Компьютерде иштөө. Архив

Президенттин сайты эмнеге иштебей жатат? Аппараттын түшүндүрмөсү

299
(жаңыланган 12:51 03.01.2020)
Мамлекеттик органдардын жана президенттин сайттары жыл жаңыргандан бери иштебей турган. Өкмөт өкүлдөрү анын себебин түшүндүрүштү.

БИШКЕК, 3-янв. — Sputnik. Өлкө башчынын сайты башка интернет-провайдерлерде, анын ичинде мобилдик интернетте эмне себептен ачылбай жатканын президенттин аппараты түшүндүрдү.

Маалыматка караганда, 2-январда иштебей калган президенттин расмий сайты оңолду. Учурда ал толугу менен иштеп жатат.

"Башка интернет-провайдерлерде азыркыга чейин DNS-жазып алуулар жаңылана элек. Ошол себептен president.kg сайты аларда ачылбай жатат", — дешти аппараттан.

Эске салсак, жыл жаңырары менен президенттин жана gov доменине караштуу бир катар мамлекеттик органдардын сайттары ачылбай калган. 

Өкмөттүн маалымат кызматы кабарлагандай, ар бир жылдын башында аталган доменде иш жүрөт, учурда сайттар иштей баштады.

299
Белгилер:
Технологиялар, сайт, өкмөт, президент
Тема боюнча
Жээнбековго жеке маалыматтардын коопсуздугу тууралуу көйгөйдү айтышты
Президенттики баш болуп бир катар мамлекеттик сайттар иштебей турат
Мурдагы премьер-министр Кубатбек Боронов. Архивдик сурөт

Коронавирус жуктурган Боронов реанимацияда, бирок абалы туруктуу

45
(жаңыланган 00:14 06.12.2020)
Буга чейин эле Бороновдун реанимацияда дарыланып жатканы айтылып, бирок экс-өкмөт башчынын жардамчысы маалыматты четке каккан.

БИШКЕК, 6-дек. — Sputnik. Мурдагы премьер-министр Кубатбек Боронов реанимациялык блокто жатат, бирок анын абалы туруктуу жана өмүрүнө коркунуч жок. Бул тууралуу Sputnik кабарчысына мурунку өкмөт башчынын жардамчысы Руслан Турдумамбетов кабарлады.

Эске салсак, буга чейин эле 3-декабрда саламаттык сактоо тармагындагы ишенимдүү адамдар Бороновдун абалы канааттандырарлык экенин, бирок реанимацияда дарыланып жатканын айтышкан. Бирок анда Турдумамбетов Боронов коронавирустан дарыланып, реанимацияда эмес кадимки палатада жатканын билдирген.  

"Кубатбек Айылчиевичке коронавирус диагнозу коюлган, сатурациясы жакшы, дене табы 36,5-37 градус. Өмүрүнө эч нерсе коркунуч келтирбейт. Ал жандандыруу бөлүмүндө, бирок абалы туруктуу. Мен аны менен бүгүн сүйлөштүм, бардыгы жакшы", — деди Турдумамбетов.

Ал 23:00гө чукул эле сүйлөшкөнүн белгиледи.

Эскерте кетсек, Боронов өкмөттү 2020-жылдын июнь айынан тарта жетектеген, ага чейин вице-премьерликти аркалаган. Октябрь окуяларынан кийин отставкага кеткени маалым.

45
Белгилер:
реанимация, абал, оору, коронавирус, Кубатбек Боронов
Тема:
Коронавируска байланыштуу Кыргызстандагы кырдаал
Тема боюнча
Сооронбаев: сасык тумоо менен коронавирусту айырмалоо өтө кыйын экен
Жүк ташуучу унаа. Архивдик сүрөт

Кызартта тайгактан унаалар токтоп, айдоочулар жолго кум чачып жаткан видео

73
(жаңыланган 23:06 05.12.2020)
Учурда ал жакка Транспорт министрлигинин тиешелүү кызматынын бир жүктөгүч унаасы жана төрт кызматкери менен тартылды.

БИШКЕК, 5-дек. — Sputnik. Нарындын Кызарт белинде муз, тайгалактан автоунаалар жүрө албай, айдоочулар жолго өздөрү кум чачып жүрөт.

Мындай көрүнүштүн видеосу "Короче" Telegram-каналына жарыяланды. Айдоочулар тиешелүү кызматтар келбегенине нааразы болушкан.

Транспорт жана жолдор министрлигинин маалымат кызматы видео тууралуу комментарий берип, Кызартка №24 Жол-эксплуатация башкармалыгынын (ДЭУ) бир жүктөгүч унаасы менен төрт кызматкер тартылганын билдирди.

Министрлик белгилегендей, Кызарт ашуусунун ошол жери жол куруучу жеке компаниянын карамагында болгон жана соңку күндөрү аны мекеменин балансына өткөрүп берүү каралып жаткан.

73
Белгилер:
Транспорт жана жолдор министрлиги, Нарын
Тема боюнча
Оштогу "Достук" көпүрөсүнө суу топтолуп, унаалар араң өтүп жатат. Видео