Экс-депутат Садыр Жапаровдун тарапташтары. Архивдик сүрөт

Садыр Жапаров абактан азыр чыкпайт. ЖАМК себебин түшүндүрдү

919
(жаңыланган 21:24 06.01.2020)
Буга чейин Жапаровдун жатак колониясына которула турганын адвокаты тастыктаган. ЖАМК ички иликтөө иштери жүрүп жатканын кабарлады.

БИШКЕК, 6-янв. — Sputnik. Жогорку соттун экс-депутат Садыр Жапаровду 10 жылга эркинен ажыратуу боюнча токтому анын мөөнөтүнөн мурда бошонуусуна же жатак колониясына которулуусуна жол бербейт. Бул тууралуу Жаза аткаруу мамлекеттик кызматы билдирди.

Эскерте кетсек, буга чейин социалдык тармакта ушул жылдын февралында Молдовановкада жайгашкан абакта жазасын өтөп жаткан Жапаровдун жатак колониясына которулары маалымдалган документ тараган. Адвокаты Замирбек Базарбеков муну тастыктап, №1 абактан “6-февралда чыгары” тууралуу расмий жооп алганын билдирген.

“Соцтармакта жарыяланган документтер чынында эле №1 түрмөдөн берилген. Бирок алдын ала сүйлөшүп алуу менен бир нече адамдын уюшуп барымтага алуусун уюштурган деп айыпталган Жапаровдун жаза өтөө мөөнөтү 2017-жылдын 25-мартында башталган. 2026-жылдын 5-октябрында бүтөт. Мындай айып күнөөкөрдүн мөөнөтүнөн мурда бошотулушуна же жатак колониясына которулушуна жол бербейт”, — деп айтылат маалыматта.

ЖАМК аталган документтерди берүүдө абак жетекчилиги жогоруда айтылган нормаларды эске албаганын белгилеген. Билдирүүдө ушу тапта кызматтык териштирүү жүрүп жатканы, анын жыйынтыгы менен күнөөлүүлөр жазаланары кошумчаланган.

Экс-депутат "2013-жылы октябрда Кумтөр маселесине байланыштуу Караколдо болгон митингде ошол кездеги Ысык-Көлдүн губернатору Эмилбек Каптагаевди барымтага алууну уюштурган" деп айыпталып, 10 жылга кесилген.

Жапаров өткөн жылдын октябрь айында президент Сооронбай Жээнбековго ырайым сурап кайрылган. Өлкө башчы жыл жыйынтыктаган маалымат жыйынында бул маселе каралып жатканын айткан.

919
Белгилер:
сот, социалдык тармак, документ, түрмө, ЖАМК, Садыр Жапаров
Тема:
Садыр Жапаровдун сот иши (43)
Тема боюнча
ЖАМК: Бишкектин жанындагы абакта жоокер токко урунуп каза болду
ЖАМК: экс-депутат Асылбек уулу жазасын Молдовановкадагы абакта өтөйт
Жалал-Абадда ЖАМК кызматкерлерине батирлер берилди. Сүрөт
Аэропорттогу учак. Архивдик сүрөт

Эл аралык каттамдар жанданууда. Эми кыргызстандыктар сыртка чыга алабы?

26
(жаңыланган 13:48 10.08.2020)
Эске салсак, 11-март күнү Дүйнөлүк саламаттык сактоо уюму коронавирус боюнча пандемия жарыялап, көп өтпөй Кыргызстан чек арасын жаап, каттамдар токтогон.

БИШКЕК, 10-авг. — Sputnik. Эл аралык аба каттамдары жандана баштаганына байланыштуу өкмөт кыргызстандыктардын чек арадан чыгуусуна уруксат берген буйрукту иштеп чыгууда. Бул тууралуу брифинг учурунда Жарандык авиация агенттигинин директору Курманбек Акышев айтты.

Ага модератор учурда кыргыз жарандары кандай негизде сыртка чыга алат деген суроо берген.

Кыргызстандан Россияга кетчү каттамдар. Күнү жана шарты

Акышевдин айтымында, ушул тапта Кыргызстандын жарандыгы бар адамдарга сыртка чыгууга уруксат берген документ жок.

"20-марттан тарта өкмөттүн чечими менен мамлекеттик чек ара жабылган. Демек, биздин жарандар сыртка чыга албайт. Эми каттамдар жандана баштаганына байланыштуу өкмөт ал чечимине өзгөрүүлөрдү киргизип жатат. Жакында даяр болот", — деди Акышев.

Эске салсак, 11-март күнү Дүйнөлүк саламаттык сактоо уюму коронавирус боюнча пандемия жарыялап, көп өтпөй Кыргызстан чек арасын жаап, каттамдар токтогон. Андан бери Кыргызстанга чертердик, жүк ташуучу жана гуманитардык рейстер гана каттап жатат.

Ал эми сыртка дипломаттар, мамлекеттик делегация жана чет элдик үй-бүлө мүчөсү бар айрым кишилер гана чыгарылып жаткан.

26
Белгилер:
укук, жаран, чек ара, Кыргызстан
Тема боюнча
Кыргызстан Түркия менен туруктуу аба каттамдарын жандантты
Дубай — Бишкек — Дубай каттамы жума сайын уча баштайт
Баткен шаары. Архив

Баткен облусунда коомдук транспорт жүрө баштады

14
Баткен облусунда учурдагы кырдаал, бардык санитардык-эпидемиологиялык эрежелерди жана талаптарды сактоо менен жандандырууга уруксат берилген.

БИШКЕК, 10-авг. — Sputnik. Баткен облусунда район, шаар аралык коомдук транспорттун ишмердүүлүгүнө уруксат берилди. Бул тууралуу Республикалык штаб кабарлады.

"Баткен облусунда учурдагы кырдаал талап кылган бардык санитардык-эпидемиологиялык эрежелерди жана талаптарды сактоо менен жандандырууга уруксат берилди. Мындай чечим коронавирус менен күрөшүү боюнча облустук штабда кабыл алынды", — деп айтылат маалыматта.

Бишкек: соода жана тамактануу жайлары, транспорт жаңы тартипте иштөөгө өтөт

Автотранспорт агенттигинин жетекчилигине коомдук транспорттордо санитардык норманы сактоо боюнча айдоочуларга жана жүргүнчүлөргө түшүндүрүү иштерин жүргүзүү, автотранспортторду дезинфекциялоо, алардын ишине такай рейддерди жүргүзүп туруу тапшырмалары коюлду.

Азырынча облустар аралык коомдук транспорттун каттоосуна уруксат бериле элек.

14
Белгилер:
чектөө, коронавирус, каттам, коомдук транспорт, Баткен облусу
Тема:
Коронавируска байланыштуу Кыргызстандагы кырдаал
Тема боюнча
Кыргызстан Түркия жана БАЭ менен туруктуу авиакаттамдарды жандантты