Пропавший в Бишкеке девятилетний Иса Чолпонбаев нашелся спустя 14 часов

14 саат издешти! Бишкекте жоголгон окуучу табылды

2027
(жаңыланган 10:41 23.12.2019)
Бала 22-декабрь күнү саат 11:50 чамасында борбор калаанын чок ортосунан жоголуп, түндө "Ош" базары тараптан табылган.

БИШКЕК, 23-дек. — Sputnik. Бишкекте жоголуп кеткен тогуз жаштагы Иса Чолпонбаев 14 сааттан кийин табылды. Бул тууралуу Бишкек ШИИББден билдиришти.

Окуучу 22-декабрь күнү саат 11:50 чамасында Чүй проспектиси менен Абдрахманов көчөсүнүн кесилишинен, жер алдындагы өтмөктөн жоголуп кеткен. Баланын энеси милицияга кайрылгандан кийин факты Бишкек шаардык Свердлов районунун ички иштер бөлүмүнө каттоого алынган.

Милиция түнгө чейин издөө иштерин аткарган.

"Саат 01:30да бишкектик таксисттердин бири Чүй проспектисинде жайгашкан "Кыял" соода борборунун жанынан баланы көрүп калып, дароо милицияга кайрылган", — деп айтылат маалыматта.

Окуучу милицияга алынып келип, ата-энесине өткөрүп берилген.

2027
Белгилер:
издөө, милиция, окуучу, Бишкек
Тема боюнча
УКМК: "Дордойдон" окуучулардын ден соолугуна зыян келтирчү китептер табылды
Табышып койгула! Чүйдө 24 жаштагы кыз жоголуп кетти. Сүрөт