Маска таккан кыз. Архивдик сүрөт

Кыргызстандыктар эмнеге сасык тумоого көп кабылып жатат? Министрликтин жообу

552
(жаңыланган 17:21 14.01.2020)
Редакцияга окурмандар "учурда сасык тумоого кабылып, атургай кайталап ооругандар көп болуп жатат. Бул вирустун кайсы түрү? Бул кышта мурдагылардан дагы күчтүү вирус пайда болду деген маалымат чынбы?" деген суроо менен кайрылышкан.

БИШКЕК, 14-янв. — Sputnik. Саламаттык сактоо министрлиги учурда жарандар көбүнесе курч мүнөздөгү респиратордук вирустук инфекциялардын (КРВИ) кайсы түрлөрүнө кабылып жатканын түшүндүрүп берди.

Белгилей кетсек, редакцияга окурмандар "учурда сасык тумоого кабылып, атургай кайталап ооругандар көп болуп жатат. Бул вирустун кайсы түрү? Бул кышта мурдагылардан дагы күчтүү вирус пайда болду деген маалымат чынбы?" деген суроо менен кайрылышкан.

Буга жооп алуу үчүн Sputnik Кыргызстан Саламаттык сактоо министрлигинин Ооруларды алдын алуу жана санитардык-эпидемиологиялык көзөмөл боюнча мамлекеттик департаменттин бөлүм башчысы Динара Оторбаевага кайрылды.

Анын айтымында, өлкөдө КРВИ боюнча абал жылдагыдай эле, тынчсызданууга себеп жок.

"Жыл сайын эле ушул маалда курч мүнөздөгү респиратордук вирустук инфекциялар күч алат. Алар суукту сүйгөндүктөн, бул кезде организмден организмге көчүп жашоо мүмкүнчүлүгү жогорулайт", — деди Оторбаева.

Ошондой эле адис эч кандай жаңы вирустар жок экенин кошулчалады.

"Лабораториялык изилдөөлөрүбүздө кадимки аденовирус, грипп, парагрипптин 4 түрү, риновирус жана респиратордук-синцитиалдык инфекция жүргөнү белгилүү болду", — деди ал.

Ал эми жарандардан улам-улам ооруп жатканына жеке гигиенанын жана сактыктын жоктугу себеп болушу мүмкүн экенин айтты.

"Бизде оорусак эле грипп болуп калдым деген түшүнүк бар. Чынында грипп КРВИнин бир гана вирусу. Кайра-кайра ооругандар бир вирустан сакайса, башкаларын жуктуруп алып жаткандар болсо керек. Андыктан ооруй баштаганда жана андан кийин өтө сак болуу керек. Анткени ооруп, алсырап турган организмге башка вирус оңой жабышат", — деди Оторбаева.

Адис вирустун түрүн аныктап алып, туура дарылануу максатында дароо дарыгерге кайрылууну сунуштайт.

Ал эми Республикалык жугуштуу оорулар клиникалык ооруканасынын башкы дарыгери Гүлжигит Аалиев ушул тапта КРВИнин айынан ооруканага кайралгандардын саны алда канча азайып бара жатканын билдирди. Маалыматка ылайык, өткөн аптада суткасына 350-400 адам кайрылып жатса, акыркы күндөгү бул көрсөткүч 200дөн бир аз гана ашып жатат.

Баса, грипп тууралуу кеңири билгиңиз келсе Sputnik Кыргызстан буга чейин дайындаган макаланы окуңуз.

552
Белгилер:
абал, грипп, Кыргызстан
Тема боюнча
Оторбаева: сасык тумоого чалдыккандар былтыркыга караганда быйыл аз
Министрлик: бир жума ичинде сасык тумоого кабылгандардын саны өстү
Сасык тумоого кабылгандар ооруканага батпай жатат. Өлкөдөгү абал

Жалындан суурулуп чыкты! Ажалы жок спортчунун видеосу

22
(жаңыланган 13:43 30.11.2020)
Катуу ылдамдык менен жарышка түшкөн атайын автоунаа жолдун четиндеги тосмого урунуп, андан соң дароо өрттөнө баштаган. Анын ичиндеги айдоочу кандайдыр бир керемет менен аман калган.

Окуя Бахрейнде "Формула-1" жарышынын этабы өтүп жаткан учурда болгон. Рулда Ромен Грожан аттуу адам кетип бара жатканы айтылды. Кадрдан анын автоунааны башкара албай калып биринчи автокөлүктү жөөлөп өткөнүн, катуу күү менен тосмого келип урунуп, жалбырттап өрттөнө баштагандыгын көрүүгө болот.

​Окуя болору менен коопсуздук кызматкерлери жана медиктер жетип келип, өрттү өчүрө баштаган. Ал эми спортчу алоолонгон жалындын ичинен көз ирмемде суурулуп чыгып, жерде тургандар аны жөлөп-таяп ары алып кетишкен. Маалыматта Грожандын колу жана таманы анча көп эмес күйүк алганы айтылган.

22
Белгилер:
кырсык, жалыныч, жарыш, Формула-1, Бахрейн
Тема боюнча
Индия: премьердин туулган күнүндө 100 шар жарылып кетип, адамдар жабыркады
Киши пистолет кармап турат. Архив

Бишкектин чок ортосунан 18 жаштагы куралчан жаран кармалды. Сүрөт

53
(жаңыланган 13:07 30.11.2020)
Жаран көчөдө бара жаткан жеринен текшерүүгө алынган. Анын жанынан алты огу менен белгисиз үлгүдөгү тапанча табылган.

БИШКЕК, 30-ноя. — Sputnik. Милициянын Кайгуул кызматы тапанчаны мыйзамсыз негизде алып жүргөн жаранды кармады. Бул тууралуу мекеменин маалымат кызматы кабарлады.

  • Милициянын Кайгуул кызматы тапанчаны мыйзамсыз негизде алып жүргөн жаранды кармады
    Милициянын Кайгуул кызматы тапанчаны мыйзамсыз негизде алып жүргөн жаранды кармады
    © Фото / пресс-служба УПСМ Бишкека
  • Жаран 29-ноябрда борбор калаанын чок ортосунан колго түшкөн
    Жаран 29-ноябрда борбор калаанын чок ортосунан колго түшкөн
    © Фото / пресс-служба УПСМ Бишкека
1 / 2
© Фото / пресс-служба УПСМ Бишкека
Милициянын Кайгуул кызматы тапанчаны мыйзамсыз негизде алып жүргөн жаранды кармады

Жаран 29-ноябрда борбор калаанын чок ортосунан колго түшкөн.

"Милиционерлер саат 08:30дар чамасында Бишкектин Фрунзе жана Абдрахманов көчөлөрүнүн кесилишинде өзүн адаттан тыш алып жүргөн белгисиз жаранды текшерүүгө алышкан. Натыйжада ал 18 жаштагы А.А. аттуу жаран экени аныкталып, жанынан белгисиз үлгүдөгү тапанча жана алты ок табылган", — деп айтылат маалыматта.

А.А. Свердлов райондук милиция бөлүмүнө өткөрүлүп берилген. Факты Кылмыштардын жана жоруктардын бирдиктүү реестрине катталып, сотко чейинки өндүрүшкө алынды.

53
Белгилер:
тапанча, шектүү, Жол кайгуул кызматы
Тема боюнча
Нарында ресторан алдында ок атылып, 23 жаштагы жигит ооруканага түштү
УКМК Ошто кылмыш топтун өкүлдөрүнүн үйүн тинтип куралдарды тапты. Тизме
Өрт өчүрүп жаткан ӨКМ кызматкерлери. Архив

Бишкекте эртең менен чыккан өрт өчүрүлдү

8
(жаңыланган 13:53 30.11.2020)
Тилсиз жоо менен өрт өчүрүүчү эки бригада күрөшкөн. ӨКМ жаракат алган адамдар болбогондугун кабарлады.

БИШКЕК, 30-ноя. — Sputnik. Бишкек шаарында турак жайдан чыккан өрт өчүрүлгөнүн ӨКМдин маалымат кызматынан кабарлашты.

Бүгүн эртең менен саат 8:30дар чамасында Горький көчөсүндөгү үй күйгөн. Маалымат түшөрү менен эки бригада биринин артынан бири чыгып жөнөп кеткен.

Жалын толугу менен саат 10:16да өчүрүлгөн. ӨКМ жаракат алган адамдар болбогондугун айтты.

8
Белгилер:
өрт, турак үй, ӨКМ, Бишкек
Тема боюнча
Бишкектин Горький көчөсүндө үй өрттөнүп жатат
Өрттөнүп кеткен Башкы прокуратуранын ичи. Имараттын 10 жылдан кийинки көрүнүшү