Кыргызстан президентинин сайты. Архив

Президенттики баш болуп бир катар мамлекеттик сайттар иштебей турат

452
(жаңыланган 13:59 02.01.2020)
Өкмөттөн билдиришкендей, тиешелүү адистер тарабынан айрым иштер өз учурунда кылынбай калган.

БИШКЕК, 2-янв. — Sputnik. Ушул тапта президенттин жана gov доменине караштуу бир катар мамлекеттик органдардын сайттары иштебей турат.

Алар төмөндөгү сайттар:

  • Өкмөттүн;
  • Тышкы иштер министрлигинин;
  • Юстиция министрлигинин;
  • Маалыматтык технологиялар жана байланыш мамлекеттик комитетинин;

Анткен менен бул порталга тиешеси жок Айыл чарба министрлиги, Финансы министрлиги жана ӨКМдин сайттары иштеп жатат.

Себебин билүү үчүн өкмөттүн маалымат катчысы Чыңгыз Эсенгуловго кайрылганыбызда тиешелүү адистер тарабынан айрым иштер убагында кылынбай калгандыгын айтты.

"Ар бир жылдын башында доменге байланыштуу тиешелүү процедуралар аткарылышы зарыл. Бул боюнча адистердин ишинде мүчүлүштүктөр кетип калыптыр. Учурда көйгөй жоюлуп, көпчүлүк сайттар иштей баштады", — деди Эсенгулов.

Аталган сайттардын мобилдик версиясы ачылганы менен компьютерден кирүүгө мүмкүнчүлүк болбой жатат. 

452
Белгилер:
домен, сайт, мамлекеттик орган, Кыргызстан
Тема боюнча
Иштесе болот турбайбы! Министрликтердин сайттарына "жан" кирди
Мурдагы премьер-министр Кубатбек Боронов. Архивдик сурөт

Коронавирус жуктурган Боронов реанимацияда, бирок абалы туруктуу

40
(жаңыланган 00:14 06.12.2020)
Буга чейин эле Бороновдун реанимацияда дарыланып жатканы айтылып, бирок экс-өкмөт башчынын жардамчысы маалыматты четке каккан.

БИШКЕК, 6-дек. — Sputnik. Мурдагы премьер-министр Кубатбек Боронов реанимациялык блокто жатат, бирок анын абалы туруктуу жана өмүрүнө коркунуч жок. Бул тууралуу Sputnik кабарчысына мурунку өкмөт башчынын жардамчысы Руслан Турдумамбетов кабарлады.

Эске салсак, буга чейин эле 3-декабрда саламаттык сактоо тармагындагы ишенимдүү адамдар Бороновдун абалы канааттандырарлык экенин, бирок реанимацияда дарыланып жатканын айтышкан. Бирок анда Турдумамбетов Боронов коронавирустан дарыланып, реанимацияда эмес кадимки палатада жатканын билдирген.  

"Кубатбек Айылчиевичке коронавирус диагнозу коюлган, сатурациясы жакшы, дене табы 36,5-37 градус. Өмүрүнө эч нерсе коркунуч келтирбейт. Ал жандандыруу бөлүмүндө, бирок абалы туруктуу. Мен аны менен бүгүн сүйлөштүм, бардыгы жакшы", — деди Турдумамбетов.

Ал 23:00гө чукул эле сүйлөшкөнүн белгиледи.

Эскерте кетсек, Боронов өкмөттү 2020-жылдын июнь айынан тарта жетектеген, ага чейин вице-премьерликти аркалаган. Октябрь окуяларынан кийин отставкага кеткени маалым.

40
Белгилер:
реанимация, абал, оору, коронавирус, Кубатбек Боронов
Тема:
Коронавируска байланыштуу Кыргызстандагы кырдаал
Тема боюнча
Сооронбаев: сасык тумоо менен коронавирусту айырмалоо өтө кыйын экен
Жүк ташуучу унаа. Архивдик сүрөт

Кызартта тайгактан унаалар токтоп, айдоочулар жолго кум чачып жаткан видео

71
(жаңыланган 23:06 05.12.2020)
Учурда ал жакка Транспорт министрлигинин тиешелүү кызматынын бир жүктөгүч унаасы жана төрт кызматкери менен тартылды.

БИШКЕК, 5-дек. — Sputnik. Нарындын Кызарт белинде муз, тайгалактан автоунаалар жүрө албай, айдоочулар жолго өздөрү кум чачып жүрөт.

Мындай көрүнүштүн видеосу "Короче" Telegram-каналына жарыяланды. Айдоочулар тиешелүү кызматтар келбегенине нааразы болушкан.

Транспорт жана жолдор министрлигинин маалымат кызматы видео тууралуу комментарий берип, Кызартка №24 Жол-эксплуатация башкармалыгынын (ДЭУ) бир жүктөгүч унаасы менен төрт кызматкер тартылганын билдирди.

Министрлик белгилегендей, Кызарт ашуусунун ошол жери жол куруучу жеке компаниянын карамагында болгон жана соңку күндөрү аны мекеменин балансына өткөрүп берүү каралып жаткан.

71
Белгилер:
Транспорт жана жолдор министрлиги, Нарын
Тема боюнча
Оштогу "Достук" көпүрөсүнө суу топтолуп, унаалар араң өтүп жатат. Видео