Жумгалда итке таланган илбирсти Ысык-Көлгө алып келишти. Видео

610
(жаңыланган 19:30 12.01.2020)
Жаныбар Ысык-Көлдүн Ананьево айылындагы жаныбарларды багуу жайында кыштамакчы. Учурда анын абалы жакшырып, тамактана баштаганы айтылат.

Жумгал районунан алып келинген илбирсти реабилитациялоо жана кыштатуу максатында Ысык-Көлдүн Ананьево айылындагы жаныбарларды багуу жайына алып келишти. Бул тууралуу NABU уюму билдирди.

"Жаныбар өзүн жакшы сезип калды. Аны менен чогуу ветеринар дагы барды", — деп айтылат билдирүүдө.

Эске салсак, 11-январда Нарын облусунун Жумгал районунан илбирс алып келинген. Жаныбарды Кашка-Суу кыштоосунан жергиликтүү тургундар көрүп калып "Илбирс тобуна" кабарлашкан. NABU менен Айлана-чөйрөнү коргоо жана токой чарба мамлекеттик агенттигинин кызматкерлери жерине барып, жаныбарды сарайдан табышкан.

Сарайдын ээсинин айтымында, жырткыч бул жайдан алыс эмес жердеги кыштоодогу малга кол салганга аракет кылганда ага иттер асылган. Илбирс сарайга качып кирип, чыга албай калган. Жашоочу иттерди кубалап, тийиштүү кызматтарга кабарлаган.

610
Белгилер:
видео, реабилитациялоо, илбирс, Ысык-Көл
Тема боюнча
Таласта эл бактын башынан кармаган бала илбирске операция жасалды. Сүрөт, видео
Бишкекке дагы бир илбирсти алып келишти. Жырткычтын сүрөт, видеосу