Ак-Буура дарыясынын жээгин жашылдандыруу, көрктөндүрүү, жер тилкелерин эскизи

Ошто Ак-Бууранын жээги бекемделип, көрктөндүрүлмөй болду. Сүрөт

235
(жаңыланган 18:32 09.01.2020)
Дарыянын жээгин көрктөндүрүү боюнча даярдалып жаткан долбоордо адамдар жүрүүчү жол, веложол, түнкү жарыктандыруу, көпүрө жана эс алуучу жайлар каралган.

БИШКЕК, 9-янв. — Sputnik. Ош шаарынын мэриясында Ак-Буура дарыясынын жээгин жашылдандыруу, көрктөндүрүү, жер тилкелерин тактоо жана куруу иштери боюнча жыйын өттү. Бул туурасында муниципалитеттен кабарлашты.

Жыйында вице-мэр Жасур Азимов жумушчу топтун маалыматтарын угуп, мэрдин койгон тапшырмалары боюнча айткан. 

Эскиз по озеленению и улучшению берега реки Ак-Буура в Оше
© Фото / пресс-служба мэрии города Ош
Ош шаарынын мэриясында Ак-Буура дарыясынын жээгин жашылдандыруу, көрктөндүрүү, жер тилкелерин тактоо жана куруу иштери боюнча жыйын өттү

Ак-Буура дарыясынын жээгин оңдоп-түзөөгө сунушталып жаткан аймагынын узундугу 5400 метрди түзөт. Биринчи этабында 1300 метр, экинчи этабында 1600, үчүнчү этабында 2500 метри оңдолот.

"Дарыянын жээгин көрктөндүрүү боюнча даярдалып жаткан долбоордо тротуарлар, веложол, түнкү жарыктандыруу, көпүрө жана эс алуучу жайлар каралган. Биринчи кезекте дарыянын жээги таштар менен бекемделет", — деп айтылат маалыматта.

Ош шаарынын мэри Таалайбек Сарыбашов Ак-Буура дарыясынын жээгин кыдырып чыгып, көрктөндүрүү, оңдоо жана мыйзамсыз курулуштарды алып салуу боюнча тапшырмаларды берген.

235
Белгилер:
мэр, жыйын, оңдоо, Ак-Буура, Ош
Тема боюнча
"Ак-Жол" өткөрүү жайынын курулушу январдын аягында башталат
Бишкектеги Ала-Тоо аянтыдагы митинг учурунда. Архив

Жумабеков: митингде жабыркагандардын бири комадан чыга элек, абалы оор

6
(жаңыланган 16:45 28.10.2020)
Саламаттык сактоо министрлигинин алдындагы Медициналык жардамды уюштуруу жана дары саясаты башкармалыгынын башкы адиси Эсенбек Жумалиевдин айтымында, Травматология борборунда жаткан 10 адамды кошкондо стационарларда жалпы 11 бейтап бар.

БИШКЕК, 28-окт. — Sputnik. "Ала-Тоо” аянтындагы митингде жабыркагандардын бири дагы деле комадан чыга элек, абалы оор. Бул тууралуу Sputnik Кыргызстан агенттигинин кабарчысына Травматология жана ортопедия илим-изилдөө борборунун жетекчиси Сабырбек Жумабеков билдирди. 

Анын айтымында, жабыркагандардын ичинен ооруканада 10 бейтап калды.

"Митингчилер менен милициянын кагылышынан биздин ооруканага 600дөй адам кайрылган. Азыр алардын ичинен 10у калды. Бешөөнүн абалы оор, бирөө комадан дагы деле ойгоно элек. Дары-дармек акысыз берилип жатат. Кээ бири операция болду. Аларга да операциялар бекер жасалууда", — деди Жумабеков.

Саламаттык сактоо министрлигинин алдындагы Медициналык жардамды уюштуруу жана дары саясаты башкармалыгынын башкы адиси Эсенбек Жумалиевдин айтымында, Травматология борборунда жаткан 10 адамды кошкондо стационарларда жалпы 11 бейтап жатат.

"Улуттук госпиталда бир бейтап жатат. Калганы үйлөрүнө чыгарылды", — деди Жумалиев.

5-6-октябрда Бишкекте болгон митингден жабыркап, ооруканага жалпы 1 253 киши кайрылган.

Митингде бир көзүнөн айрылган Уларбектин таежеси: экинчи көзү да коркунучта

Эске салсак, 5-октябрда "Ала-Тоо" аянтында парламенттик шайлоонун жыйынтыгына нааразы болгондор митинг өткөргөн. Кийинчерээк чогулгандар Ак үйдү басып алууга аракет кылып, жыйынтыгында милиция менен митингчилер кагылышып, бир топ адам жабыркап, 19 жаштагы Үмүтбек Алтынбек уулу көз жумган.

6
Белгилер:
ден соолук, абал, кома, Митинг, оорукана
Тема:
Парламенттик шайлоодон кийинки окуялар
Тема боюнча
Кыргызстанда беш партия биригип бийликке 6 талап койду
Балбак Түлөбаев Бишкек мэринин милдетин аткара баштады
Жолдогу автоунаа. Архив

Кар жаайт, жолго камынып чыккыла. ӨКМ айдоочуларга кулак кагыш кылды

42
(жаңыланган 16:31 28.10.2020)
Алдыдагы эки суткада республиканын кээ бир райондорунда жамгыр, тоо этектеринде жана тоолуу райондордо кар жаай турганы кабарланган.

БИШКЕК, 28-окт. — Sputnik. Эртең жана бүрсүгүнү Кыргызстандын көпчүлүк аймактарында кар жаашы күтүлүп жаткандыгын билдирген ӨКМ айдоочулардын жолго камданып чыгуусун эскертти.

Маалыматта 29-октябрда түнкүсүн Чүй облусунун көпчүлүк аймактарында, Талас облусунун кээ бир райондорунда жамгыр, тоо этектеринде жана тоолуу райондордо кар жаашы мүмкүндүгү кабарланган. Өрөөндөрүндө жаан карга айланышы күтүлөт.

30-октябрда күндүз жаан-чачын болбойт. Эртең менен кээ бир райондордо туман түшүшү мүмкүн. Ал эми түнкүсүн Ош, Жалал-Абад облустарынын көпчүлүк аймактарында, Баткен облусунун кээ бир райондорунда жаан жаап, тоо этектеринде жана тоолуу райондорунда кар түшүшү күтүлөт. Күндүз Ош облусунун кээ бир райондорунда жамгыр болуп, Жалал-Абад облусунун тоолуу райондорунда кар жаашы болжолдонууда, калган аймактарда жаан-чачын болбойт. Түнкүсүн жана эртең менен кээ бир райондордо туман түшүшү күтүлөт.

Томторду томсорткон суук. Аяздуу аймактын турмушунан баян

Аба ырайынын мындай божомолунан кийин Өзгөчө кырдаалдар министрлиги аба ырайы бузулган убакта автожолдорду көрүү аралыгы төмөндөп, автоунаалардын жүрүшүн кыйындата тургандыгын эскерткен.

Республика ичинде тоодогу автожолдорго чыгууга камынган айдоочуларга ӨКМ төмөнкү чараларды эске алууну сунуштайт:

  • ӨКМдин Гидрометеорология агенттигинин аба ырайы жөнүндөгү маалыматын эске алуу;
  • тоодогу автожолдордо бара жатканда автокөлүктөрдүн ортосундагы 500 метр аралыкты сактоо;
  • автоунааларды кышкы даярдыкка өткөрүү (дөңгөлөктөрдү кышкы шинага алмаштыруу ж.б.у.с.);
  • аптечка, чынжырча, күрөкчөнү кошо ала жүрүү.
42
Белгилер:
тоо, эскертүү, айдоочу, ӨКМ, Кыргызстан
Тема боюнча
Адаттагыдан суук болот. Ноябрга карата аба ырайы
Киши ант берип жаткан учурда. Архив

Антымды бузсам жоопкерчилик тартууга даярмын! Өкмөт мүчөлөрү ант берди

0
Өкмөттүн 22 мүчөсү бар: премьер-министр, үч вице-премьер, 12 министр, төрт мамлекеттик комитеттин башчысы жана министр рангындагы өкмөттүн аппарат жетекчиси.

БИШКЕК, 28-окт. — Sputnik. Премьер-министр Садыр Жапаров жана жаңыдан дайындалган өкмөт мүчөлөрү кызматына киришип жатып ант берди.

Жогорку Кеңештин жыйыны "Ала-Арча" мамлекеттик резиденциясында өтүп жатат.

"Кызматка киришип жатып, өз элимдин, Кыргыз Республикасынын Жогорку Кеңешинин жана президентинин алдында КР Конституциясын жана анын мыйзамдарын ыйык сактоого, өз милдеттеримди ак ниет жана берилип аткарууга, Кыргызстан элдеринин алдында кызмат кылууга ант беремин! Берген антымды бузган учурда КР мыйзамдарына ылайык жоопкерчилик тартууга даярмын", — дешти өкмөт мүчөлөрү.

Садыр Жапаров депутаттардын алдында ант берди. Видео

Соңунда Жапаров аларга кайрылып болгон билим, тажрыйбасын өлкөнү өнүктүрүүгө, абалды турукташтырууга жумшоого чакырды. Ошондой эле Конституциялык реформаларды бир адамдын эмес, жалпы элдин кызыкчылыгы үчүн жүргүзүүгө жардам берерине ишеним артты.

КР өкмөтүнүн 22 мүчөсү бар: премьер-министр, үч вице-премьер, 12 министр, төрт мамлекеттик комитеттин башчысы жана министр рангындагы өкмөттүн аппарат жетекчиси.

0
Белгилер:
ант берүү, өкмөт, Садыр Жапаров
Тема боюнча
Депутаттар Исмаилованы социалдык өнүктүрүү министри кызматына колдогон жок. Видео
Жапаров кимдерди бийликке алып келди. Өкмөттүн жаңы курамын таанып алыңыз