Офис жумушчусу. Архивдик сүрөт

Жетекчиликке жамандап барба. Кесиптештер ортосундагы этикет

4821
(жаңыланган 12:04 22.12.2019)
Sputnik апта сайын "Этикет" рубрикасынын алкагында коомдук жайларда жана ар кыл жагдайда өзүн-өзү татыктуу алып жүрүүнүн эрежелери менен тааныштырат.

Көпчүлүк учурда иш орду адамга экинчи үйүндөй болуп калат эмеспи. Кээде эртеден-кечке бир жерде болуп, үйдөгүлөргө караганда кесиптештерди көбүрөөк көрөсүң.

Албетте, узак убакыт чогуу жүргөн адамдар арасында талаш-тартыш, пикир келишпестиктер дагы болушу мүмкүн. Кандай болгон күндө дагы кесиптештер менен мамиленин түз болгону жакшы.

Андыктан этикет мугалими Нуржан Исмаиловага кайрылып, жамааттагы этикет тууралуу кабар алдык.

Ал-жай сурашуу

Кесиптештер менен ар дайым эч кимисин калтырбай учурашып, кетерде тегиз коштошуп жүрүңүз. Биринчиден, бул сиздин тарбияңыздан кабар берсе, экинчиден, айрымдарды таарынтып албоого жардам берет. Тагыраагы, кээ бирөөлөр учурашууга, ал-жай сурашууга абдан чоң маани берет. Кокустан аны менен учурашпай калсаңыз, текеберлик же маданиятсыз адам катары кабыл алышы мүмкүн. Андан тышкары, ылайыгы келип калса үй-бүлөсү, сыркоолоп жаткан жакындарынын абалын сурап коюу ашыкча болбойт.

Кемчилигин артынан айтпа

Айрым кишилер бирөөнүн кемчилигин бетине айта албай, артынан сүйлөгөндү, өзгөчө, жетекчиликке жеткирип барганды жакшы көрөт. Туугандар, мындай сапат жумушта гана эмес, башка жактарда деле жакшы көрүнүш эмес. Тескерисинче, өзүңүздүн баркыңызды түшүрүп алышыңыз мүмкүн.

Иш боюнча маселе кеңседен чыкпашы керек

Албетте, иш жүрүп жаткан ар бир жамаатта ар кандай, кээде бири-бирине төп келишпеген көз караштар боло берет. Иш процессинде бул кадыресе көрүнүш. Анткени канча адам болсо, ошончо пикир болот. Ошол себептүү ишке байланыштуу көйгөйлөрдү кеңседен чыгарбай эле койгон туура. Тагыраагы, мындай маселелер кесиптештердин ортосуна чагымчылык жаратпашы керек.

Баарына бирдей жага албайсың

Жумуштагылардын баары менен бирдей жакшы мамиледе болуу мүмкүн эмес, өзгөчө чоң жамаатта. Ар бир адамдын кыялы, каалоосу, көз карашы ар башка, баарына бирдей жага албайсыз. Жагууга милдеттүү дагы эмессиз. Андыктан сиз менен учурашуу менен гана чектелип, көп сүйлөшө бербеген кесиптештердин "жүрөгүнө" жол издеп убара болбоңуз. Негизгиси ар ким өз милдетине так болсо болду.

Сенби же сизби?

Кызматтык макамы сизден бийик же жашы улуу адам менен "сиз" же "сен" деп сүйлөшүү боюнча ар бир жамааттын өз саясаты бар. Мисалы, мамлекеттик кызматтарда "сиз-биз" дешип, аты менен атасынын атын кошуп айтууну туура көрүшөт. Бул жагынан абалга жараша иш кылыңыз.

Сүйүү мамилелеринен оолак болуңуз

Башы бош кыз-жигит бири-бирин жактырып калып, багы ачылып кетсе, албетте, жакшы. Бирок үй-бүлөлүү адамдар кызматта өзүн түз алып жүргөнү туура.

Беймаал тынчын алба

Өтө зарыл гана маселе чыгып калбаса, кечкисин же дем алыш күндөрү кесиптештин тынчын албай эле койгон оң.

Бирөөнүн капчыгын караба

Кесиптештер арасында бири-биринин айлыгы тууралуу кеп козголбошу керек. Эгер кимдир-бирөө адилетсиз жол менен сизден көп айлык алып жатат деп эсептесеңиз, бул тууралуу туздөн-түз жетекчи менен сүйлөшүңүз. Бирок бул жерде "эмнеге ал менден көп алат?" деген позициядан оолак болуп, "эмнеге менин айлыгым аз?" деген суроо менен кайрылуу керек. Кыскасы, башка бирөөнүн капчыгына эч качан баш бакпаңыз.

Ишиңе так бол

Жумушта ар бир кишинин мойнунда өз милдети болот эмеспи. Эгер кесиптештер менен мамилени бузбайм десеңиз, анын ар бирин өз маалында жана так аткаруу зарыл. Колдон келишинче өз жүгүңүздү бирөөгө артпаңыз.

4821
Белгилер:
мамиле, жетекчилик, этикет, кеңсе
Тема:
Өзүн алып жүрүүнүн эрежеси (42)
Тема боюнча
Бөтөн кишиге жамандаба. Туугандар менен мамиле куруу маданияты
Коронавируска анализ алган медик. Архивдик сүрөт

Чүй менен Бишкекте азайбай койду. Коронавирус боюнча соңку маалымат

9
(жаңыланган 10:00 02.12.2020)
Расмий маалымат боюнча, өлкөдө жугуштуу ооруга кабылгандардын саны 74 миңге жакындап бара жатат. Анын тең жарымы айыкты.

БИШКЕК, 2-дек. — Sputnik. Кыргызстанда соңку суткада 335 киши коронавирус инфекциясын жугузуп алды, ошондой эле 478 бейтап ооруну жеңди. Бул тууралуу Республикалык штаб кабарлады.

Бир сутка ичинде COVID-19 U07.1 жана U07.2 катталган жаңы учурлар:

  • Бишкек — 84;
  • Ош — 28;
  • Чүй облусу — 107;
  • Ош облусу — 35;
  • Талас облусу — 2;
  • Нарын облусу — 15;
  • Ысык-Көл облусу — 25;
  • Жалал-Абад облусу — 17;
  • Баткен облусу — 22.

Ушуну менен өлкөдө COVID-19 жуктургандар 73 513кө жетти.

Акыркы суткада оорудан сакайып чыккандар (пневмонияны эсепке алганда):

  • Бишкек — 113;
  • Ош шаары — 7;
  • Чүй облусу — 100;
  • Ош облусу — 56;
  • Талас облусу — 18;
  • Нарын облусу — 7;
  • Ысык-Көл облусу — 64;
  • Жалал-Абад облусу — 66;
  • Баткен облусу — 47.

Жугуштуу ооруну жеңгендердин жалпы саны 65 189га жетти.

9
Белгилер:
жуктуруу, айыгуу, оору, бейтап, коронавирус, Кыргызстан
Тема:
Кыргызстандагы коронавирус жуктуруп алгандар
Тема боюнча
Коронавирус жуктурган мектеп жашындагы балдар. Статистика
Сооронбаев: сасык тумоо менен коронавирусту айырмалоо өтө кыйын экен
Азык-түлүктүн жарманкеси. Архивдик сүрөт

Бишкекте азык-түлүктүн баасын арзандатуу үчүн жарманкелер ачылат

19
(жаңыланган 09:58 02.12.2020)
Новиковдун айтымында, социалдык маанилүү товарлардын кескин кымбаттап кетиши тургундарды бир топ ыңгайсыз абалга кептеп жатат. Андыктан тез арада абалды жөнгө салуу боюнча аракеттер көрүлүшү керек.

БИШКЕК, 2-дек. — Sputnik. Премьер-министрдин милдетин аткаруучу Артем Новиков Бишкек шаарынын мэринин милдетин аткаруучу Балбак Түлөбаевди кабыл алып, ага калаанын ар бир районунда айыл чарба азыктары сатылчу жарманке ачуу тапшырмасын берди. Бул тууралуу өкмөттүн маалымат кызматынан билдиришти.

Новиковдун айтымында, социалдык маанилүү товарлардын кескин кымбаттап кетиши тургундарды бир топ ыңгайсыз абалга кептеп жатат. Андыктан тез арада абалды жөнгө салуу боюнча аракеттер көрүлүшү керек.

"Бул үчүн бир жуманын ичинде Бишкектин ар кайсы жерлерине фермерлердин, даяр азык-түлүк өндүргөн ишкерлердин жана ири импортерлордун товарлары сатылган жарманкелер ачылышы керек. Фермерлер менен ишкерлер жарманкеде өз товарларын үстүнө көп акча кошпой, дүң баа менен берүүгө даяр. Ири соода борборлору жарманке үчүн өздөрүнүн аймагынан орун берүүгө макулдугун беришкен", — деди Новиков.

Ал эми Түлөбаев мындай жарманкелерге даярдык жүрүп жатканын жана ага катышууга 200дөй өндүрүүчү макул болгонун билдирди.

19
Белгилер:
азык, жарманке, Бишкек, Артем Новиков, Балбак Түлөбаев
Тема боюнча
Россиянын азык-түлүк жардамын 125 миң кыргызстандык алат
Дарыгер боорго зыяндуу азык-түлүктөрдү атады. Тизме
Табигый үч азык коронавирусту организмден басып коё алат. Иликтөө
Жогорку соттун Конституциялык палатасынын имараты. Архив

Конституциялык палата мөөнөтүн узарткан парламенттин мыйзамдуулугун карап жатат

0
(жаңыланган 10:11 02.12.2020)
Буга чейин "Реформа" партиясы Конституциялык палатага даттанып, "парламент мыйзамсыз түрдө мөөнөтүн узартып алды" деп арыз жазган.

БИШКЕК, 2-дек. — Sputnik. Жогорку соттун Конституциялык палатасы Жогорку Кеңештин депутаттарынын мөөнөтүнүн узартылышы боюнча кайрылууну карап жатат.

Палатанын отуруму бүгүн, 2-декбрда, саат 9:00дө башталган.

Буга чейин "Реформа" партиясы Конституциялык палатага даттанып, "парламент мыйзамсыз түрдө мөөнөтүн узартып алды" деп арыз жазган.

Эске салсак, 21-октябрда Борбордук шайлоо комиссиясы жаңы парламенттик шайлоо мөөнөтүн 20-декабрга дайындаган. Бирок эртеси эле Жогорку Кеңеш мыйзам кабыл алып, ага ылайык, шайлоо күнү конституциялык реформадан кийин, бирок 2021-жылдын 1-июнунан кеч эмес мөөнөткө белгиленген. Ага ошол убактагы президенттин милдетин аткаруучу Садыр Жапаров кол койгон. БШК өз мөөнөтүндө өткөрүү талабы менен Жогорку сотко чейин даттанып утулуп калган.

Ошол эле маалда Конституциялык палата Венеция комиссиясына дал ушул жагдай боюнча кайрылып, жооп алган.

Комиссиянын корутундусунда азыркы парламент өзгөчө чараларды, анын ичинде конституциялык реформаны жүргүзө албай турганы белгиленген. Ошондой эле комиссия конституциялык мыйзам токтоп шайлоонун мөөнөтү жылдырылганына жана демократиялык оюндун эрежелери бузулганына кабатырланган.

0
Белгилер:
мыйзам, Парламент, Венеция комиссиясы, Конституциялык палата
Тема:
Жогорку Кеңешке боло турган кайра шайлоо
Тема боюнча
Парламенттик шайлоо жылса өлкөдөгү абал кандай өзгөрөт? Юристтердин пикири