Президент Сооронбай Жээнбековдун архивдик сүрөтү

Жээнбеков: чек арадагы чыр-чатактын чыгуусуна күнөөлүүлөрдү жазага тартуу керек

261
(жаңыланган 13:44 11.01.2020)
Кыргызстандын президенти мындай окуялардын алдын алуу үчүн жергиликтүү калктын арасында түшүндүрүү иштерин жүргүзүү маанилүү экенин белгилеген.

БИШКЕК, 11-янв. — Sputnik. Кыргызстан жана Тажикстан президенттери Сооронбай Жээнбеков менен Эмомали Рахмон телефон аркылуу кыргыз-тажик чек арасындагы абалды талкуулады. Бул тууралуу президенттин маалымат кызматынан кабарлашты.

Жээнбеков эки өлкөнүн чек арасында туруктуу абалды сактоо зарылдыгын белгилеп, жарандардын күнүмдүк тиричилик чыр-чатактары өтө сезгич болуп калганын кошумчалаганы айтылды.

"Кыргыздар менен тажиктердин ортосундагы көп кылымдан берки достугу болуп келген, бар жана да боло бермекчи. Биз чек арадагы абалдын курчуп кетишине жол бербешибиз керек. Тилекке каршы, акыркы убакта чек ара аймагында чыр-чатактар көп болуп жатат. Кечээ эле Кыргызстан менен Тажикстандын чек арасында кезектеги чыр-чатак болду, — деген Жээнбеков.

Кыргызстандын президенти мындай окуялардын алдын алуу үчүн жергиликтүү калктын арасында түшүндүрүү иштерин жүргүзүү маанилүү экенин кошумчалаган.

"Кыргызстандын президенти биргелешкен иликтөөнүн натыйжасында чек арадагы чыр-чатактын чыгуусуна күнөөлүүлөрдү жазага тартуу керектигин баса белгиледи", — деп айтылат таратылган маалыматта.

Кыргыз-тажик мамлекеттик чек арасын делимитациялоо жана демаркациялоо иштерин тездетүү зарылдыгына өзгөчө токтолгон.

Чек ара чыры

Эскерте кетсек, 10-январга караган түнү, саат 00:40 чамасында Баткен районунун Жака-Өрүк аймагында белгисиз адамдар Баткенди көздөй бара жаткан кыргызстандыктын автоунаасын ташка алып, терезелери талкаланган. Андан соң алар Тажикстанды көздөй кирип кетип, из жашырган.

Ал эми саат 1.00дө Тажикстандын Көчө-Карын тарабынан кишилер Баткенден Көк-Таш айылын көздөй бара жаткан дагы бир кыргызстандыктын автоунаасына таш ыргыткан. Анын да маңдайкы айнеги сынган.

Болжол менен 02:40та тажикстандыктар Дахма аймагындагы кыргызстандыктардын үйүн ташка алган. Ал жерге барган кыргызстандык чек арачылар менен милиция кызматкерлерине Тажикстан тараптан ок атылган.

Түзүлгөн кырдаалга байланыштуу айылдагы аялдар менен балдар мектептин имаратына алып келинген.

Премьер-министр Мухаммедкалый Абылгазиев Тажикстан өкмөт башчысы Кохир Расулзода менен телефон аркылуу 10-январга караган түнү кыргыз-тажик тилкесинде болгон окуядан кийинки кырдаалды турукташтыруу боюнча маселени талкуулаган

Кыргызстандын тышкы иштер министри Чыңгыз Айдарбеков кыргыз-тажик чек арасындагы кырдаал боюнча тажикстандык кесиптеши Сироджиддин Мухриддин менен телефон аркылуу сүйлөшкөн. Аны менен бирге эле Тажикстандын Кыргызстандагы элчиси Тышкы иштер министрлигине чакыртылган.

261
Белгилер:
кыргыз-тажик чек арасы, Эмомали Рахмон, Сооронбай Жээнбеков
Тема:
10-январдагы кыргыз-тажик чек арасындагы чыр (15)
Тема боюнча
Кыргыз-тажик чек арасындагы абал боюнча соңку маалымат
Кыргыз-тажик чек ара чыры: эки өлкөнүн премьерлери телефон аркылуу сүйлөштү
Жолду өтүп бараткан окуучу. Архивдик сүрөт

Мектептер ачылат, балдарга аяр мамиле жасагыла! Милиция айдоочуларга эскертти

116
(жаңыланган 21:28 17.01.2021)
Борбор калаанын милициясы айдоочуларга кайрылып жатып эртең, 18-январдан тарта, мектептерде 1-5-9унчу жана 11-класстар окуй баштаарын эскертти.

БИШКЕК, 17-янв. — Sputnik. Бишкек шаардык милициясы коомдук транспорттун айдоочуларын окуучуларга, бөтөнчө кичинекей класстын балдарына аяр мамиле жасоого чакырды.

ШИИББ айдоочуларга кайрылып жатып эртең, 18-январдан тарта, мектептерде 1-5-9унчу жана 11-класстар окуй баштаарын эскертти.

"Шаардык милиция коомдук транспорттун айдоочуларын окуучуларга, бөтөнчө кичинекей класстын балдарына аяр мамиле жасоого чакырат. Аларга түшүнүү жана жоопкерчилик менен мамиле жасап, зарыл болсо жардамыңыздарды аябаңыздар. Жолдордо жана аялдамаларда этият болуңуздар, балдар бар жерден абайлап өтүңүздөр жана суукта калтырбай алып кетиңиздер", — деп жазылган билдирмеде.

Ошондой эле жоголгон окуучуну кезиктирип калгандарды жакынкы аралыктагы милицияга тапшырып же күнү-түнү иштеген 102 номерине чалып коюуну өтүнүштү.

116
Белгилер:
эскертүү, мектеп, окуучу, Бишкек
Тема боюнча
Эки топко бөлүнүп, 20-25 мүнөттөн окушат. Мектептеги окуу боюнча 6 суроого жооп
Муз каптаган жол. Архивдик сүрөт

Дүйшөмбүгө карата аба ырайы

52
18-январга караган түнү Кыргызстандын аймагында жаан-чачын жаабайт. Жолдор тоңуп, тайгак болот. Батыштан соккон шамалдын ылдамдыгы секундасына 4-9 метрге жетет.

БИШКЕК, 17-янв. — Sputnik. Дүйшөмбү, 18-январда, күндүзү республика боюнча күн ачык болот. Бул тууралуу Кыргызгидромет маалымдады.

Абанын температурасы Чүйдө +8...+13, Талас аймагында +9...+14, Ош, Жалал-Абад, Баткен облустарында +10...+15, Ысык-Көл өрөөнүндө +2...+7, ал эми Нарын жергесинде -2...-7 градус болору айтылды.

Күндүн табы Бишкекте +11...+13, ал эми Ошто +13...+15 градусту көрсөтөт.

52
Белгилер:
аба ырайы, Кыргызстан, январь
Тема боюнча
Күн жылып жаз чакырат. Бир жумага карата аба ырайы