Белгилүү режиссёр Болот Шамшиев көз жумду
(жаңыланган 23:17 21.12.2019)
Кинорежиссёрдун буга чейин ден соолугу начарлап, жандандыруу бөлүмүндө дарыланып жаткандыгы кабарланган.БИШКЕК, 21-дек. — Sputnik. СССРдин эл артисти, белгилүү режиссёр Болот Шамшиев көз жумду. Бул тууралуу анын жакындары билдирди.
Буга чейин кинорежиссёр Болот Шамшиев ден соолугу начарлап, жандандыруу бөлүмүндө дарыланып жаткандыгы кабарланган.
Болот Шамшиев 1941-жылы 12-январда Фрунзе шаарында туулган. Кыргыз ССРинин эл артисти, СССРдин эл артисти наамдары бар. "Ак кеме", "Караш-Караш окуясы", "Сүйүү закымдары", "Адамдардын арасында", "Эрте келген турналар", "Бөрү зындан", "Снайперлер", "Фудзиямадагы кадыр түн" жана башка белгилүү кинолордун режиссёру.
Болот Шамшиев 1941-жылы Фрунзеде туулган. “Манасчы” тасмасын тартуу учурунан бир ирмем© Фото / из личного архива Болота Шамшиева
Залкарлар... Болот Шамшиев менен Орозбек Кутманалиев© Фото / Александр Федоров
“Бөрү зындан” тасмасын тартуу учуру© Фото / Александр Федоров
Болот Шамшиев “кыргыз кереметинин” жаратуучуларынын бири© Фото / Александр Федоров
Айтылуу “Ак кеме”. Момун чал менен© Фото / Александр Федоров
Корифей шакирттери менен© Фото / Медиастар Продакшн
©
Фото / из личного архива Болота Шамшиева
Белгилер:
Олимпиада-80 чемпиону, КРде туулган Александр Блинов көз жумду
(жаңыланган 21:54 05.03.2021)
Блинов 1980-жылы өткөн Олимпиада оюндарында командалык үч таймашта алтын жана жеке үч таймашта күмүш медалдын ээси болгон.БИШКЕК, 5-мар. — Sputnik. 67 жаш курагында СССРдин ат оюндары боюнча эмгек сиңирген спорт чебери, Кыргызстанда туулган Александр Блинов каза болду. Бул тууралуу Жаштар иши, дене тарбия жана спорт агенттигинин маалымат кызматы кабарлады.
Блинов 1980-жылы өткөн Олимпиада оюндарында командалык үч таймашта алтын жана жеке үч таймашта күмүш медалдын ээси болгон.
Спортчуну акыркы сапарга узатуу зыйнаты 6-мартта Москвада өтөт. Блинов 1954-жылы 19-августта Фрунзе шаарында туулган.
Анын Москвадагы Олимпиада оюндарында жетишкен ийгиликтери боюнча Sputnik Кыргызстан агенттиги даярдаган материалдан окуй аласыздар.
Ишембиге карата аба ырайы
(жаңыланган 21:30 05.03.2021)
6-мартка караган түнү жаап өткөн жана күтүлүп жаткан жаан-чачынга байланыштуу өлкөнүн тоолуу райондорунда кар көчкү түшүү коркунучу бар.БИШКЕК, 5-мар. — Sputnik. Ишембиде күндүз республика боюнча жаан-чачын күтүлбөйт. Кээ бир райондордо туман түшөт. Батыштан соккон шамалдын ылдамдыгы секундасына 4-9 метрге жетет. Бул тууралуу Кыргызгидромет билдирди.
Жолдорго муз тонуп, тайгак болот. Унаалардын ортосундагы 500 метр аралык кыймыл чектелиши зарыл.
Абанын температурасы Чүй, Талас облустарында +10…+15, Ош, Жалал-Абад, Баткен аймактарында +11…+16, Ысык-Көлдө +4…+9, Нарын өрөөнүндө +1…+6 градус болот.
Күндүн табы Бишкекте +13…+15, Ош шаарында +14…+16 градусту көрсөтөт.
Белгилер: