Эгиз. Архивдик сүрөт

Үйдө төрөлгөн эгиздер. Тез жардамдын таңда кабылган окуясы

284
(жаңыланган 12:36 14.01.2020)
Дарыгерлердин айтымында, ымыркайлардын абалы жакшы. Учурда эне менен балдар Бишкектеги перинаталдык борборго жеткирилди.

БИШКЕК, 14-янв. — Sputnik. Бишкекте Тез жардам кызматынын дарыгерлери үйлөрдүн бирине шашылыш чакыруу менен барып, ошол жерден эгиз балдарды жарыкка алып келди. Бул туурасында Sputnik Кыргызстан агенттигине Тез жардам кызматынын кайра жандандыруу бөлүмүнүн жетекчиси Егор Борисов билдирди.

Анын айтымына караганда, Тез жардамга толгоо башталганы боюнча маалымат 14-январда саат 06:20да келип түшкөн. Дарыгерлер 20 мүнөттө жетип келгенде, аял төрөй баштаган.

Ак халатчандар келинди үйдөн төрөтүүнү чечишкен. Жарыкка эки эркек бала келген. Биринин салмагы — 2 кг, экинчи ымыркайдыкы —2,5 кг экендигин айтышты.

Борисов учурда эне менен балдардын абалы канааттандырарлык экендигин билдирди. Алар Бишкектеги перинаталдык борборго жеткирилген.

Буга чейин аталган үй-бүлөнүн уулу болгонун, бул келиндин экинчи төрөтү экендиги маалым болду.

Борисов Тез жардам кызматкерлери аялды үйдөн төрөткөн бул биринчи окуя эместигин, ал эми эгиз болуп калганы сейрек көрүнүш экенин кошумчалады.

284
Белгилер:
эгиз, төрөт, тез жардам, Бишкек, Кыргызстан
Тема боюнча
Индияда 74 жаштагы кемпир эгиз төрөдү
Ошко 30-майда Урал авиакаттамдары авиакомпаниясынын Екатеринбург — Ош рейси менен 233 кыргызстандык жаран учуп келди.

Ошко Екатеринбургдан 233 кыргызстандык кайтып келди

91
(жаңыланган 21:15 30.05.2020)
Келген бардык жарандар медициналык процедуралардан өтүү үчүн обсервацияга белгиленген тартипте жайгаштырылды.

БИШКЕК, 30-май — Sputnik. Ошко 30-майда "Урал авиакаттамдары" авиакомпаниясынын Екатеринбург — Ош рейси менен 233 кыргызстандык жаран учуп келди. Бул тууралуу Республикалык штабдан кабарлашты.

Маалыматта авиакаттам дүйнөдө коронавирус пандемиясына байланыштуу чек аралардын убактылуу жабылышынан улам чет өлкөлөрдөгү Кыргызстандын жарандарын кайтаруу боюнча жүргүзүлгөн иштин алкагында жүзөгө ашырылды.

"Бул каттам менен ден соолугунан мүмкүнчүлүгү чектелген жарандар, оор илдети барлар, улгайган курактагы адамдар, кош бойлуу жана жаш балалуу энелер, турмуштук оор кырдаалдагы жарандар мекенине кайтарылды. Жүргүнчүлөрдүн тизмеси жарандардан келип түшкөн кайрылууларды, Урал федералдык округундагы шаарлардын жана аймактардын кыргыз диаспораларынын сунуштарын эске алуу менен түзүлгөн. Ошондой эле "Урал авиакаттамдары" компаниясынан мурда билет сатып алгандар кирди", — деп айтылат билдирүүдө.

Келген бардык жарандар медициналык процедуралардан өтүү үчүн обсервацияга белгиленген тартипте жайгаштырылды.

91
Белгилер:
эпидемия, коронавирус, мекендештер, каттам, Кыргызстан, Ош, Екатеринбург
Тема:
Коронавируска байланыштуу Кыргызстандагы кырдаал
Тема боюнча
Бишкекке Филиппин жана Түштүк Кореядан 58 жаран кайтып келди
Чүй өрөөнү. Архивдик сүрөт

Жекшембиге карата аба ырайы

29
Түнкүсүн Чүй, Жалал-Абад, Ош облустарынын тоолуу райондорунда жана Ысык-Көл менен Нарын жергесинин кээ бир өрөөндөрүндө өткүн өтүп, күн күркүрөйт.

БИШКЕК, 30-май — Sputnik. 31-майда Жалал-Абад, Ош жана Баткен облустарынын тоо этектеринде жана тоолуу райондорунда өткүн өтүп, күн күркүрөшү күтүлөт. Ал эми калган аймактарда күн ачык болот. Бул тууралуу Кыргызгидромет маалымдады.

Түндүк-чыгыштан соккон шамалдын ылдамдыгы секундасына 5-10 метрден кээ бир райондордо 15-20 метрге чейин жетет.

Абанын температурасы Талас менен Чүй өрөөнүндө +28…+33 градус, Ош, Баткен, Жалал-Абад облустарында +30…+35 жана Ысык-Көл менен Нарын жергесинде +23…+28 градус ысык болору айтылды.

Ал эми күндүн табы Бишкек шаарында +30…+32 градуска чейин көтөрүлсө, Ошто +33…+35 градуска дейре жогорулайт.

29
Белгилер:
май, аба ырайы, Кыргызстан
Тема боюнча
Аптанын соңунда жаан жаайт. Бир жумага карата аба ырайы
Министр: туристтер Ысык-Көлгө эч тоскоолдуксуз кире алат