Кимдики бийик? Борбор Азиядагы балатыларды салыштырып көрүштү
(жаңыланган 18:33 22.12.2019)
Борбор Азиянын беш өлкөсүнүн борборундагы жаңы жылдык балатыларды майрам алдына орнотуп бүтүштү. Эми алардын кайсынысы узун экендигин эсептөөгө болот.БИШКЕК, 22-дек. — Sputnik. Борбор Азия өлкөлөрүнүн ичинен жаңы жылдык эң бийик балаты Түркмөнстандын борборуна коюлду. Бул тууралуу Sputnik Тажикстан жазды.
Ашхабаддагы балатынын бийиктиги 40 метрге жетет экен. "Алем" деп аталган маданий-көңүл ачуучу борбордун алдына орнотулган.
Ташкенттеги башкы балаты Алишер Навои улуттук китепкананын аймагына тургузулган, бою 38 метр. Ага 25 миң оюнчук тагылыптыр.
Үчүнчү орунга Тажикстан 29 метрлик жаңы жылдык атрибуту менен чыгыптыр. Ал эми кийинки орун Кыргызстанга тийген, "Ала-Тоо" аянтында 27 метрлик балаты турат. Эң жөнөкөйү Казакстандын Нур-Султан калаасында экен, бийиктиги 25 метр дешти.
Айтмакчы, Борбор Азиядан чыгып, Европага баам салсак, жакында эле балаты тамашасы интернетке тарады. Лондондун Трафалгар аянтына коюлган балатыны шаардыктар жана социалдык тармактын колдонуучулары шылдыңдап, тартып алган сүрөттөрүн жайылтууда.
Белгилер:
Бишкекте уу коргошунга ууланып төртүнчү бейтап ооруканага түштү
(жаңыланган 22:48 20.04.2021)
Учурда бейтап Бишкектеги Травматология жана ортопедия илим-изилдөө борборунда жатат. Абалы туруктуу экени айтылды.БИШКЕК, 20-апр. — Sputnik. Бишкек шаарында уу коргошунга ууланган төртүнчү адам ооруканага түштү. Бул тууралуу кабарды Саламаттык сактоо жана социалдык өнүктүрүү министрлигинин маалымат кызматы тастыктады.
Билдирүүгө ылайык, бейтап тундурманы беш күндөн бери үйүндө ичип жатканын айткан. Учурда ал Бишкектеги Травматология жана ортопедия илим-изилдөө борборунда жатат. Абалы туруктуу.
©
Пресс-служба президента КР / Султан Досалиев
Андан мурдараак Тез жардам кызматы уу коргошунга ууланган киши ооруканага жеткирилгенин билдирген. Министрлик ал белгисиз затка ууланганын айтып, каны менен заарасы экспертизага жиберилгенин маалымдады.
Уу коргошун чуусу
Президент Садыр Жапаров Кыргызстандын дарыгерлери коронавирустан 2-3 күндө айыктырган ыкма тапканын айткан. Көп өтпөй мамлекет башчы өзү аконит (уу коргошун) кайнатып жасап жатканы белгилүү болду.
Ал эми саламаттык сактоо министри Алымкадыр Бейшеналиев түз эфирде уу коргошун ичип, мындан ары коронавирустан дарылоого колдонуларын жар салган. Ошол эле учурда бул тундурманы адам муздак ичип алса беш мүнөткө жетпей өлөрүн эскерткен.
Белгилер:
Тема:
Айзада киши колдуу болгон жердин сүрөтүн жарыялаган 3 милиционер жазаланды
(жаңыланган 22:52 20.04.2021)
Анын ичинде кылмыш катталган жерге медициналык кол капты таштап салуу фактысы боюнча да иликтөө жүргүзүлгөн.БИШКЕК, 20-апр. — Sputnik. Айзада Канатбекова киши колдуу болгон жердин сүрөтүн жарыялаган үч милиция кызматкери жазаланды. Бул тууралуу Чүй облустук милициянын маалымат кызматы билдирди.
Социалдык тармактарга тарап кеткен сүрөт, анын ичинде кылмыш катталган жерге ташталган медициналык кол каптар боюнча фактынын негизинде кызматтык иликтөө жүргүзүлгөн. Иликтөөнүн башкы максаты милдетин так аткарбай, көңүл кош мамиле жасаган кызматкерлерди жоопко тартуу болгон.
Ким кандай жаза алды:
- Аламүдүн РИИБдин жоруктар бөлүмүнүн кызматкери, милициянын лейтенанты А. Экеевге катуу сөгүш;
- Аламүдүн РИИБдин криминалдык милиция кызматынын жетекчиси, милициянын майору К. Самаевге катуу сөгүш;
- Аламүдүн РИИБдин Криминалдык топту коштоп жүрүүчү инспектор-криминалист, милициянын капитаны М. Янванчиновго кызматына дал келбестиги боюнча эскертүү.
Айзаданын өлүмү
5-апрель күнү эртең менен саат 7:00дөр чамасында Медеров жана Тыныстанов көчөлөрүнүн кесилишинен үч жаран 27 жаштагы кызды кызыл түстөгү автоунаага салып кеткен. Кыздын туугандары ошол эле күнү издеп баштап, Биринчи май райондук милицияга саат 7:30да кабарлашкан. Бирок издөө иштери кечеңдеп жатканына нааразы болуп, эртеси ЖМКларга кайрылышкан.
©
Sputnik / Жоомарт Ураимов
Автоунаанын ичинен киши колдуу болгон Айзада Канатбекованын жана 36 жаштагы кишинин бычакталган сөөгү табылган. Кызды ала качууга катыштыгы бар делип төрт шектүү кармалган.
Айзада Канатбекованын өлүмү боюнча кызматтык иликтөөнүн натыйжасында Бишкек ШИИБдин жана Биринчи май райондук милициясынын начальниктери баш болгон бир катар жетекчилер кызматтан алынган.