Кумтөр кенинде көчкү басып калган эки кызматкерди издөө иштери. Архив

Кумтөрдө жоголгон жумушчулар 40 күндөн бери табылбагандыктан издөө токтотулду

2479
(жаңыланган 12:15 10.01.2020)
Көчкү алдында калган "Кумтөрдүн" жумушчуларын издөө иштерин токтотууга туугандары макулдугун бергени маалымдалды.

БИШКЕК, 10-янв. — Sputnik. Кумтөр кенинде көчкү басып калган эки кызматкерди издөө иштери токтотулду. Бул туурасында Өзгөчө кырдаалдар министрлигинен билдиришти.

Маалыматка караганда, жоголгон жумушчулардын туугандары издөө иштерин токтотууга макулдугун беришти.

"Изделип жаткан жумушчулардын туугандары жана "Кумтөр Голд Компани" компаниясы ишти токтотууга макул болушту. Куткаруучулар кечээ, 9-январда, кечинде өз ордуларына кайтып келишти", — дешти ӨКМден.

Кумтөр алтын кени. Архив
© Фото / пресс-служба правительства / Алишер Алиев
Кырсыкка кабылган "Кумтөр" компаниясынын жумушчулары Өмүрбек Ишенбеков 35 жашта, Ысык-Көл облусунун Ак-Суу районунун Ак-Суу айылынан, акыркы кезде Бишкекте жашап жаткан. Тоо-кен өндүрүшү бөлүмүнүн мастери болгон. Ал эми Жолдошбек Жунушев 47 жашта, ал Тоң районунун Темир-Канат айылынан. Бульдозердин машинисти болуп эмгектенип келген.

Аларды өткөн жылдын 1-декабрында саат 5.43тө Кумтөр кенинин Лысый аймагында жердин борпоң теги көчүп басып калган. Үйүлгөн жараксыз катмардын узундугу 450 метр, туурасы 570 метр жана бийиктиги 50 метрге жетип, жалпы көлөмү 12 миллион 825 миң метр кубду түзгөн.

Кендин ачык жерлеринде иш токтоп, ӨКМден 94 куткаруучу, кинологдор жана альпинисттер издөө иштерине катышкан. "Кумтөр Голд Компани" ишканасынын 40 техникасы тартылган.

2479
Белгилер:
издөө, жумушчу, көчкү, Кумтөр
Тема:
Кумтөрдө жоголгон эки жумушчу (11)
Тема боюнча
Кумтөрдөгү издөө аракеттери: жеринен тартылган сүрөттөр
МИС ААКсы имараты. Архивдик сүрөт

Финпол: Акылбек Жапаровго тиешеси бар ишкана салыктан качты деп айыпталууда

26
(жаңыланган 12:39 30.10.2020)
Финполдун маалыматына караганда, "МИС" ААКсына эки юридикалык тарап ээлик кылат. Алардын бири — офшордук компания жана жогорку кызматтагы аткаминерлердин биринин жубайы.

БИШКЕК, 30-окт. — Sputnik. Аламүдүн жана Ысык-Ата райондору боюнча Финансы полициясы ири суммадагы салык төлөөдөн качуу фактысын аныктады. Бул тууралуу Экономикалык кылмыштарга каршы күрөшүү мамлекеттик кызматынан билдиришти.

Финполдун маалыматына караганда, "МИС" ААКсына эки юридикалык тарап ээлик кылат. Алардын бири — офшордук компания жана жогорку кызматтагы аткаминерлердин биринин жубайы Ж. А. Б. аттуу жаран.

  • Территория ОАО МИС в Чуйской области, которая подозревается в уклонении от уплаты налогов в особо крупном размере
    Аламүдүн жана Ысык-Ата райондору боюнча Финансы полициясы ири суммадагы салык төлөөдөн качуу фактысын аныктады.
    © Фото / пресс-служба ГСБЭП
  • Территория ОАО МИС в Чуйской области, которая подозревается в уклонении от уплаты налогов в особо крупном размере
    Финполдун маалыматына караганда, "МИС" ААКсына эки юридикалык тарап ээлик кылат
    © Фото / пресс-служба ГСБЭП
  • Территория ОАО МИС в Чуйской области, которая подозревается в уклонении от уплаты налогов в особо крупном размере
    Алардын бири — офшордук компания жана жогорку кызматтагы аткаминерлердин биринин жубайы Ж. А. Б. аттуу жаран.
    © Фото / пресс-служба ГСБЭП
1 / 3
© Фото / пресс-служба ГСБЭП
Аламүдүн жана Ысык-Ата райондору боюнча Финансы полициясы ири суммадагы салык төлөөдөн качуу фактысын аныктады.
"Менчигинде 30га чукул өндүрүш, коммерциялык жана айыл чарба багытындагы кыймылсыз мүлкү бар ишкана милдеттүү төлөмдөрдү төлөбөй жүргөн. Ошондой эле акыркы жылдары ири кирешесине карабай нөлдүк отчетторду тапшырып келген. Мунун кесепетинен мамлекетке 90 миллион сомдук чыгым келген", — деп айтылат билдирүүдө.

Вагондорду араалап салышкан. "Кыргыз темир жолунун" бөлүм башчысы кармалды

Ошондой эле Финансы полициясына тиешелүү органдардан келип түшкөн маалыматтарга караганда, аталган компания 2009-жылы этти тазалоо жана үрөн чыгаруу боюнча заводду реконструкциялоо үчүн Финансы министрлигинин алдындагы Экономиканы өнүктүрүү фонду аркылуу 200 миллион сом өлчөмүндө бюджеттик ссуда алган. Аны 2012-жылы төлөп бүтүшү керек болчу.

Бирок Финполдун маалыматына караганда, каражат башка максаттарга колдонулуп, кутулуу мөөнөтү эки ирет жылдырылып, 2025-жылга калтырылган. Андан кутулуу боюнча пайыздарын кыскартып салуу боюнча жеңилдиктер дагы каралган.

Ошондой эле аталган компания университет, жеке мектеп, дүкөн, дарыкана, кампа жана цехтерге ижарага имарат берери кошумчаланган.

Кымырылган 9 млрд. сом: Салык кызматы Финполдун кинеси негизсиз экенин айтты

Учурда иш иликтенип жатат.

Өздүк булактардан билдиришкендей, аталган компанияга EURASIA CAPITAL LIMITED офшордук компаниясы жана ЖК депутаты Акылбек Жапаровдун жубайы Анара Жапарова ээлик кылат.

26
Белгилер:
мыйзам, салык, финансы полициясы, Акылбек Жапаров, Кыргызстан
Тема боюнча
31 млн. сом чыгым. УКМК Ветинспекциянын башчысын кармады
Китепкана. Архив

Министр: китептерде ката кетпеши үчүн "Окуу китеби" борбору ачылды

31
(жаңыланган 12:21 30.10.2020)
Буга чейин "География" жана "Табият таануу" китептеринен интернеттен алынган сүрөт, эскирген маалыматтар жана грамматикалык каталар табылган.

БИШКЕК, 30-окт. – Sputnik. Окуу китептеринин мазмунун, сапатын жакшыртуу максатында республикалык илимий-практикалык "Окуу китеби" борбору түзүлдү. Бул тууралуу Билим берүү жана илим министрлигинин сайтына жарыяланды.

Маалыматка караганда, министр Алмазбек Бейшеналиев борбордун ишин уюштуруу, окуу китептерин чыгаруунун эффективдүүлүгүн арттыруу багытында тиешелүү адистер менен жыйын өткөргөн.

Тескери басылган герб, гимн. Окуу китептеги одоно ката боюнча министрлик жооп берди

Ошондой эле министр соцтармакка түз эфирге чыгып, борбордо жалаң кесипкөй адамдар иштей турганын билдирген.

"Окуу китептеринде мындан ары каталар болбошу үчүн министрликтин алдында "Окуу китеби" борбору ачылды. Анда жалаң кесипкөйлөр иштеп, ката кетирбегенге аракет кылышат. Ошондой эле айрым класстардын окуу китептеринде жаш курагына, баланын психологиясына туура келбеген материалдар кетип калган. Эми китептердин мазмунун текшерүү боюнча комиссия түзөбүз", — деди министр.

Эске салсак, "География" жана "Табият таануу" китептеринен интернеттен алынган сүрөт, эскирген маалыматтар жана грамматикалык каталар табылган. Мындан тышкары, кыргызстандыктар буга чейин дагы китептердеги каталарга даттанып келишкен. Мурдагы билим берүү министри Гүлмира Кудайбердиева Sputnik агенттигине берген интервьюсунда китептеги каталарга басмакана күнөөлүү экенин билдирген.

31
Белгилер:
ката, китеп, Билим берүү жана илим министрлиги, Кыргызстан
Тема боюнча
Билим берүү министрлиги экинчи чейректе мектептерди ачуу сунушун берди
Пакистандын кара тизмесиндеги медициналык окуу жайлардын ректорлору эмне дейт
Министр Бейшеналиев: мугалимдердин кагаз иштери азайтылат