Саясий ишмер Исхак Раззаковдун портрети. Архив

Жээнбеков Исхак Раззаковдун 110 жылдыгын белгилөөгө даярдык көрүүнү тапшырды

220
Кыргызстандын өнүгүүсүнө опол тоодой салым кошкон саясий ишмер 1910-жылы Лейлекте туулуп, 69 жашында дүйнөдөн өткөн.

БИШКЕК, 10-янв. — Sputnik. Президент Сооронбай Жээнбеков "Исхак Раззаковдун 110 жылдыгын майрамдоо жөнүндө" Жарлыкка кол койду. Бул туурасында мамлекет башчынын маалымат кызматы билдирди.

Ага ылайык, Кыргызстандын согуштан кийинки социалдык-экономикалык калыптануусуна зор салым кошкон мамлекеттик жана саясий ишмер Исхак Раззаковдун ысымын түбөлүккө калтыруу максатында 110 жылдыгы жогорку улуттук деңгээлде белгиленет.

Ал эми өкмөткө төмөнкүлөр сунушталды:

Бир айлык мөөнөттө Исхак Раззаковдун 110 жылдыгын майрамдоону даярдоо жана өткөрүү боюнча уюштуруу комитетин түзүү. Иш-чараларды даярдоо жана өткөрүү планын иштеп чыгып бекитүү;

Коюлган планды ишке ашыруу үчүн республикалык бюджеттен зарыл болгон финансылык каражат бөлүү;

Кыргыздын камчыга сап уулу Исхак Раззаковдун сейрек сүрөттөрү
© Фото / Центральный Государственный архив Кинофотофонодокументов КР
Жарлыктын аткарылышын президенттин аппаратынын мамлекеттик башкаруу саясаты жана уюштуруу-инспектордук иш бөлүмү көзөмөлдөйт.

Исхак Раззаков 1910-жылы 25-октябрда Баткен облусунун Лейлек районундагы Коросон айылында жарык дүйнөгө келген. Тагдырдын жазмышы менен үч жашында энесинен, сегиз жашында атасынан айрылып жетим калган. Балдар үйүндө тарбияланган болочоктогу саясатчы 1938-жылы Москвадагы пландоо институтун аяктаган. Эмгек жолун Өзбекстанда баштап, ал жакта узак убакыт иштеген.

35 жашында Министрлер советинин төрагасы, беш жылдан кийин Кыргызстан Компартиясынын Борбордук комитетинин биринчи катчысы болуп дайындалган. Бул мезгил аралыгында өлкөнүн өнүгүүсү үчүн бараандуу салым кошуп, бир топ ишканаларды ачып, ири долбоорлорду ишке ашырган.

Саясий ишмер 1979-жылдын 19-мартында каза болгон.

220
Белгилер:
майрамдоо, Исхак Раззаков, жарлык, Сооронбай Жээнбеков
Тема боюнча
Ак иштеген адам акыры жамандык көрбөйт! Исхак Раззаковдун учкул сөздөрү
Россиянын коронавируска каршы вакцинасы

Коронавируска каршы вакцина: гениалдуу нерсенин баары жөнөкөй

144
(жаңыланган 22:59 12.08.2020)
Россия дүйнөдө биринчилерден болуп коронавируска каршы вакцинаны каттоодон өткөргөнүн жар салды. Колдоп ыраазычылык айткандар, сындап нааразы болгондор да кездешти дейт дарыгер Сергей Царенко.

Биз, дарыгерлер, коронавирус жуккан бейтаптарды дарылап айыктырууда моноклоналдык антителону, стероиддерди, вируска каршы дарыларды колдонуп, ийгиликке жеттик. Ооругандар азыраак көз жума баштады, ал эми оор абалда жаткандарды баары бир өпкөнү жасалма дем алдыруучу аппаратка туташтырууга аргасыз болдук.

Ар бир он кишинин алты-сегизи оорукана ичиндеги инфекциядан каза тапты. Андай ноокастарды жаңы антибиотиктер сактап калмак эле. Бирок аларды иштеп чыгуу үчүн көп жылдар керек. Дагы башка жолу бар. Ал – адамдарды оору жуктурбай аман алып калуу. Бардык жагынан алганда бул жакшы. Адам оорубайт, айланадагыларына илдетти жуктурбайт. Негизи адам кеселге канчалык туруштук берсе, коомчулуктун иммундук катмары калың болуп, эпидемия эртерээк кайтат.

Путин COVID-19га каршы россиялык алгачкы вакцина каттоодон өткөнүн кабарлады

Азырынча ооруга болгон туруктуулук эгерде ал ооруп айыкса гана калыптанат. Дагы бир коопсуз жолу бар, ал — иммунизация. Анан калса Гамалея институтунун адистери иштеп чыккан майнаптуу жана коопсуз вакцина бар. Бул институт автомобиль курууда "Мерседес" кандай кадыр-барктуу бренд болсо, микробиологияда дал ошондой дөө-шаа.

Мен академиктер Гинцбург менен Логуновду көп жылдан бери жакшы билем. Алардын кызматкерлери менен туруктуу бактерияларга каршы күрөшүү боюнча жаңы ыкмаларды иштеп чыгып келе жатабыз. Мындан сырткары, Эбола жана MERS вирусуна каршы вакцина чыгарышты. Жөн гана ойлоп чыгарып коюшпай, аны майнаптуу жана коопсуз кылышты.

Адам үчүн коопсуз болгон аденовирус ташып жүрүүчү ракета сымал орбиталдык станцияга коронавирустун кичинекей бөлүгүн жармаштырып койду. Аны адамдын ичине, организмине кое берди. Мындан улам экөөндө тең иммунитет пайда болду. Ийгиликти бекемдеш үчүн ошондой эле "орбиталдык станцияны" башка аденовируска "ташып жүрүүчү ракетага" кое беришти. Кайрадан иммунитет пайда болду. Жыйынтыгында эки аденовируста алсызыраак (себеби ал организмге кереги жок да), ал эми коронавирустан — туруктуу жана ишенимдүү иммундук коргоо жаралды. Сонун, гениалдуу.

Каттоодон өткөн россиялык вакцина жапырт колдонууга качан чыгары айтылды

Вакцинаны ыктыярчы адамдарга сынап көрүштү. Алардын бардыгы Гамалея институтунун кызматкерлери эле. Алар аркылуу биринчи поезд өттү! Мындан кийин вакцинаны аскер кызматкерлерине сынашты. Биринин да ден соолугунда көйгөй жаралган жок, бардыгында кубаттуу бир иммунитет пайда болду.

Албетте, бүткөн ишке сынчы көп. Басылмаларда сындар жаады. Көп сөздөр айтылды. Акыркысына эле токтолсок, чочуй тургандай нерсе. Инфекцияны толук жок кылбайт же антитело вирустун клеткага киришинин натыйжалуулугун күчтөндүрөт (ADE) дешти. Бул адис эместер үчүн коркунучтуу. Ал эми вирусологдор ADE натыйжасы Денге лихорадкасы үчүн эле эмес, вакцинация менен да байланышпагандыгын билишет. Калган учурларды майнапты пробиркадан гана көрүшөт.

Ушул жерден суроо жаралат. Басылмалардагы бул кампанияны ким каржылап жатат? "Көз карандысыз" эксперттер кимден көз каранды? Полишинель сыры: россиялык окумуштуулардан артта калып калган башка вакциналардын өндүрүүчүлөрүнөн көз каранды. Дагы вируска каршы дарыларды чыгаргандар бар. Кээде ал препараттар оору менен күрөшүүдө майнабын берет. Бирок ал оорунун жеңил түрүнө кабылганда жардамчы, бирок башка кыйыр таасирлери толтура.

Россияда COVID-19га каршы вакцина алгандар ооруканадан чыкты. Видео

Иштеп жүргөн бизге окшогон дарыгерлер, мисалы, ушундай майда нерселерди көргөндө уяласың. Бизге качан коронавирус жуктурган бейтаптар келбей калат, эпидемиядан улам кол жетпей жаткан башка ооруларды качан дарылайбыз деп күтөбүз.

144
Тема:
Дүйнөгө жайылган коронавирус
Тема боюнча
Россия: коронавируска каршы чыгарылган бир вакцина баарына жарай бербейт
Жамгырдуу аба ырайы. Архивдик сүрөт

Бейшембиге карата аба ырайы

65
(жаңыланган 21:01 12.08.2020)
13-августта түнкүсүн республиканын тоолуу райондорунда өткүн өтүп, күн күркүрөшү күтүлөт.

БИШКЕК, 12-авг. — Sputnik. Бейшемби күнү күндүз өлкөнүн көпчүлүк аймактарында өткүн өтүп, күн күркүрөйт. Бул тууралуу Кыргызгидромет билдирди.

Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.

Күндүн көзү ачылбайт... Бир жумага карата аба ырайы

Абанын температурасы Чүйдө +25...+30, Талас аймагында +22...+27, Ош, Жалал-Абад, Баткен облустарында +29...+34, Ысык-Көлдө +20...+25 жана Нарын жергесинде +19...+24 градус болору айтылды.

Борбор калаада өткүн өтүп, күн күркүрөйт, Ошто күн ачык болот. Күндүн табы Бишкекте +27...+29, Ош калаасында +32...+34 градуска чейин жетсе, Чолпон-Атада термометрдин көрсөткүчү +21...+23 градуска көтөрүлөт.

65
Белгилер:
Кыргызстан, аба ырайы
Тема боюнча
Күндүн көзү ачылбайт... Бир жумага карата аба ырайы