Абак. Архив

Адвокат: Кодуранова, Карамушкина, Жолдубаева, Мискенбаевди сотко алып бара жатышат

1492
(жаңыланган 13:16 06.03.2020)
Адвокаттын айтымында, төртөө тең бийликти күч менен басып алууга аракет кылган, барымтага алууну уюштурган деп шектелүүдө.

БИШКЕК, 27-дек — Sputnik. Мурунку президент Алмазбек Атамбаевдин кеңешчиси Кундуз Жолдубаевага, КСДП төрагасынын милдетин аткарган Асел Кодурановага, партия төрагасынын орун басары Ирина Карамушкинага жана КСДПнын мүчөсү Мээрбек Мискенбаевге Башкы тергөө башкармалыгы барымтага алууну уюштуруу боюнча билдирме тапшырды. Бул тууралуу жактоочу Замир Жоошев кабарлады.

Эскерте кетсек, буга чейин Жолдубаева Кой-Таш айылындагы адамдардын барымтага алынышы, башаламандык уюштуруу жана адам өлүмү боюнча иштин негизинде суракка чакырылып, бирок кармалган эмес.

Жоошевдин айтымында, аты аталгандардын төртөө тең массалык башаламандык уюштуруу жана бийликти күч менен басып алууга аракет жасоо боюнча шектелип жатышат.

“Аларды №1 тергөө абагына киргизүү үчүн Биринчи Май райондук сотуна алып келе жатышат. Кундуз Жолдубаева 5 жашар кызын жалгыз тарбиялайт. Мындан улам аны камакка алуу чечиминин акылга сыйгыс экенин айтууга болот”, — деди адвокат.

Кой-Таш окуясы

Үстүбүздөгү жылдын 7-августунда Алмазбек Атамбаевди кармоо боюнча операция уюштурулуп, УКМКнын атайын даярдыктагы бөлүгү анын Кой-Таштагы үйүнө барган. Бирок мурунку президенттин тарапташтары каршылык көрсөтүп, операция ишке ашкан эмес. Эртеси ИИМдин аракети менен Атамбаев багынып берген.

Мурунку президент УКМКнын тергөө абагына камакка алынып, бир топ тарапташы да кармалган.

Кой-Таш окуясынан бир киши каза таап, 175 адам дарыгерлерге кайрылганы айтылган.

1492
Белгилер:
Кой-Таш, Мээрбек Мискенбаев, Кундуз Жолдубаева, Ирина Карамушкина, Асел Кодуранова
Тема боюнча
Баары экөөбүздүн колубузда эле... Жээнбеков Атамбаев тууралуу айтты. Видео
Атамбаев дагы туруп кетип калды. Бирок УКМК сотту башка себеп менен жылдырды
Бишкектеги түнкү жарыш. Архивдик сүрөт

Бишкекте түнкү жарыш старт алды. Сүрөт

76
(жаңыланган 22:29 19.06.2021)
Башында мелдеште 2000дей кишинин чуркашы күтүлсө, пандемияга байланыштуу 500үн кыскартууну чечишкен.

БИШКЕК, 19-июн. — Sputnik. Бишкекте бүгүн, 19-июнда, Toyboss Night Run 2021 түнкү марафону старт алды.

  • Участники забега Toyboss Night Run 2021 в Бишкеке
    Бишкекте бүгүн, 19-июнда, Toyboss Night Run 2021 түнкү марафону старт алды
    © Sputnik / Эркин Садыков
  • Участники забега Toyboss Night Run 2021 в Бишкеке
    Жарыш Чокон Валиханов көчөсү менен Чүй проспектинин бир бөлүгүндө өтөт
    © Sputnik / Эркин Садыков
  • Участники забега Toyboss Night Run 2021 в Бишкеке
    Башында 2000дей кишинин чуркашы күтүлсө, пандемияга байланыштуу 500үн кыскартууну чечишкен
    © Sputnik / Эркин Садыков
  • Участники забега Toyboss Night Run 2021 в Бишкеке
    Мелдешти Nomad Sport коомдук бирикмеси уюштурууда.
    © Sputnik / Эркин Садыков
1 / 4
© Sputnik / Эркин Садыков
Бишкекте бүгүн, 19-июнда, Toyboss Night Run 2021 түнкү марафону старт алды

Жарыш Чокон Валиханов көчөсү менен Чүй проспектинин бир бөлүгүндө өтөт.

Башында 2000дей кишинин чуркашы күтүлсө, пандемияга байланыштуу 500үн кыскартууну чечишкен.

Мелдешти Nomad Sport коомдук бирикмеси уюштурууда. Баш калаада жарыш үчүнчү ирет өтүүдө.

Белгилей кетчү жагдай, быйылкы жарышта катышуучулардан түшкөн каражаттын бир бөлүгү Кара-Балтадагы Улуттук Кызыл Ай коомунун балдар кризистик борборуна берилет. Аталган жайда эки жаштан 18 жашка чейинки 25 бала жашайт. Алар жетим балдар, мигранттардын балдары жана мүмкүнчүлүгү чектелген балдар болуп саналат.

Спорттук иш-чарада каалоочулар футболка, рюкзак сатып алып же диагностикадан өтүп балдар борборуна жардам бере алышат.

76
Белгилер:
спорт, жарыш, Бишкек
Тема боюнча
Көпкө күттүргөн жарыш. "Жаз деми" марафонунан видео
Ала-Тоо аянты. Архив

Жекшембиге карата аба ырайы

33
20-июнга караган түнү өткүн өтүп, күн күркүрөшү күтүлөт. Бийик тоолуу райондордо кар жаайт.

БИШКЕК, 19-июн. — Sputnik. Жекшембиде республика боюнча ала булут каптап турат. Кээ бир райондордо кыска убакытка жамгыр жаайт. Бул тууралуу Кыргызгидромет билдирди.

Батыштан соккон шамалдын ылдамдыгы секундасына 4-9 метрден айрым жерлерде 15-20 метрге жетет.

Абанын температурасы Чүйдө +23...+28, Талас облусунда +25...+27, Ош, Жалал-Абад жана Баткен аймагында +29...+34, Ысык-Көлдө +17...+22, Нарын өрөөнүндө +16...21 градус жылуу болот.

Ал эми Ош, Чолпон-Ата жана Бишкек шаарларында күн ачык болуп, Ошто +31...+33, Чолпон-Атада +17...+19, борбор калаада +26...+28 градуска жетери маалымдалды.

33
Белгилер:
Кыргызстан, аба ырайы
Тема боюнча
Ош облусунун айрым жерлеринде үч күнгө жарык өчүрүлөт. Тизме