Казакстандын президенти Касым-Жомарт Токаев. Архив

Касым-Жомарт Токаев: Болот Шамшиевдин элеси эсибизде түбөлүк сакталып калат

218
(жаңыланган 11:04 24.12.2019)
Кыргыз киносунун корифейи Болот Шамшиев Бишкек шаарында 2019-жылдын 21-декабрында 78 жашында оорудан улам дүйнө салган.

БИШКЕК, 24-дек. — Sputnik. Казакстандын президенти Касым-Жомарт Токаев белгилүү кинорежиссёр Болот Шамшиевдин каза болгонуна байланыштуу көңүл айтты. Бул тууралуу казак президентинин маалымат кызматы билдирди.

Көңүл айтуу телеграммасында Болот Шамшиев дүйнөлүк киноискусттводо өчпөс из калтырганын белгилеген.

"Болот Шамшиев эки элдин ортосундагы достукту чыңдоо үчүн чоң эмгек жасады. Анын казактын классикалык адабий жана драматургиялык чыгармаларын экрандаштыруусу Казакстан менен Кыргызстандын элинин жалпы маданий мурасы болуп калды. Болот Шамшиевдин элеси биздин эсибизде түбөлүк сакталып калат", — деп айтылат телеграммада.

Кыргыз киносунун корифейи Болот Шамшиев Бишкек шаарында 2019-жылдын 21-декабрында 78 жашында оорудан улам дүйнө салган.

Аны менен коштошуу зыйнаты Бишкектеги Абдылас Малдыбаев атындагы Кыргыз улуттук опера жана балет театрында өтүп, сөөгү "Ала-Арча" көрүстөнүнө коюлат.

Белгилүү кинорежиссёр Шамшиев "Кыргыз кино кереметинин" негиздөөчүлөрүнүн бири, СССРдин эл артисти, Кыргыз Республикасынын эл артисти, СССРдин Мамлекеттик сыйлыгынын лауреаты жана башка сыйлыктары бар.

218
Белгилер:
көңүл айтуу, Касым-Жомарт Токаев, Болот Шамшиев
Тема:
Болот Шамшиев дүйнө салды (12)
Тема боюнча
Үйү, автоунаасы өрттөнүп кеткен. Болот Шамшиев тууралуу 7 факты
СССРдин эл артисти Болотбек Шамшиев. Некролог
Кыргызстандын президенти Садыр Жапаров. Архив

Мектеп куруп берүүнү өтүнгөн балбайлык окуучу Жапаров менен жолукту. Сүрөт

126
(жаңыланган 23:26 28.02.2021)
Сегиз жаштагы бала соцтармак аркылуу президентке кайрылып, мектеп куруп берүүнү өтүнгөн. Алгач өлкө башчынын аны менен жолуга албай турганы айтылып, кийин видео аркылуу сүйлөшкөнү белгилүү болгон.

БИШКЕК, 28-фев. — Sputnik. Балбайлык окуучу Бекболот Турдушев президент Садыр Жапаров менен жолукту. Ал Instagram баракчасына өлкө башчысы менен жолуккан учурда тартылган сүрөттөрүн жарыялаган. 

Посмотреть эту публикацию в Instagram

Публикация от turdushev (@bekbolotturduh)

Президенттин маалымат катчысы Галина Байтерек Sputnik Кыргызстан агенттигинин кабарчысына президент окуучу бала менен жолугууга убада бергенин белгилеп кетти.

Бекболот Турдушев мектебинин эскилиги жеткенин айтып, эки кабат мектеп салып бериңиз деп өлкө башчысына кайрылгандан кийин интернет жылдызына айланган.

Ошондон кийин Бекболоттун Жапаров менен жолуга турганы тууралуу маалымат тараган.

Президенттин маалымат кызматы Жапаров Россияга болчу сапарынын алдында окуучу бала менен жолугуу каралган эмес дешкен.

Көп өтпөй Жапаров видео байланыш аркылуу Бекболот Турдушев менен сүйлөшкөнүн өлкө башчысынын маалымат кызматы кабарлаган.

126
Белгилер:
Бекболот Турдушев, Садыр Жапаров, мектеп, президент, жолугушуу
Тема боюнча
Мектеп куруп берүүнү өтүнгөн балбайлык окуучу Жапаров менен жолукту. Сүрөт
 Жогорку Кеңештин депутаты Алмазбек Акматов. Архив

ЖК депутаты Алмазбек Акматов каза болду

218
(жаңыланган 23:51 28.02.2021)
Эл өкүлү узак убакыттан бери оору менен алышып келгени айтылды. Депутаттыкка чейин бир катар кызматтарды аркалаган.

БИШКЕК, 28-фев. — Sputnik. Жогорку Кеңештин депутаты Алмазбек Акматов 57 жашында каза болду. Кабарды парламенттин маалымат кызматы ырастады.

Анда Акматовдун узак убакыттан бери илдет менен күрөшүп келгени айтылат.

Ал 2015-жылы "Бир Бол" партиясынын тизмеси менен депутат болуп шайланган.

Алмазбек Акматов 1964-жылы 18-октябрда Нарын облусунун Ак-Талаа районундагы Дөрбөлжүн айылында төрөлгөн.

Депутаттыкка чейин СССРдин Коргоо министрлигинде аскердик-саясий кызматтарда, президенттин иш башкармалыгында, Эсеп палатасында иштеген.

218
Белгилер:
оору, депутат, Алмаз Акматов
Тема боюнча
СССРдин эл артисти Токтоналы Сейталиев 84 жаш курагында дүйнө салды