Автобус айдоочусу. Архив

Акчаң жок деп окуучуну автобустан түшүрүп салган айдоочуга иш козголду

785
(жаңыланган 11:01 21.12.2019)
Факт Аламүдүн районунун милициясы тарабынан Кылмыш-жаза кодексинин 172-беренеси менен каттоого алынып, тергөө иштери башталды.

БИШКЕК, 21-дек. — Sputnik. Окуучу баланы акчаң жок деп тийиштүү жерден түшүрбөй койгон автобустун айдоочусуна карата сотко чейинки өндүрүш башталды. Бул тууралуу Чүй облустук милициясынан кабарлашты.

Эскерте кетсек, 20-декабрда №7 автобустун айдоочусу мектептен жол киресин жоготуп алган окуучуну түшүрбөй, Пригородное айылына алып кетип калганы белгилүү болгон. Мындан улам бала суукта үйүнө жөө келген.

Мэрия аталган айдоочу иштен алынганын маалымдаган.

"Баланы автобустун айдоочусу 1,5 чакырымга чейин алып кеткен. Аталган факт Аламүдүн районунун милициясы тарабынан Кылмыш-жаза кодексинин 172-беренеси ("Мыйзамсыз кармап туруу") менен каттоого алынды", — деп айтылат билдирүүдө.

Ушу тапта тергөө жүрүп жатканы белгилүү болду.

785
Белгилер:
автобус, аялдама, айдоочу, окуучу
Тема боюнча
Акчасын жоготуп алган окуучуну автобустан түшүрбөй койгон айдоочу иштен айдалат
Өспүрүм компьютердин жарылышынан каза таптыбы? Милициянын жообу