Президент Сооронбай Жээнбеков маалымат жыйыны учурунда

Президент Жээнбеков Кыргызстандагы сөз эркиндиги боюнча оюн айтты

102
(жаңыланган 13:42 25.12.2019)
Мамлекет башчы журналисттер каалаган темасын жаза аларын айтып, бирок сөз эркиндиги жоопкерчилик экенин баса белгилеп кеткен.

БИШКЕК, 25-дек. — Sputnik. Кыргызстандагыдай сөз эркиндиги көп мамлекеттерде жок. Бул тууралуу президент Сооронбай Жээнбеков маалымат жыйыны учурунда билдирди.

Анын айтымында, журналисттер каалаган темасын жаза алат. Ага президент жана анын аппараты тыюу сала албайт.

"Мен ар дайым сөз эркиндигин жана ЖМК укугун коргойм. Шайлоо алдында радикалдуу исламды колдойм деген макаланын авторун сотко бергем, бирок кийин кайтарып алгам. Сөз эркиндиги  — бул жоопкерчилик. Биздин өлкө кандай эле, кандай болот деп ойлонуш керек. Башкысы — баарыбыз, президенттен журналистке чейин мыйзамды сыйлашыбыз керек", — деди Жээнбеков.

Ошондой эле мамлекет башчы ЖМКлардын сайтына чабуул болуп жатканын билерин айтты.

Президент Сооронбай Жээнбеков пресс-конференция учурунда
© Пресс-служба президента КР / Султан Досалиев
"Мындай чабуул технология болгон жердин баарында бар. Ага Мамлекеттик каттоо кызматынын маалыматтары сыртка чыгып кетип жатканы деле мисал. Биз буга чара көрүшүбүз керек", — деди Жээнбеков.

Ал Коопсуздук кеңешинин катчылыгы кибер коопсуздук боюнча жаңы стратегия иштеп чыкканын жарыя кылып өттү. УКМК менен Мамлекеттик байланыш комитети маалымат коопсуздугу жана жеке маалыматтарды коргоо боюнча маселе боюнча иштерин кошумчалады.

Президенттин маалымат жыйынында эмне тууралуу сөз болуп жатканын Sputnik Кыргызстандын тексттик трансляциясынан окуңуздар.

102
Белгилер:
сөз эркиндиги, маалымат жыйын, Сооронбай Жээнбеков
Тема боюнча
Бирин айтсам, бири таарынат. Жээнбеков маалыматты кайдан аларын айтты
Жээнбеков: коррупция менен күрөшүү мынчалык оор экенин президент болгондо билдим
Спутник V вакцинасы. Архивдик сүрөт

Бириккен Улуттар Уюмунда "Спутник V" вакцинасынын бет ачары өтөт

3
(жаңыланган 16:01 02.12.2020)
Вакцинаны тааныштыруу БУУнун Башкы ассамблеясынын атайын комиссиясынын аймагында болмокчу. Анда бул препарат боюнча кенен маалымат берилет.

БИШКЕК, 2-дек. — Sputnik. БУУдагы Россиянын атайын өкүлчүлүгү жана Саламаттык сактоо министрлиги "Спутник V" вакцинасынын бет ачарын өткөрөт. Бул туурасында РИА Новости жазды.

"Иш-чарага Россиянын саламаттык сактоо министри Михаил Мурашко, БУУдагы Россиянын атайын өкүлү Василий Небензя, Түз инвестициялар боюнча россиялык фонддун жетекчиси Кирилл Дмитриев катышат", — деп билдирген өкүлчүлүктүн маалымат катчысы Федор Стржижовский.

Ал "Спутник V": COVID-19га каршы вакцина" деп аталган виртуалдык иш-чара БУУнун Башкы ассамблеясынын атайын комиссиясынын аймагында өтөрүн кошумчалады. Отурумда россиялык бул препарат боюнча кенен маалымат берилери айтылды.

Министрлик быйылкы жайдын аягында дүйнөдө биринчи жолу COVID-19га каршы вакцинаны каттаган. Ал Гамалея атындагы Эпидемиология жана микробиология улуттук изилдөө борборунда иштелип чыгып, "Спутник V" деп аталган. Анын негизги артыкчылыгы коопсуз, майнаптуу жана узакка созулган терс кесепети жок ыкмаларсыз жасалгандыгында экендигин айтышкан.

3
Тема:
Дүйнөгө жайылган коронавирус
Тема боюнча
"Спутник V" вакцинасын социалдык тармактар аркылуу тааныштыра башташат
Мэрдин милдетин аткаруучу Балбак Түлөбаев. Архив

Түлөбаев: жеке компаниялардын корпоративине тыюу сала албайм

11
(жаңыланган 15:55 02.12.2020)
Бишкек шаардык кеңешинин жыйынында депутат Нургазы Каримов "корпоратив өткөрүүгө салынган тыюу жеке компанияларга дагы тийиштүүбү" деген суроо узаткан.

БИШКЕК, 2-дек. — Sputnik. Жеке компаниялар жаңы жылдык корпоратив өткөрө турган болсо, бул алардын конституциялык укугу экенин мэрдин милдетин аткаруучу Балбак Түлөбаев Бишкек шаардык кеңешинин жыйынында билдирди.

"Муниципалдык жана чарбалык кызматтарга жаңы жылдык корпоратив өткөрүүгө тыюу салынды. Мен кызматкерлерге той-аштарга, корпоративдерге барбагыла деп айткам", — деди Түлөбаев.

Шаардык кеңештин депутаты Нургазы Каримов "тыюу жеке компанияларга дагы тийиштүүбү?" деген суроо узатты.

"Мен аларды тыя албайм. Бул алардын конституциялык укугу. Мен өзүмдүн кызматкерлериме эле айттым", — деди мэр.

Буга чейин вице-премьер Эльвира Сурабалдиева өкмөт жаңы жылдык корпоративдерге тыюу сала турганын айткан. Кийинчерээк бул эреже бир гана мамлекеттик органдарга тийиштүү экени маалымдалган.

11
Белгилер:
Жаңы жыл, корпоратив, мэр, Балбак Түлөбаев
Тема:
Коронавируска байланыштуу Кыргызстандагы кырдаал
Тема боюнча
Бишкекте азык-түлүктүн баасын арзандатуу үчүн жарманкелер ачылат
Балбак Түлөбаев жаңы конуштардагы жерлерди мыйзамдаштырып кетерин айтты