Депутат на перерыве между заседаниями Жогорку Кенеша

4 млн. сомдук зер буюм. Баалуу металл сактаган депутаттардын тизмеси

669
(жаңыланган 17:39 06.01.2020)
Sputnik Кыргызстан агенттиги Жогорку Кеңештин депутаттарына таандык баалуу металлдардан жасалган зер буюмдардын баасын билүүгө аракет кылды. Бул үчүн 2018-жылга карата тапшырган декларациясын карап көрдүк.

Эл өкүлдөрүнүн биринде төрт миллион сомдук зер буюму бар экенин билчү белеңиз. Башкаларында 70, 200 жана 400 миң сомду түзөт. Албетте, бул депутаттар өз эрки менен жазган расмий маалымат. Алдыда парламентарийлердин зер буюмдарынан башка да байлыгы менен тааныша аласыздар.

Махабат Мавлянова

Депутат ЖК 6 созыва Махабат Мавлянова от партии Республика – Ата-Журт. Архивное фото
© Sputnik / Табылды Кадырбеков
Депутат Махабат Мавлянова

Баалуу металлдарды чогулткан депутаттардын сап башында Махабат Мавлянова турат. Анын зер буюмдарынын баасы 4 миллион 180 миң сомду түзөт.

Ал эми колдонуп жүргөн эмереги 4,6 миллион сомго бааланган. Сүрөт, аудио, видеотехника, компьютер жана тиричилик техникасынын баасы 800 миң сом. Мавлянованын жылдык кирешеси 3,1 миллионго жетип, чыгашасы 1,8 миллион сом болгон. "МЖА Групп" жана "Мега МБЛ" компанияларын ишенимдүү тараптарга өткөрүп берген. Honda Civic үлгүсүндөгү автоунаа айдайт.

Жакын туугандары 34,8 чарчы метрлик батирге ээлик кылат.

Таалайбек Масабиров

Депутат парламента от фракции Кыргызстан Таалайбек Масабиров
© Sputnik / Табылды Кадырбеков
Депутат Таалайбек Масабиров

Депутат Таалайбек Масабировдун үй-бүлөсү эки миллион сомдук зер буюмдарга ээлик кылат. Ал эми эмерек, тиричилик техникасынын баасы бир миллион сом. Башка дагы 200 миң сомдук кыймылдуу мүлкү бар. Lexus жана Toyota Land Cruiser унааларын айдайт.

Ал эми Масабировдун өзү 2,7 миллиондук жылкыга, 3,3 миллиондук бодо малга жана 2,1 миллион сомдук кой-эчкиге ээлик кылат. Ал эми эмерегинин баасы эки миллион сомго жетет. Сүрөт, аудио, видеотехникасы 500 миң сомдун тегерегинде.

Акылбек Жамангулов

Депутат Жогорку Кенеша от фракции Республики — Ата-Журт Акылбек Жамангулов во время заседания
© Фото / Пресс-служба Жогорку Кенеша
2018-жылдын октябрында MegaCom компаниясынын жетекчиси болуп дайындалган Акылбек Жамангулов

2018-жылдын октябрында MegaCom компаниясынын жетекчиси болуп дайындалган Акылбек Жамангулов бул жылы депутат катары декларация тапшырган. Анын баалуу металлдарынын баасы 2,9 миллион сом экени көрсөтүлөт.

Маданий баалуулугу бар буюмунун баасы 500 миң, кыймылдуу мүлкү 3,85 миллион сомго бааланган. 130 миңдик үй канаттуулары, 2,95 миллиондук жылкысы, 3,6 миллиондук бодо малы жана 4,9 миллион сомдук кой-эчкиси бар. Тиричилик техника, эмерек, үйгө керектүү буюмдарын баарынын баасы 2,2 миллион сом. Gold King Plus компаниясындагы 60 пайыздык үлүшүн ишенимдүү тарапка өткөрүп берген. 140 чарчы метрлик батирде жашайт. Мындан сырткары, контейнер, гаражы бар. Бир жылда 544 миң сом киреше тапкан.

Жакын туугандары эч бир мүлккө ээлик кылбайт.

Асылбек Жээнбеков

Депутат ЖК КР от партии СДПК Асылбек Жээнбеков. Архивное фото
© Sputnik / Табылды Кадырбеков
Депутат Асылбек Жээнбеков

Экс-төрага, азыркы депутат Асылбек Жээнбековдун үй-бүлөсүнө 480 миң сомдук зер буюм таандык.

Алар Toyota Land Cruiser үлгүсүндөгү жолтандабас айдашат. Тиричилик техникасы, эмерек, үйгө керектүү буюмдарынын баарын кошкондо 430 миң сомду түзөт. Башка кыймылдуу мүлкүнүн баасы 120 миң сом.

Ал эми Жээнбеков өзү 1500 чарчы метрлик үйгө ээлик кылат. Учурда курулуп жаткан 3500 чарчы метрлик объектиси жана башка 9700 чарчы метр конструкциялары бар. Ошондой эле "Бий-Мырза" ЖЧКсынын 100 пайызын, "Алтын-Көл" акционердик коомундагы 91 пайыздык үлүшүн, Айдарова Г.К. деп аталган ишкананы ишенимдүү башкарууга өткөрүп бергени айтылат.

Эл өкүлү 350 миң сомго бааланган жылкынын, 440 миңдик бодо малдын, 250 миң сомдук кой-эчкинин ээси. Андан тышкары, 350 миң сомдук бал челек кармап, 210 миң сом турган акцияга ээлик кылат. Эмерек, тиричилик техникасы жана башка керектүү буюмдарынын жалпы наркы 715 миң сом. Мындан башка 295 миң сомдук кыймылдуу мүлкү бар.

Осмонбек Артыкбаев

Депутат ЖК Осмонбек Артыкбаев. Архивное фото
© Фото / пресс-служба ЖК
Соттолгон экс-депутат Осмонбек Артыкбаев

Бишкек ТЭЦин модернизациялоодо коррупцияга айыпталып соттолгон экс-депутат Осмонбек Артыкбаевдин үй-бүлөсүндө 420 миң сомдук зер буюм бар. Lexus 460 үлгүсүндөгү жолтандабас айдап, "Ак Илбирс лимитед" компаниясына ээлик кылат. Жылдык кирешеси — 28,8 миллион сом.

Артыкбаев өзү "Ак Фонд" ишканасын ишенимдүү башкарууга өткөрүп берген. Анын жылдык кирешеси 292 миң сомду түзгөн.

Гүлкан Молдобекова

Депутат ЖК 6 созыва Гулкан Молдобекова от партии СДПК. Архивное фото
© Sputnik / Табылды Кадырбеков
Депутат Гүлкан Молдобекова

Депутат Гүлкан Молдобекова 400 миң сомдук зер буюмдун ээси. Компьютери 100 миң, башка кыймылдуу мүлкү 90 миң сом. Жылкылары 500 миң, майда жандыгы 150 миң сом. Турак жайынын аянты 414,4 чарчы метр, эс алуу үйүнүн көлөмү 58 чарчы метр. Бир жылдык кирешеси 746 миң сом болгон. Жакын туугандарынын эч бир мүлкү жок.

Зиядин Жамалдинов

Депутат ЖК КР от партии Онугуу Прогресс Жамалдинов Зиядин Исламович
© Sputnik / Табылды Кадырбеков
Депутат Зиядин Жамалдинов

Депутат Зиядин Жамалдиновдун үй-бүлөсү 360 миң сомдук зер буюмдарды сактайт. Lexus LX470 үлгүсүндөгү автоунаасын айдайт, кыймылдуу мүлкүнүн баасы 3,6 миллион сом. 32 жана 34 чарчы метрлик эки үйдүн ээси.

Ал эми Жамалдиновдун өзүнө таандык 12,1 миллион сомдук мүлкү бар. 30 миң сомдук жылкы багат. Батиринин аянты 150 чарчы метр жана 1,17 гектар айыл чарба багытындагы жер иштетет. Жылдык кирешеси — 825 миң сом.

Азамат Арапбаев

Депутат ЖК 6 созыва Азамат Арапбаев от фракции СДПК. Архивное фото
© Sputnik / Табылды Кадырбеков
Депутат Азамат Арапбаев

Азамат Арапбаевдин зер буюмдарынын баасы — 280 миң сом. Мындан башка тиричилик техникасы, эмерек, үйгө керектүү буюмдарынын баарынын баасын кошуп эсептегенде 4,5 миллион сомду түзөт. Башка кыймылдуу мүлкүнүн наркы 39 миллион сомго жетет. Үч автоунаанын ээси, алты компаниясын ишенимдүү тараптарга өткөрүп берген. Эл өкүлүнүн жылдык кирешеси — 7,7 миллион сом.

Арапбаевдин жакын туугандарынын да 272 миң сомдук баалуу металлдары бар.

Алар баалуу кагаздардан жана ишкерликтен 960,4 миллион сом тапкан. Toyota Camry жана Toyota Land Cruiser унааларын айдашат. Алты батирге ээлик кылышат. Жылдык кирешеси 1,1 миллин сомду түзгөнү менен чыгашасы 15,7 миллиард сомду чапчыган.

Кубанычбек Нурматов

Депутат ЖК 6 созыва Кубанычбек Нурматов от партии Кыргызстан. Архивное фото
© Sputnik / Табылды Кадырбеков
Депутат Кубанычбек Нурматов

Депутат Кубанычбек Нурматовдун үй-бүлөсү 150 миң сомдук зер буюм колдонот. Тиричилик техникасы, эмерек, үйгө керектүү буюмдарынын жалпы наркы 600 миң сомду түзөт. Батиринин аянты — 162,8 чарчы метр.

Нурматов өзү 500 чарчы метрлик үйгө, Mercedes-Benz үлгүсүндөгү автоунаага ээлик кылат. Бир жылда 788 миң сом иштеп тапкан.

Данияр Аттокуров

Депутат ЖК социал-демократ Данияр Аттокуров
Эл өкүлү Данияр Аттокуров

Эл өкүлү Данияр Аттокуровдун үй-бүлөсүнүн зер буюмдарынын баасы 75 миң сомго бааланат. Компьютер, эмереги 215 миң сом, Lexus LX470 унаасы бар.

Аттокуров өзү Toyota Land Cruiser унаасын айдайт. Тиричилик техникасы жана эмерегинин наркы 170 миң сом. Жылкылары 1,5 миллион сомдук, кой-эчкиси 1,6 миллион сомго бааланат. 122 чарчы метрлик батири, айыл чарба багытындагы 5,45 гектар жери жана гаражы бар. Депутаттын бир жылдык кирешеси 1,1 миллион сомду түзгөн.

Рада Туманбаева

Депутат ЖК 6 созыва Рада Туманбаева от фракции Республика – Ата-Журт. Архивное фото
© Sputnik / Табылды Кадырбеков
Депутат Рада Туманбаева

Депутат Рада Туманбаева 72 миң сомдук зер буюм колдонот. Тиричилик техникасы, эмерек жана башка буюмдарынын баасы 213 миң сом. 58 чарчы метрлик батирде жашайт. 2018-жылы 680 миң сом киреше тапкан. Жакын туугандары бир жеңил, эки жүк ташуучу унаага ээлик кылат.

Илхом Маннанов

Депутат ЖК 6 созыва Ильхом Маннанов от партии СДПК. Архивное фото
© Sputnik / Табылды Кадырбеков
Илхом Маннанов

Депутат Илхом Маннановдун зер буюмдары 70 миң сомду түзгөн. Тиричилик техникасы, эмерек, сүрөт, аудио видеотехникасынын наркы — 385 миң сом. Жылдык кирешеси 857 миң сом болгон.

669
Белгилер:
киреше, байлык, декларация, баалуу металлдар, зер, депутат
Тема боюнча
Үч үйүр жылкы, 500 кой-эчки. Өкмөт башчы Абылгазиевдин кандай байлыгы бар
47 гектар жер, трактор, үй... Сооронбай Жээнбековдун байлыгы жарыяланды
Мышык менен ойноп жаткан бөбөк. Архив

Бөбөгүн жоготкон бала милицияга айтып, алар эки жашар баланы эки саатта тапты

44
(жаңыланган 12:55 31.05.2020)
29-май күнү милиционерлер Ак-Өргө конушун аралап нөөмөттө жүргөндө, инисин жоготуп алган бала кайрылган.

БИШКЕК, 31-май — Sputnik. Патрулдук милиция башкармалыгынын инспекторлору Бишкектин Ак-Өргө кичи районунда жоголуп кеткен эки жашар баланы ата-энесине таап берди. Бул тууралуу аталган башкармалыктын маалымат кызматынан билдиришти.

29-май күнү милиционерлер Ак-Өргө конушун аралап нөөмөттө жүргөндө, инисин жоготуп алган бала (жашы айтылган эмес) кайрылган. Ал саат 13.30дар чамасында эшиктин алдында ойноп турган инисин таппай калганын айткан.

"Эки сааттан кийин бөбөк ошол эле конуштагы Гагарин менен Ашар көчөлөрүнүн кесилишинен табылып, ата-энесинин колуна тапшырылды", — деп айтылат билдирүүдө.

Милициядан билдиришкендей, небересинин табылганына сүйүнгөн чоң эне инспекторлорго ыраазычылыгын айткан.

44
Белгилер:
издөө, бала, милиция, "Ак-Өргө" кичи району, Бишкек
Тема боюнча
Чүйдөн жоголгон өспүрүм кыздар Баткенден табылды
Бишкек шаардык ИИББдин Кайгуул милиция башкармалыгынын инспекторлору шаар тургундарынын даттануусунан улам байкерлер менен жолугушту

Байкерлер калаа тургундарына уйку бербей... Милиция алар менен жолугуп, эскертти

39
Инспекторлор мотоциклчендерге түн ортосунда жарыш уюштуруп, шаардыктардын тынчын албоо боюнча түшүндүрүү иштерин жүргүзүштү.

БИШКЕК, 31-май — Sputnik. Бишкек шаардык ИИББдин Кайгуул милиция башкармалыгынын инспекторлору шаар тургундарынын даттануусунан улам байкерлер менен жолугушту. Бул тууралуу башкармалыктан билдиришти.

  • Инспекторы Управления патрульной службы милиции Бишкека провели встречу с байкерами из-за жалоб горожан
    Бишкек шаардык ИИББдин Кайгуул милиция башкармалыгынын инспекторлору шаар тургундарынын даттануусунан улам байкерлер менен жолугушту
    © Фото / пресс-служба УПСМ Бишкека
  • Инспекторы Управления патрульной службы милиции Бишкека провели встречу с байкерами из-за жалоб горожан
    Жолугушууга Кыргызстандын мотоциклчилер коому катышты.
    © Фото / пресс-служба УПСМ Бишкека
1 / 2
© Фото / пресс-служба УПСМ Бишкека
Бишкек шаардык ИИББдин Кайгуул милиция башкармалыгынын инспекторлору шаар тургундарынын даттануусунан улам байкерлер менен жолугушту

Жолугушууга Кыргызстандын мотоциклчилер коому катышты.

Маалыматка караганда, өзгөчө абал режиминин алкагында жарыяланган коменданттык саат жоюлгандан бери мотоцилкчендер шаардын чоң көчөлөрүндө түнкүсүн жарыш уюштуруп, коомдук тартипти бузуп келишет. Ал тургай жол кырсыктары болгон учурлар дагы катталганы айтылды.

Инспекторлор байкерлерди жолдо жүрүү эрежелерин сактоого чакырды. Ошондой эле алар түнкүсүн жашоочулардын тынчын алып жарыш уюштурууну уланта берсе, мыйзам чегинде жазаланары эскертилди.

39
Белгилер:
жашоочулар, көчө, мотоцикл, милиция, Бишкек
Тема боюнча
Инспектор тоссо карайлап калбаңыз! Айдоочунун башын ооруткан 9 суроого жооп
Борбор калаадагы Алтын-Ордо жаңы конушундагы турак үйдөн өрт чыкты

Бишкектин Алтын-Ордо жаңы конушунда турак үйдөн өрт чыкты. Видео, сүрөт

87
(жаңыланган 13:14 31.05.2020)
Өрттү өчүрүүгө саат 12:24тө Свердлов райондук №7 кызматтан бир бөлүм, саат 12:26да Октябрь райондук №5 кызматтан бир бөлүм тартылган.

БИШКЕК, 31-май — Sputnik. Борбор калаадагы Алтын-Ордо жаңы конушундагы турак үйдөн өрт чыкты. Бул тууралуу маалыматты ӨКМден тастыкташты.

  • На месте пожара в жилом доме в жилом массиве Алтын-Ордо
    Борбор калаадагы Алтын-Ордо жаңы конушундагы турак үйдөн өрт чыкты
    © Sputnik / Бегайым Касымбекова
  • На месте пожара в жилом доме в жилом массиве Алтын-Ордо
    Өрттү өчүрүүгө саат 12:24тө Свердлов райондук №7 кызматтан бир бөлүм, саат 12:26да Октябрь райондук №5 кызматтан бир бөлүм тартылган.
    © Sputnik / Бегайым Касымбекова
1 / 2
© Sputnik / Бегайым Касымбекова
Борбор калаадагы Алтын-Ордо жаңы конушундагы турак үйдөн өрт чыкты
"Алтын-Ордо жаңы конушунун 16-көчөсүндө жайгашкан турак үйдөн өрт чыккандыгы тууралуу маалымат түшкөн. Өрттү өчүрүүгө саат 12:24тө Свердлов райондук №7 кызматтан бир бөлүм, саат 12:26да Октябрь райондук №5 кызматтан бир бөлүм тартылган", — деп айтылат билдирүүдө.

Окуя болгон жерден тартылган видеону "Короче" Telegram каналы жүктөдү.

Кадрлардан эки кабаттуу үйдүн күйүп жатканын көрүүгө болот.

87
Белгилер:
өрт, үй, Бишкек
Тема боюнча
Алматыда эмерек цехинде жарылуу болду. Видео