Режиссёр Алтынбек Максутов. Архивдик сүрөт

Президент КР эл артисти наамын Максутов баштаган беш адамга ыйгарды

2107
(жаңыланган 14:42 30.12.2019)
Ардактуу наам беш артистке ыйгарылды. Алардын арасында өлкөдө эмгектенип жүргөн режиссёр, ырчы, балет бийчиси бар.

БИШКЕК, 30-дек. — Sputnik. Президент Сооронбай Жээнбеков "Кыргыз Республикасынын эл артисти" деген ардактуу наамын беш адамга ыйгаруу тууралуу жарлыкка кол койду.

Алардын арасында Токтогул Сатылганов атындагы Кыргыз улуттук филармониянын кɵркɵм жетекчиси, Көчмөндөр оюндарынын маданий бөлүгүн койгон режиссёр Алтынбек Максутов бар.

Калган төрт артист төмөнкүлөр:

  • Майрам Дүйшөкеева — Токтогул Сатылганов атындагы Кыргыз улуттук филармониянын солисти;
  • Нурланбек Нышанов — Бишкек шаарынын "Устат-шакирт плюс" коомдук фондунун салттуу музыка борборунун көркөм жетекчиси;
  • Айзада Тумакова — Абдылас Малдыбаев атындагы Кыргыз улуттук академиялык опера жана балет театрынын балет солисти, сахнанын алдыңкы чебери, балетмейстер-коюучу;
  • Эгемберди Чалабаев — Бакен Кыдыкеева атындагы Кыргыз мамлекеттик жаш көрүүчүлөр театрынын режиссёру;
2107
Белгилер:
наам, артист, эл, режиссер, Алтынбек Максутов
Тема боюнча
Си Цзиньпин этникалык кыргыз аялга мамлекеттик сыйлык ыйгарды. Видео
Мелис Турганбаев, Тазабек Икрамов баштаган ардагер спортчулар наам алды
Мурдагы премьер-министр Кубатбек Боронов. Архивдик сурөт

Коронавирус жуктурган Боронов реанимацияда, бирок абалы туруктуу

39
(жаңыланган 00:14 06.12.2020)
Буга чейин эле Бороновдун реанимацияда дарыланып жатканы айтылып, бирок экс-өкмөт башчынын жардамчысы маалыматты четке каккан.

БИШКЕК, 6-дек. — Sputnik. Мурдагы премьер-министр Кубатбек Боронов реанимациялык блокто жатат, бирок анын абалы туруктуу жана өмүрүнө коркунуч жок. Бул тууралуу Sputnik кабарчысына мурунку өкмөт башчынын жардамчысы Руслан Турдумамбетов кабарлады.

Эске салсак, буга чейин эле 3-декабрда саламаттык сактоо тармагындагы ишенимдүү адамдар Бороновдун абалы канааттандырарлык экенин, бирок реанимацияда дарыланып жатканын айтышкан. Бирок анда Турдумамбетов Боронов коронавирустан дарыланып, реанимацияда эмес кадимки палатада жатканын билдирген.  

"Кубатбек Айылчиевичке коронавирус диагнозу коюлган, сатурациясы жакшы, дене табы 36,5-37 градус. Өмүрүнө эч нерсе коркунуч келтирбейт. Ал жандандыруу бөлүмүндө, бирок абалы туруктуу. Мен аны менен бүгүн сүйлөштүм, бардыгы жакшы", — деди Турдумамбетов.

Ал 23:00гө чукул эле сүйлөшкөнүн белгиледи.

Эскерте кетсек, Боронов өкмөттү 2020-жылдын июнь айынан тарта жетектеген, ага чейин вице-премьерликти аркалаган. Октябрь окуяларынан кийин отставкага кеткени маалым.

39
Белгилер:
реанимация, абал, оору, коронавирус, Кубатбек Боронов
Тема:
Коронавируска байланыштуу Кыргызстандагы кырдаал
Тема боюнча
Сооронбаев: сасык тумоо менен коронавирусту айырмалоо өтө кыйын экен
Жүк ташуучу унаа. Архивдик сүрөт

Кызартта тайгактан унаалар токтоп, айдоочулар жолго кум чачып жаткан видео

65
(жаңыланган 23:06 05.12.2020)
Учурда ал жакка Транспорт министрлигинин тиешелүү кызматынын бир жүктөгүч унаасы жана төрт кызматкери менен тартылды.

БИШКЕК, 5-дек. — Sputnik. Нарындын Кызарт белинде муз, тайгалактан автоунаалар жүрө албай, айдоочулар жолго өздөрү кум чачып жүрөт.

Мындай көрүнүштүн видеосу "Короче" Telegram-каналына жарыяланды. Айдоочулар тиешелүү кызматтар келбегенине нааразы болушкан.

Транспорт жана жолдор министрлигинин маалымат кызматы видео тууралуу комментарий берип, Кызартка №24 Жол-эксплуатация башкармалыгынын (ДЭУ) бир жүктөгүч унаасы менен төрт кызматкер тартылганын билдирди.

Министрлик белгилегендей, Кызарт ашуусунун ошол жери жол куруучу жеке компаниянын карамагында болгон жана соңку күндөрү аны мекеменин балансына өткөрүп берүү каралып жаткан.

65
Белгилер:
Транспорт жана жолдор министрлиги, Нарын
Тема боюнча
Оштогу "Достук" көпүрөсүнө суу топтолуп, унаалар араң өтүп жатат. Видео