Бишкек шаарынын мэри Азиз Суракматов. Архивдик сүрөт

Көмүрдөн баш тартуу керек. Суракматов шаарды каптаган ыш тууралуу үн катты

576
(жаңыланган 14:11 17.01.2020)
Бишкек шаарынын мэри Азиз Суракматов алгачкы жолу калаадагы ыш боюнча пикирин айтып, көйгөйдү жоюу боюнча көз карашын билдирди.

Бишкекти биринчи жолу ыш каптап жаткан жок. Адатта бул мезгилде абадагы зыяндуу заттардын концентрациясы нормадан жогорулап кетет. Кыргызстандагы шаарлардын ичинен Бишкектин экологиясы олуттуу маселе бойдон калууда

Азиз Суракматов Sputnik Кыргызстан агенттигине кырдаал боюнча кыскача комментарий берди.

— Ыштын себеби эмнеде? Адистер абаны булгаган түрдүү булактарды айтып жатышат.

— Бишкекти каптаган кара түтүндүн 70-75 пайызы жагылган көмүрдөн чыгып жатат. Ыш ТЭЦ-1 менен жеке секторлор от жакканда бөлүнүп чыгат. Күн сууктап от жагуу сезону башталганда эле Бишкекти кара түтүн каптап калат. Кээ бир жарандар көмүр гана эмес, күйө турган башка нерселерди дагы жагып жатышат. Бирок бул элге от жагууга тыюу салыш керек дегенди билдирбейт. Өнүгүүгө багыт алып, жылуулук булагын өзгөртүү зарыл.

Мисалы, Европа көмүрдөн баш тартып койду. Кээ бир жерлерде атайылап шахталарды суу каптатып салышты. Объектилер жылытуу системасын газ менен электр энергиясына алмаштырды. Биз дагы ушул багытка умтулабыз.

— Көмүр сатып акча тапкандар мындай өзгөрүүгө жол берет деп ойлойсузбу?

— Көмүр ташыгандарга суроо жок. Бул алардын бизнеси. Бирок мамлекет экология менен жаратылышка дагы кам көрүшү керек да. Биз киреше, экология жана ден соолук деген үч нерсенин ичинен кайсынысы маанилүү экенин тандап алышыбыз керек.

— Көпчүлүк кара түтүндү унаалар бөлүп чыгарып жатканын айтып, нааразы болуп келишет.

— Автоунаалар Бишкектеги кара түтүндүн 20-25 пайызын түзөт. Унаалардын саны кышы-жайы бирдей эле, керек болсо кышында жолдун тайгагынан улам айдоочулардын саны азаят. Бирок ошентсе дагы автоунаадан чыккан зыяндуу затты төмөндөтүү үчүн айрыкча эски унааларга фильтр менен катализаторлорду орнотуу керек.

— Экология канчалык таза болсо, элдин ден соолугу ошончолук жакшы болот. Буга кандай кепилдик бар?

— Бүгүн Бишкектин экологиясы бузулуп, өпкө, жүрөк, ичеги-карын жана онкологиялык оорулардын көбөйүүсүнө алып келип жаткандыгын эксперттердин баасы жана статистика айгинелеп жатат.

Кара түтүн ар бир кышта каптайт, анткени табияттын мыйзамы ушундай. Жер үстүндөгү аба жогору жагына караганда суугураак келип, ошол себептен атмосфера тазарбайт. Экологдор муну температуралык инверсия деп аташат.

Мындай көйгөйгө көптөгөн шаарлар тушуккан. Мисалы, буга Лондон өткөн кылымдын орто ченинде кабылган. Тажрыйбаларды карап чыгып, нытайжылуу чечим табуу керек.

Шаардыктардан үйдү жылытуунун башка түрлөрүнө өтүүгө, унааларын экологияга зыянын келтирбеген түрүнө алмаштырууга аракеттенип бизге жардам беришин сурайбыз. Ооба, бул кымбат. Бирок азыркы абалыбыздын куну да кымбат болуп жатпайбы.

— Экологиялык абалды жакшыртууга кандай чаралар көрүлүүдө?

— Президентибиз Бишкектин экологиясын жакшыртуу милдетин коюуда. Биз программа жана сунуш даярдап жатабыз. Кээ бирлер бизди жөн эле отурат деп сындашууда. Бирок биз дагы таза аба менен дем алууга кызыкдарбыз. Бул шаарда биздин урпактарыбыз жашайт. Аларга бул көйгөйдү мураска калтыргыбыз келбейт.

Менимче, Бишкектеги жаратылыш газы менен иштей турган ТЭЦ-2ни модернизациялоо жана реконструкциялоо иштерин тездетип, электр энергиясын өндүрүү зарыл. Ал ишке берилсе, ТЭЦ-1дин керектөөсүнө кеткен көмүр 1 миллион тоннадан 400-500 миң тоннага чейин кыскарышы мүмкүн. Бул уулуу заттардын абага тароосун кыскартат.

Шаардын эски райондорун жана жаңы конуштарды газ же электр энергиясы менен жылытууга алып келишибиз керек. Жаңы трансформаторлордун подстанциясын орнотуп, иштеп жаткан электр түйүндөрүнүн кубаттуулугун арттыруу абзел. Ошону менен бирге экология үчүн эң жакшы вариант — электромобилге өтүү.

Жогорудагы келтирилгендерди туура түшүнүп, эртели-кеч ушул багытта өкмөт менен биргеликте иштерди жасайбыз деген үмүттөмүн.

576
Белгилер:
көмүр, мэр, Азиз Суракматов, экология, Бишкек, жылытуу маалы
Тема боюнча
Бул биздин шаар! Ыш баскан Бишкектин сүрөтү
Бишкекте "Унаасыз күн" акциясын өткөрүү сунушталды
Кыз-келиндер күрөшү боюнча Кыргызстандын курама командасынын башкы машыктыруучусу Нурбек Изабеков жана балбан Айсулуу Тыныбекова. Архив

Нурбек Изабеков: Айсулуу менен Париж Олимпиадасына даярданабыз деген ниет бар

13
(жаңыланган 23:59 05.08.2021)
Пресс-атташе машыктыруучу Нурбек Изабековдон Айсулуу Тыныбекова финалда анын айткан ыкмаларын ишке ашыра алган-албаганын да сураган.

БИШКЕК, 5-авг. — Sputnik. Кыз-келиндер күрөшү боюнча Кыргызстандын курама командасынын башкы машыктыруучусу Нурбек Изабеков балбандар Айсулуу Тыныбекова, Мээрим Жуманазарова жана Айпери Медет кызынын Олимпиада оюндарындагы беттештери туурасында пикирин билдирди. Аны менен Кыргызстандын спорт делегациясынын пресс-атташеси Кабыл Макешов маектешти.

Нурбек Изабеков алгач жалпы кыргызстандыктарды Токио Олимпидасында үч медаль алышы менен куттуктап, дем-күч берип колдогондору үчүн терең ыраазычылык айтты.

"Айсулуу алтын үчүн беттеште жеңилүүгө дуушар болду. Бул спорт, спортто, албетте, күчтүүлөр жеңет. Япониялык балбан жакшы даярдыкта келди, өзүнүн жеринде күрөштү. Айсулуу күмүш медаль алды. Кандай болгон күндө дагы биз үчүн чоң ийгилик, аны сезишибиз керек. Бул 2024-жылы Парижде боло турчу Олимпиадага ишенич берди. Спортчуларыбыз кийинки оюнда жогору тепкичке көтөрүлүп, бир нече алтын медаль ала алат деп ишендирип айтып кете алам. Биз буга бүгүндөн тарта даярдыктарды көрүүдөбүз. Күмүш медаль болгондо же ыйлаарымды же күлөрүмдү билбеген бир сезим калып калды, муну убакыт гана жеңет экен. Дагы деле өзүбүзгө келе элекпиз. Бир жумада калыбыбызга келип, анализдеп, талдоо жүргүзөбүз", — деди спортчу кыздардын машыктыруучусу.

Пресс-атташе Кабыл Макешов Айсулуу Тыныбекова финалда кез келген Юкако Каваи менен Олимпиадага чейин үч ирет кармашып, бир ирет жеңилгенин белгилеп, машыктыруучудан спортчу финалда айткан ыкмаларын ишке ашыра алган-албаганын сурады.

"Бул ирет төртүнчү жолу беттешишти. Экөө бири-бирин жакшы билет. Айсулуу мен айткандын бардыгын жасаганга аракет кылды. Анткен менен бул спорт. Алты мүнөт күрөшүштү. Жалпы төрт беттеште тең өзүнүн койгон максаттарын аткарды. Бардык мүмкүнчүлүгүн, акыл-эсин, күч кубатын жумшады", — деди Изабеков.

Ошондой эле ал коло байге ээси Мээрим Жуманазарова менен бешинчи орунду алган Айпери Медет кызына өз баасын берип, Айсулуу менен Париж Олимпиадасына даядык көрүү планы бар экенин айтты.

"Азыркы оюнга Рио Олимпиадасынан (2016-жыл) бери даярдык көрүп келе жатабыз. Кыздарыбыз жакшы даярданды. Айпери менен Мээрим 22 жашта. Психологияык жактан Айпери кызыбыз кичине ишене албай калдыбы, жаштык кылды. Анткен менен медалга татыктуу болчу. Кудай буюрса, кийинки Олимпте Мээрим менен Айпери намыска жарайт деген ишенич бар. Айсулуу менен да Париж Олимпиадасына даярдык көрөбүз деген ниет бар", — деди башкы машыктыруучу.

Пресс-атташе Кабыл Макешов машыктыруучу Нурбек Изабековдон балбан кыздарды сүрөп атып үнү бүтүп калганын айтканда, "ар бирөө төрттөн беттеш өткөрдү. Жалпы 12 беттеш. Ар бир мелдештен кийин ушундай болот, бул көнүмүш адат. Бир жумада үнүбүз калыбына келет" деп жооп узатты.

Эске салсак, Токиодо болуп жаткан Олимпиада оюндарында учурда Кыргызстан эки күмүш жана бир коло алды. Тагыраагы, 68 килограмм салмакта мелдешке чыккан Мээрим Жуманазарова Олимпиаданын коло медалын утуп, эгемен Кыргызстандын тарыхында Олимпиада медалын тагынган алгачкы балбан кыз болуп калды.

Айсулуу Тыныбекова 62 килограмм салмакта күрөшүп экинчи орунду камсыздап, Олимпиаданын күмүш медалын тагынды. Финалдык айыгышкан кармашта япониялык Юкако Каваиге 4:3 эсебинде утулду. Тыныбекова тарыхта Олимпиаданын күмүш медалын тагынган алгачкы балбан кыз болуп калды.

Грек-рим күрөшүнүн чебери Акжол Махмудов 77 килограмм салмакта ат салышып, Олимпиаданын күмүш медалын утту. Алтын байге үчүн финалдык беттеште ал венгриялык тажрыйбалуу балбан Тамаш Лёринцке 2:1 эсебинде жеңишти алдырды.

13
Белгилер:
Токио, олимпиада, Айсулуу Тыныбекова, Мээрим Жуманазарова, Айпери Медет кызы, балбан
Тема:
2021-жылы Токиодо өтө турган Олимпиада оюндары
Тема боюнча
Устат Изабеков Токиодо намыска жараган кыздарын канатына калкалап... Фотофакт
Эмоция кайнап, ыйлагым келип турат. Айсулуунун Токиодогу алгачкы билдирүүсү

1 500 аскер катышууда. Россия менен Өзбекстандын аскердик машыгуусу видеодо

46
Россия менен Өзбекстан коңшу өлкөнүн Термез шаарындагы полигонунда биргелешкен аскердик машыгуу өткөрүп жатат.

Видеону Россиянын Коргоо министрлиги жүктөдү.

Күжүрмөн окуунун алкагында атайын даярдыктагы бөлүктөр Ми-171 жана Н-215 тик учактарынан секирип түшүп, "куралдуу топторду жок кылышты". Ошондой эле аскерлер 15 чакырымга жүрүш жасап, жолдо катар татаал сыноолордон өттү.

Машыгууга эки тараптан кеминде 1 500 миңдей аскер катышууда.

46
Белгилер:
Россия, Өзбекстан, Аскер, машыгуу, видео
Тема боюнча
Афганистанга жакын аймакта Тажикстан, Россия, Өзбекстандын машыгуусу башталды