Аял жана эркек. Архив

Башкага көңүлүм жок... Бүлөлүү эркек менен жүргөн кыздын каты

23614
(жаңыланган 18:15 04.01.2020)
Sputnik Кыргызстан купуялуулук шарты менен окурмандардын жеке турмушуна байланышкан көйгөйлөрдү жарыялап келет.

"Психолог менен баарлашуу" рубрикасынын бул жолку чыгарылышында бүлөлүү эркек менен тымызын жүргөн кыздын каты жарыяланды.

...Саламатсыздарбы? Атымды жазбай эле коеюн. Башыман өтүп жаткан окуя түшүнүксүз болуп жатат. Мындан ары эмне болорун билбейм, бүдөмүк. Ошол себептен психологго кат жазып көрүүнү туура таптым.

Жашым 27де. Жеке фирмалардын биринде котормочу болуп иштейм. Тапканым өзүмө жетет. "Окуп, иштеп, үй алып, өз алдынча болгондон кийин гана турмушка чыгам" деген принципти катуу кармандым. Бирок орто жолдон бир адамды жактырып калдым. Сүйүп калдым десем дагы болот. 24 жашымда, мындан үч жыл мурда ал адам менен кафелердин биринен таанышып калдым. Курбу кызымдын сүйлөшкөн жигитинин досу экен, көргөндө эле жактыргам.

Ал да айланчыктап жаныман чыкпай, телефон номеримди сурап, айтор, ошентип сүйлөшүп калдык. Менден сегиз жаш улуу экен. Жарым жылдай сүйлөшкөндөн кийин үй-бүлөлүү, бир баланын атасы экенин билдим. Албетте, нес болдум. Бирок андан баш тарткан жокмун, себеби аябай жакшы көрчүмүн. Ал да мени жакшы көрөрүн айтты, бирок үй-бүлөсү менен ажырашкан жок. Башында "ажырашам" деп жүрдү, бирок уулуна карап аялынан баш тарта албады. Анысына деле кийин көндүм.

Анын көңүлдөшү сыяктуумун. Анда-санда жолугуп, сагынычты таратабыз да көп убакытка чейин көрүшпөйбүз. Мындай жашоого көнүп бүттүм окшойт.

Аны унутуп башканы жактырууга аракет кылдым, жигиттер менен сүйлөшүп да көрдүм. Майнап чыкпады. Баарын эле ошол адамга салыштыра берем, ал мага идеалдуу көрүнөт.

Жашым өткөн сайын ата-энемдин, айрыкча апамдын санаасы эле мен. Апамдын оюнда мен алтын кызмын. Түз жүрөт, күйөөнү ойлобойт, эс дарты жумуш деп эсептейт. Чыныгы жашоомду билсе кантет болду экен. Иш деп жүрүп иниме там салышып, атама унаа алып бердим. Азыркы тапта өзүмдүн үйүмө акча чогултуп жатам.

Апамдар "качан турмушка чыгасың?" деп айта берип тажап, азыр өздөрү күйөө издей башташты. Жакында эле бир бала менен тааныштырышты. Экөөбүз жолуктук. Менден үч жаш улуу экен. Чакан иши бар, жакшынакай эле киши. Бирок ага көңүлүм жок. Билбейм, балким кийин сүйүп кететтирмин, бирок азыркы тапта ага жүрөгүм тартпай жатат. Оюма койсо азыркыдай эле жүрө бергим келет. Бирок, биринчиден, ата-энемдин бетин жер каратам, таарынтып алам. Экинчиден, турмушка чыгып балалуу болушум керек. А бирок тийчү адамды сүйбөсөмчү? Аны менен өмүр бою кантип жашайм? Азыркы адамды кантип унутам? Аны оюман чыгарып салуу үчүн эмне кылышым керек? Билбей калдым…

Гүлнара Жасоолова, психолог:

--Ар бир адам өз бактысы үчүн күрөшүп, бактылуу болууга бардык аракетин жумшашы керек. Бирок бул окуяда кат жазган кыз менен сүйлөшүп жүргөн киши жөн гана көңүл ачып, убакыт өткөрүп жаткан жокпу? Балким, материалдык абалына да карап жаткандыр. Кандай болгон күндө дагы бирөөнүн үй-бүлөсүн бузбаш керек.

Аны күтүп бактылуу турмуш кура албайсыңар. Себеби ал үй-бүлөлүү. Качан аялы менен ажырашат деп жүрө берүүнүн өзү туура эмес. Силерди жөн гана бал тилге салып көңүлүңөрдү калтырбаш үчүн "баламды кыйбай жатам" деп койгон чыгар.

Жаш экенсиңер, убакыт барда колуңарды сурап жаткан адамга мүмкүнчүлүк берип көргүлө. Бир адамды ойлой берип, экинчи адамдын жакшы жактарын байкабай калышыңыз мүмкүн. Бирок жакшылап көңүл бурсаңар ар бир адамдын өзгөчөлүгү болот. Сүйлөшүп көрүңүз. Албетте мажбурлап, оюбузду таңуулабайбыз. Акыркы чечимди өзүңөр кабыл аласыңар. Ошондуктан колуңарды сураган адамдардын жакшы жагын көрүүгө аракет кылгыла. Жашыңар өтүп кете электе силер да балалуу болуп, үй-бүлө курушуңар керек. Ата-эне деле баласына жакшылык гана каалайт. Кийин тилиңизди тиштеп калбагандай болуп, акыл менен иш кылыңыз.

Материалдык байлыкты эч качан биринчи орунга койбош керек. Албетте, сүйүктүү адамды унутуу кыйын. Бирок убакыт дарылайт. Азыр сиз менен жүргөн адам деле балким, жакшыдыр, бирок үйүндө аны күткөн жары, баласы бар. Кийин сиз да турмушка чыгасыз. Анан жолдошуңуз башка менен жүрүп кетсе эмне кыласыз? Андыктан менин кеңешим колуңузду сурап жаткан бала менен тил табышып, анын жакшы жактарын көрүүгө аракет кылып көрүңүз. Калган чечимди кабыл алуу өз колуңузда.

23614
Белгилер:
көңүлдөш, турмуш, кыз, кат, психолог
Тема:
Психолог менен баарлашуу (116)
Тема боюнча
Кызым үй-бүлөлүү киши менен мамиле куруп жүргөнүн билип калдым... Аялдын каты
Иш деп жүрүп же күйөөдөн, же баладан жок калдым го... Аялдын армандуу каты
Тышкы иштер министр Чыңгыз Айдарбеков мекендеш-дарыгерлерле сыйлык тапшыруу учурунда

ТИМ Россия жана Түркиядан келген мекендеш дарыгерлерди сыйлады

32
(жаңыланган 22:46 07.08.2020)
Сыйлыктарды тапшырган тышкы иштер министри Чыңгыз Айдарбеков дарыгерлердин COVID-19 эпидемиясына каршы күрөшүүдөгү эмгегин жогору баалады.

БИШКЕК, 7-авг. — Sputnik. Россия жана Түркиядан Кыргызстанга келип, коронавирус пандемиясына каршы күрөшүүгө салым кошкон  мекендеш-дарыгерлерди Тышкы иштер министрлиги сыйлады. Бул тууралуу мекеменин маалымат кызматы билдирди.

  • МИД КР вручил награды врачам-соотечественникам, прибывшим из России и Турции
    Россия жана Түркиядан Кыргызстанга келип, коронавирус пандемиясына каршы күрөшүүгө салым кошкон  мекендеш-дарыгерлерди Тышкы иштер министрлиги сыйлады
    © Фото / пресс-служба МИД КР
  • МИД КР вручил награды врачам-соотечественникам, прибывшим из России и Турции
    Салтанат министрликте өтүп, сыйлыктарды министр Чыңгыз Айдарбеков тапшырды
    © Фото / пресс-служба МИД КР
  • МИД КР вручил награды врачам-соотечественникам, прибывшим из России и Турции
    Өз сөзүндө ал пандемияга каршы күрөштө медицина кызматкерлеринин кесипкөй эмгегин жогору баалаган.
    © Фото / пресс-служба МИД КР
1 / 3
© Фото / пресс-служба МИД КР
Россия жана Түркиядан Кыргызстанга келип, коронавирус пандемиясына каршы күрөшүүгө салым кошкон  мекендеш-дарыгерлерди Тышкы иштер министрлиги сыйлады

Салтанат министрликте өтүп, сыйлыктарды министр Чыңгыз Айдарбеков тапшырды. Өз сөзүндө ал пандемияга каршы күрөштө медицина кызматкерлеринин кесипкөй эмгегин жогору баалаган.

“Пандемия күч алган тушта сиздер үч миңдей адамга медициналык жардам көрсөтүп, абалы оор жана өтө оор бейтаптардын өмүрүн сактап, эң оор шарттарда иш алып бардыңыздар. Баарыңыздар “кызыл зонада” иштедиңиздер, ошол эле маалда семинарларда, лекцияларда жергиликтүү дарыгерлерди окутуп, тажрыйба, билимиңиздер менен бөлүштүңүздөр. Сиздер учурдун баатыры экени талашсыз”, — деди Айдарбеков.

Маалымат кызматынын билдиришинче, саламаттык сактоодо ак ниет эмгеги, жогорку кесипкөйлүгү жана жетишкендиги үчүн Тышкы иштер министрлигинин 75 жылдыгынын юбилейлик медалы менен жети дарыгер сыйланды. 31 медицина кызматкерине “Күжүрмөн эмгеги жана COVID-19 пандемиясына каршы күрөштө кошкон салымы үчүн” ыраазычылык айтылды.

Эскерте кетсек, өкмөт да буга чейин өзгөчөлөнгөн дарыгерлерди Ардак грамота менен сыйлаган болчу.

32
Белгилер:
дарыгерлер, коронавирус, Тышкы иштер министрлиги, сыйлоо
Тема:
Коронавируска байланыштуу Кыргызстандагы кырдаал
Тема боюнча
Өкмөт өзгөчөлөнгөн дарыгерлерди Ардак грамота менен сыйлады. Тизме
Баткен облусунун башчысы медиктерди эс алууга жиберип, 5000 сомдон берди

Кой-Таш, атышуу, Атамбаевдин кармалышы. Былтыркы окуянын архивдик видеосу

43
Бир жыл мурун, так ушул күнү — 2019-жылы 7-августта Кой-Таштагы окуя ЖМКлардын бетинен түшпөй жаткан. Мурдагы ажо Алмазбек Атамбаевди кармоо операциясы эки күнгө созулуп кеткен. Окуя өнүгүшүн Sputnik агенттигинин архивдик видеосунан көрүңүз.

Июлдун ортосунда Жогорку Кеңеш атайын комиссия түзүп, Атамбаев алты кылмышка шектүү экендигин айтып чыгышкан. Парламент аны жактыргандан кийин Башкы прокуратурага жөнөтүп, натыйжада депутаттык комиссия койгон алты күнөөнүн бешөө негиздүү экени ырасталган.

Мындан сырткары, Жогорку Кеңеш Алмазбек Атамбаевди кол тийбестигинен ажыраткан.

Ошол кезде Атамбаев жашаган Кой-Таш айылындагы үйүндө тарапташтары тарабынан "Элдик штаб" уюштурулган. Ал жерге тарапташтарынын, саясаттагы үзөңгүлөштөрүнүн, партиялаштарынын жана элдин аягы үзүлбөй келген.

Атамбаевдин Кой-Таштагы үйүнө жасалган чабуул. Ойлонткон 25 сүрөт

Бул убакта кримтөбөл Азиз Батукаевдин өлкөдөн мыйзамсыз чыгып кетиши боюнча козголгон иштин алкагында Алмазбек Атамбаев күбө катары үч жолу суракка чакырылган, бирок экс-президент "бийлик алгач укуктук талаага келсин" деп барбай койгон. Кийинчерээк ал адвокаты аркылуу кат түрүндө жооп берүүгө даяр экенин билдирген.

Атамбаевди кармоону Улуттук коопсуздук мамлекеттик комитетинин атайын даярдыктагы "Альфа" кызматы колго алып, 7-август күнү кечинде ишин баштаган. Бирок атайын операция ишке ашпай калып, эртеси мурдагы президентти ИИМ багынууга көндүргөн.

Кой-Таш окуясынан жүздөн ашык адам жабыркап, "Альфанын" командиринин орун басары Үсөнбек Ниязбеков көз жумган. Ошондой эле Чүй облустук милициясынын башчысы Самат Курманкулов башынан катуу жаракат алган.

Атамбаевди кармоо ушул күнү башталган. Былтыркы Кой-Таш окуясын эске салабыз

Окуя боюнча бир нече кишиге иш козголуп, суракка алынып, соттук иштер дале уланууда.

43
Белгилер:
видео, операция, президент, Алмазбек Атамбаев, УКМК, ИИМ, Кой-Таш
Тема:
Атамбаевдин Кой-Таштагы үйүндөгү атайын операция
Тема боюнча
Кой-Таш окуясы боюнча соттун онлайн-отуруму жылдырылды. Себеби
Шоро премьер лигасынын тыныгуудан кийинки I турунун оюну

Шоро премьер-лигасынын беттештеринде тең чыгышты. Күйөрмансыз оюндар

0
(жаңыланган 00:32 08.08.2020)
Беттештер Кант шаарындагы футбол талааларында өттү. Коронавирус инфекциясынын жайылышын алдын алуу максатында беттештерге күйөрмандар киргизилген жок.

БИШКЕК, 8-авг. — Sputnik. Кыргызстандын Шоро премьер-лигасынын тыныгуудан кийинки I турунун алкагында 7-августта Кант шаарында кезектеги беттештер өттү. Бул тууралуу Кыргызстан футболдук союзунун (КФС) маалымат кызматы билдирди.

  • Во время матча первого тура премьер лиги Шоро между командами Алай и Абдыш-Ата
    Кыргызстандын Шоро премьер лигасынын тыныгуудан кийинки I турунун алкагында бүгүн, 7-августта, Кант шаарында кезектеги беттештер өттү
    © Фото / пресс-служба КФС
  • Во время матча первого тура премьер лиги Шоро между командами Алай и Абдыш-Ата
    "Алай" (Ош) - "Абдыш-Ата" (Кант) 1:1, Кара-Балта – Илбирс (Бишкек) 0:0 тең чыгуулар менен аяктады.
    © Фото / пресс-служба КФС
1 / 2
© Фото / пресс-служба КФС
Кыргызстандын Шоро премьер лигасынын тыныгуудан кийинки I турунун алкагында бүгүн, 7-августта, Кант шаарында кезектеги беттештер өттү

"Алай" (Ош) - "Абдыш-Ата" (Кант) 1:1, Кара-Балта – Илбирс (Бишкек) 0:0 тең чыгуулар менен аяктады.

Беттештер Кант шаарындагы футбол талааларында өтүүдө. КФС буга чейин эпидемиологиялык абалдан улам КРдеги футболдук чемпионатты борборлоштуруп өткөрүү чечимин кабыл алган.

FIFA Кыргызстандын футболун колдоого 1,5 миллион доллар бөлөт

Коронавирус инфекциясынын жайылышын алдын алуу максатында беттештерге күйөрмандар киргизилген жок.

0
Белгилер:
пандемия, чемпионат, Кыргызстан, футбол
Тема боюнча
Кыргызстанда футбол оюндары пандемиядагы үч айлык тыныгуудан соң жанданат
FIFA президенти Жанни Инфантино Кыргызстанга келет
Түркияда ойногон кыргызстандык жаш футболчу эл аралык сыйлыкка татыды