бейтап эртеси каза болуп калды
Бишкектин чок ортосунда Тез жардам автоунаасы кырсыкка кабылды

Тез жардам унаасы Бишкектин чок ортосунда кырсыктан ала салды. Видео

0
(жаңыланган 16:53 10.07.2020)
Тез жардам тобу күндүзгү стационардагы сыркоону Фтизиатрия улуттук борборуна жаткырып, кийинки оорукчанга келе жатканда кырсыкка кабылган.

БИШКЕК, 10-июл. — Sputnik. Бишкектин чок ортосунда Тез жардам автоунаасы кырсыкка кабылып, ала салып кетти. Окуянын жеринен тартылган видеосун "Короче" Telegram-каналы жарыялады.

Кырсык Чүй проспектиси менен Тыныстанов көчөсүнүн кесилишинде катталган. Тез жардам унаасы Toyota менен кагышкан.

Патрулдук милиция кызматына 14:20да билдирүү келген. Тартип коргоочулардын билдиришинче, Тез жардамдын ичиндеги бир жүргүнчү ооруканага жеткирилген.

  • В центре Бишкека вследствие ДТП опрокинулась машина скорой медицинской помощи
    Кырсык Чүй проспектиси менен Тыныстанов көчөсүнүн кесилишинде катталган
    © Фото / Бактыбеков Элхан
  • В центре Бишкека вследствие ДТП опрокинулась машина скорой медицинской помощи
    Тез жардам унаасы Toyota менен кагышкан
    © Фото / Бактыбеков Элхан
1 / 2
© Фото / Бактыбеков Элхан
Кырсык Чүй проспектиси менен Тыныстанов көчөсүнүн кесилишинде катталган

Мэриянын Sputnik агенттигине билдиргендей, ал Бишкектеги медициналык Тез жардам борборунун автоунаасы. Алдын ала маалыматтарга караганда, айдоочусу жеңил жаракат алган, ал эми андагы медайымдын буту сынган деп айтылууда.

Көлдө жүк ташыган унаа менен кагышкан машинанын үч жүргүнчүсү мерт болду. Сүрөт

Дарыгерлер күндүзгү стационардагы сыркоону Фтизиатрия улуттук борборуна жаткырып, кийинки оорукчанга келе жатканда кырсыкка кабылышкан.

0
Белгилер:
Бишкек, патрулдук милиция, жол кырсык, унаа, тез жардам
Тема:
2020-жылдын башынан бери Кыргызстанда болгон жол кырсыктар
Тема боюнча
Талкаланыптыр! Бишкекте жеңил унаа тосмону сүзүп, чуңкурга түшүп кетти. Сүрөт, видео