Үйлөнүү үлпөтү. Архив

Акча тапканыңды милдет кылба. Жубайлар ортосундагы этикет

1925
(жаңыланган 12:41 15.01.2020)
Sputnik апта сайын "Этикет" рубрикасынын алкагында коомдук жайларда жана ар кыл жагдайда өзүн-өзү татыктуу алып жүрүүнүн эрежелери менен тааныштырат.

Жубайлар дүйнөдөгү бири-бирине эң жакын адамдар эмеспи. Алар жашоонун ысык-суугун бирге көтөрүп, ата-энеге татыктуу бала, өз балдарына үлгүлүү ата-эне болууга аракет кылышы зарыл.

Бирок чогуу күн кечирип, көр оокат менен бирге алышкан адамдардын ортосунда сый-урмат, ысык мамилени сактап калуу үчүн бир топ аракет керек. Бүгүн этикет мугалими Нуржан Исмаилова жубайлардын мамилесиндеги гармонияны кармап турчу эрежелер жөнүндө айтып берди.

Аял өзүнө кам көрүүдөн чарчабашы керек

Аял киши ар дайым жолдошунун назарында болуу үчүн өзүн өстүрүп, өнүктүрүүдөн тажабашы керек. Ар бир күндүн 24 саатын жолдошунун "көлөкөсүндө", анын кулак-мээсин жеп өткөрбөй, өз хоббиси, пикири, иши бар аял эркекке кызыктуурак көрүнөт. Ошондой эле аял киши үйдө өзүн үй кызматкердей эмес, кожойкедей алып жүргөнү жакшы. Башкача айтканда, күйөөсү эркелетип гана тургусу келгендей жагымдуу болуп турушу зарыл.

Сөзгө сараң болбоңуз

Айрым эркектер аз сүйлөп, өзүн иши менен көрсөткөндү жакшы көрөт. Бирок психологдор үй-бүлөлүү эркектерге жубайына келгенде жылуу сөзүн аябай эле коюуну сунуштайт. Анткени "аял кулагы менен сүйөт" деп бекеринен айтылган эмес экен. Ал майда-чүйдө нерсеге чейин көңүл бурат. Мисалы, жумушка кетип бара жатканда же кайтып келгенде күйөөсүнүн беттен сүйүп, жылмайып койгону эле аялзатына бир топ энергия берет.

Ата-энени жамандоого болбойт

Аялы менен күйөөсү бири-биринин ата-энесин, жакын туугандарын сындап, жамандабай эле койгону туура.

Кол көтөргөн жарабайт

Үй-бүлөдөгү эң жаман жорук — аялга кол көтөрүү. Кандай гана пикир келишпестик болсо дагы акыл-эси ордунда эки киши сүйлөшүү жолу менен чечип алса болот. Бир ирет кол көтөргөн адам (айрым учурда аялга гана эмес, бири-бирине дагы) бул адатты экинчи жолу да кайталашы мүмкүн. Бул учурда аялы менен күйөөсүнүн ортосундагы сүйүү көпчүлүк учурда өчүп калат.

Катасын унут

Тирүү адам болгондон кийин ар бирибизден катачылык кетет. Бири-биринин кемчилигин унутпай, эске сала берген үй-бүлөдө жашоо жакшы болбойт. Эң жөнөкөй мисал, күйөөсү жаңылышып колбасанын башка түрүн алып келди дейли. Айрым аялдар муну улам-улам баса белгилеп, үйдөгүлөрдүн баарына айтып чыгышы мүмкүн. Чындыгында бул трагедия эмес. Тескерисинче, жакшы жагын издеп көрүңүз, балким колбасанын ушул түрү дагы силерге жагып калар.

Акча тапканыңды милдет кылба

Жагдайга, шартка жараша үй-бүлөдө кээде эркек, кээде аял киши негизги акча тапкыч болуп калат эмеспи. Бирок ар дайым бир гана киши табышкер болгон күндө дагы "мен акча алып келип жатам, мын кыйынмын" деген маанидеги сөздөр айтылбашы керек. Үйдө отурган адамдын мойнунда дагы чарба иштерине байланыштуу толгон-токой милдет бар. Үйдөгү кут сырттан келген каражаттан гана эмес, аны ичте туура бөлүштүрүп, пайдалануудан дагы көз каранды.

Аялын достор менен талкуулабайт

Жакшы эркек эч качан аялын, өзгөчө төшөк мамилесин достору менен талкуулабашы керек.

Отчет берүү

Эркек киши жумуштан тышкаркы учурда кайда жүргөнүн жана үйгө канчада кайтарын жубайына айтып койгону туура. Үйдө отурган адам сырттагы кишини ар дайым күтөт.

1925
Белгилер:
үй-бүлө, мамиле, этикет, жубайлар
Тема:
Өзүн алып жүрүүнүн эрежеси (42)
Тема боюнча
Жигитине көз артпа. Курбу кыздар ортосундагы этикет
Жөнү жок сигнал берип ачууга алдырба. Айдоочулук этикет
Бажы кызматынын төрагасынын мурдагы орун басары Райым Матраимовдун кармалышы. Архив

УКМК Райым Матраимов боюнча билдирүү таратты

472
(жаңыланган 12:49 30.11.2020)
УКМКнын билдиргенине караганда, Матраимов боюнча ишти кароо учурунда коррупциялык схемага тиешеси бар башка дагы кызматкерлер аныкталган.

БИШКЕК, 30-ноя. — Sputnik. Улуттук коопсуздук мамлекеттик комитети Бажы кызматынын төрагасынын мурдагы орун басары Райым Матраимовдун сотко чейинки өндүрүш ишин кароону улантып жатат. Бул тууралуу УКМКдан билдиришти.

Маалыматка караганда, ишти кароо учурунда коррупциялык схемага тиешеси бар башка дагы кызматкерлер аныкталган.

"Бул иш менен биргеликте Кыргызстандын бюджетине келтирилген зыяндын ордун толтуруу иштери дагы улантылууда", — дешти УКМКдан.

Тергөөнүн Бажы кызматында мурда иштеп кеткен жана азыр да иштеп жаткандардын топ түзүп алып, тышкы экономикалык ишмердүүлүктү жүргүзгөндөрдү калкалап, бул "кызматы үчүн" системалык түрдө акча алып тургандыгы боюнча далилдерди улам алып жатканы айтылды.

"Жүргүзүлгөн тергөөлөрдүн жана сотко чейинки өндүрүш иштеринин жыйынтыгы, кылмыш жоопкерчилигине тартылгандардан канча акча өндүрүлгөнү, чыгымдын көлөмү тууралуу коомчулукка төкпөй-чачпай маалымдалат", — деп билдиришти УКМКдан.

Эске салсак, Матраимов 20-октябрда бажы тармагындагы коррупция боюнча айыпталып, УКМК кызматкерлери тарабынан кармалган. Комитет ал учурдун сүрөттөрүн да жарыялаган болчу.

Кийинчерээк Матраимов мамлекетке келтирилген эки миллиард сомдук зыянды ноябрдын соңуна чейин толтуруп берүүгө даяр экенин билдирип, 80 миллион сом которгону маалымдалган.

20-октябрда Биринчи май райондук соту анын баш коргоо чарасын карап, андан сыртка чыкпоо тууралуу тил кат алган.

472
Белгилер:
тергөө, Мамлекеттик бажы кызматы, коррупция, Райымбек Матраимов, Кыргызстан
Тема:
Райым Матраимовдун кармалышы
Тема боюнча
УКМК башчысы Матраимовдун өкүл баласын кабыл алды. Видео
Райым Матраимов келтирген зыяндын ордун толтура баштады. 80 млн. сом которулду
Мурдагы вице-премьер Тайырбек Сарпашев. Архив

Бүгүн Сарпашев Финполго суракка келет

19
(жаңыланган 12:32 30.11.2020)
Буга чейин Финансы полициясы Сарпашевге карата мыйзамсыз баюу фактысы боюнча сотко чейинки өндүрүш баштаганын кабарлап, суракка чакырыларын айткан.

БИШКЕК, 30-ноя. — Sputnik. Мурдагы вице-премьер Тайырбек Сарпашев бүгүн кечкурун Финансы полициясына суракка келет. Бул туурасында аталган ведомстводогу маалымат булагы билдирди.

Эске салсак, Финансы полициясы Сарпашевге карата мыйзамсыз баюу фактысы боюнча сотко чейинки өндүрүш баштаганын кабарлап, суракка чакырыларын айткан.

Белгилей кетсек, Тайырбек Сарпашев 2012-2014-жылдары Кыргызстандын экономика жана инвестиция боюнча вице-премьер-министри болуп эмгектенген. 2020-жылдын ноябрь айында Финпол анын үйүн тинтүүгө алган.

Тергөөгө ылайык, 2016-жылы президенттин аппаратынын кызматкерлери, Мамлекеттик каттоо кызматынын жетекчилиги, судьялар жана сот тутумунун өкүлдөрү соттун чечимдерин жасалмалап, Максим Бакиевге жакын кишилердин мүлкүн камакка алуу чечимин жокко чыгартышкан. Алар муну менен "Г.Э" ишканасынын кызыкчылыгын көздөшкөн. Сарпашев 2015-2017-жылдары Мамлекеттик каттоо кызматынын төрагасы болуп турган.

19
Белгилер:
финансы полициясы, Тайырбек Сарпашев, Кыргызстан
Тема боюнча
Октябрь районунун мурдагы акими Куценко үй камагына чыгарылды
Бакиевдин жакындарына жардам берген. Бишкекте мурдагы судья кармалды