Частный предприниматель построил двухэтажную школу в селе Арстанбап Базар-Коргонского района

Россияда эмгектенген кыргызстандык ишкер айылына мектеп куруп берди. Сүрөт

438
(жаңыланган 12:58 14.01.2020)
Жаңы мектепти курууга алты миллион сомдон ашуун каражат сарпталган. Анын 200 миң сому айыл өкмөт тарабынан берилди.

БИШКЕК, 14-янв. — Sputnik. Жалал-Абад облусунун Базар-Коргон районуна караштуу Арстанбап айылынын Кызыл-Алма участогуна жеке ишкер эки кабаттуу мектеп куруп берди. Бул тууралуу өкмөттүн облустагы өкүлчүлүгүнүн маалымат кызматы билдирди.

Ага ылайык, 180 орунга ылайыкталган окуу жайдын курулуш иштери 2019-жылдын жай айларында башталган. Мектептин имаратын тургузууга Арстанбап айылынын тургуну, Россияда эмгектенген ишкер Кубатбек Досматов каржылык колдоо көрсөткөн. Ал эми устачылык иштерине жергиликтүү тургундар тартылган. 

Частный предприниматель построил двухэтажную школу в селе Арстанбап Базар-Коргонского района
© Фото / Зульфия Тургунова
Жалал-Абад облусунун Базар-Коргон районуна караштуу Арстанбап айылынын Кызыл-Алма участогуна жеке ишкер эки кабаттуу мектеп куруп берди

Буга чейин беш чакырым алыстыктагы мектепке жөө каттаган балдар эми жаңы мектепте окуй башташат.

"Ата-энелердин өтүнүчү менен демилге көтөрүп, мектептин курулуш иштерине көмөктөштүм. Башка ишкерлерди да жаштардын келечеги үчүн кам көрүп колдоого чакырам", — деди Досматов.

Жаңы курулган мектептин ачылыш аземи 13-январда өткөрүлүп, ага жергиликтүү бийлик өкүлдөрү жана жашоочулар катышты. Жаңы билим уясын салууга алты миллион сомдон ашуун акча сарпталган. Арстанбап айыл өкмөтү да жергиликтүү казынадан 200 миң сом бөлүп берген.

438
Белгилер:
кайра куруу, айыл өкмөтү, ишкер, Арстанбап, мектеп
Тема боюнча
Тарыхта биринчи жолу кыргыз ишкери Нарынга ГЭС курат
2020-жылы Кыргызстанда эмнелер курулат? Өкмөттүн убадалары
Беткап кийип мектепке бараткан окуучулар. Архивдик сүрөт

Өтө катаал айлар келе жатат. ДССУ башчысы мектептерди жабууга чакырды

64
(жаңыланган 14:00 24.10.2020)
ДССУ жетекчисинин айтымында, дүйнө COVID-19 пандемиясынын өтө курч жеринде турат. Өзгөчө түндүк жарым шары абдан кооптуу абалда.

БИШКЕК, 24-окт. — Sputnik. Дүйнөлүк саламаттык сактоо уюмунун (ДССУ) башчысы Тедрос Адханом Гебрейесус жакынкы айларда пандемия өтө күчтүү болорун айтып, өлкөлөргө мектептерди жабууну сунуштады. Бул тууралуу жетекчинин Женевадагы брифинги учурунда сөз болду.

“Азыр биз COVID-19 пандемиясынын өтө курч жеринде турабыз. Өзгөчө түндүк жарым шары, айрым мамлекеттер абдан кооптуу абалда. Айрым өлкөлөрдүн саламаттык сактоо системасында ресурстар түгөнүшү ыктымал. Андыктан дүйнө лидерлери өлүмдүн санын азайтууга аракет кылышы керек. Мектептерди дагы жаап туруу зарыл”, — деди Гебрейесус.

Октябрда коронавируска кабылган балдардын саны үч эсеге өстү

Мындан улам уюм жетекчиси элге так маалымат берип, муктаж болгондорго жана бизнеске болушунча жардам көрсөтүү керектигин кошумчалады.

64
Белгилер:
ден соолук, мектеп, пандемия, Дүйнөлүк саламаттыкты сактоо уюму
Тема:
Дүйнөгө жайылган коронавирус
Тема боюнча
Бишкек: мектептерде күндүзгү стационарлар кайрадан ачылууда. Дареги
Өкмөттө мектептердеги окуу жана эпидемиологиялык абал талкууланды
Шайлоого даярдоо иштери. Архивдик сүрөт

БШК президенттик шайлоонун мөөнөтүн белгиледи

93
(жаңыланган 13:27 24.10.2020)
Буга чейин президенттин милдетин аткаруучу Садыр Жапаров өлкөдө президенттик дагы, парламенттик дагы шайлоо 2021-жылдын март айына чейин өткөрүлөрүн айткан.

БИШКЕК, 24-окт. — Sputnik. Борбордук шайлоо комитети мөөнөтүнөн мурда өткөрүлчү президенттик шайлоону 2021-жылдын 10-январына белгиледи. Бул тууралуу БШКнын жыйыны учурунда белгилүү болду.

"Кэчээ президенттик аппараттын жетекчилиги менен сүйлөштүк. Конституциялык мыйзамга ылайык, президенттик шайлоону эч бир орган аныктабайт. БКШ болгону анын мөөнөтүн белгилеп берет", — деди БШК төрайымы Нуржан Шайлдабекова.

БШК имараты тинтүүгө алынып, документтер чогултулуп жатат

Буга чейин президенттин милдетин аткаруучу Садыр Жапаров өлкөдө президенттик дагы, парламенттик дагы шайлоо 2021-жылдын март айына чейин өткөрүлөрүн айткан

 

93
Белгилер:
президенттик шайлоо, Нуржан Шайлдабекова, БШК
Тема:
Шайлоо-2020
Тема боюнча
БШК имараты тинтүүгө алынып, документтер чогултулуп жатат
БШК бул жолку шайлоого канча каражат кетерин кабарлады
Милиция БШК мүчөлөрүн эмнеге суракка чакырды? ИИМдин жообу