Ыйлып жаткан аял. Архив

Мурдагы жигитиңди эстебейм деген. Күйөөсүнүн кордугунан чарчаган келиндин каты

26541
(жаңыланган 12:00 18.01.2020)
Sputnik Кыргызстан купуялуулук шарты менен окурмандардын жеке турмушуна байланышкан көйгөйлөрдү жарыялап келет.

"Психолог менен баарлашуу" рубрикасынын бул жолку чыгарылышында жолдошунан кордук көрсө дагы балдары үчүн жашап жүргөн келиндин каты жарыяланды.

Саламатсыздарбы? Башыман өткөн окуяны баштан-аяк баяндап берейин. Өзүм беш бир тууганмын, агам жана үч сиңдим бар. Мектепти бүткөндөн кийин жогорку окуу жайга тапшырган жокмун. Бишкекке келип тиккенди үйрөнүп, тигүү цехинде иштеп калдым. Тапкан акчамды айылга ата-энеме салып, сиңдилериме жардам берчүмүн. Ошентип жүрүп бир бала менен таанышып, сүйлөшүп калдык. Мамилебиз жакшы болуп, экөөбүз жашап алганбыз. Анда мен 21де элем. "Үйлөнөбүз" деген экөөбүздүн изги тилегибиз бар эле. Анан күзүндө ал бала "жазында келем" деп Москвага иштегени кетти. Көп өтпөй Жаңы жылдын алдында мени азыркы күйөөм ала качып алды.

Ал балага баарын түшүндүрүп айтсам да "сени бир көрүп эле сүйүп калгам, баарына макулмун" деп, бал тилге салып кетирбей койду. Артыман куугунчу болуп байкем менен жеңем келип, "апам сени отурсун деди" деп ой-боюма койбой отургузуп кетишти. Москвадагы жигитиме "экинчи чалба" деп айтышыптыр, бирок "баары бир кетем" деп өзүмө сөз бергем. Көңүлүм жок жашап жүрүп боюма бүтүп калды. Жолдошум болсо ичкиликке жакын экен. Бир ичкенде айлап ичет. Айла жок, бала үчүн деп жашап жүрдүм. Канча жолу төркүнүмө кетип кайра келдим. "Чыда" деп жатышып эки кыздуу болдук. Андан бери 10 жыл өттү. Күйөөм ичип келген сайын "сен кыз болуп келген эмессиң, көчөдө калганда мен алгам" деп ар кайсы сөздү айтып асылат. Башында кол көтөрчү эмес, кийинчерээк кол да көтөрө баштады. Маанайы түшсө эле ичет. Анын ичкенин кайын журтум да менден көрөт. "Сен маанайын бузуп койдуң да, болбосо ичпейт эле" деп мага асылып жатып калышат.

Күйөөгө тийгенден баштап эле иштедим. Кыздарымды өзүмдүн апам чоңойтуп берди. Жашым азыр 30дан ашты. Баарынан тажап кеттим. Элчилеп конокко да барбайм. Жолдошумдун тааныш баласы бар, бойдок, үйлөнө элек. Күйөөмдүн мага жасаган мамилесин, кол көтөргөнүн көрүп "кантип чыдайсың?" дейт. Кол кабыш кылып, күйөөм ичип алганда сабап салбасын деп биздин үйдө жүрөт. "Кеч болуп кала элегинде кетип калчы" деп көп айтат. "Эки кызым менен эми кайда барам?" десем, "мага эле тийип ал, кор кылбай багып алам" дейт. Күйөөм болсо баягы адатынча карызга батып, айлап ичет. Эки-үч ай жакшынакай жүрөт, иштейт, анан кайра эле баягы көрүнүш. Кыздарым атасын жакшы көрүшөт, ага аябай жакын. Ошол үчүн эле чыдап жүрөм. Башка үй-бүлөлөрдү көрүп, "эмнеге биз ушундай жашабайбыз?" деп аябай суктанам. Кээде жашоомо нааразы болуп кетем. Апамдын жүрөгүн оорутуп, мунун баарын айткым келбейт. Ошол себептен психологго кат жазып көрөйүн деп чечтим.

Саадат Сыдыкова, психолог:

— Тилекке каршы, биздин өлкөдө дагы деле кызды аялдыкка күч колдонуп ала качып кеткен жагдайлар болуп жатат. Андайда кыз каалоосу жок болсо дагы, элге сөз болбоюн деп отуруп калат. Көпчүлүгүн жакындары, жада калса өз апасы дагы колдобойт.

Каарманыбыздын мисалын алсак, жөн гана ала качып албай, сүйүктүүсүнөн тартып алган экен. Анүстүнө кыз сүйгөн жигити менен "жакын" мамиледе болгонун билип туруп, күйөө болчу адам ал маселени козгобойм деп сөз бериптир. Бирок азыр ал сөзүнө турбай, тетиринче, ошол нерсени аялына каршы курал катары колдонуп жатканы өкүнүчтүү. Бул жерден келин дагы күйөөсүнө "таза" келбегендиги үчүн ушул убакка чейин өзүн күнөөлүү сезет тура. Ал эми күнөөнү мойнуна алган кишини башкаруу оңой.

Экинчиден, сүйүүсүз курулган үй-бүлө морт болот. Эгер эки адам тең аны сактап калууга аракет кылбаса, оңой эле бузулуп калат. Маанайы түшсө эле ичет деп жатат. Жөн гана маанайы түшкөн адам бир ичип, эртеси күнү соолугуп алып, андан ары ишин кылып кете берет. Ал эми жумалап, айлап ичүү — бул аракечтик. Бул оору, аны дарылаш керек. Балдар үчүн гана жашап жатам дептир, менин жеке пикиримде балдардан башка кармай турган нерсе жок болсо, өзүн кыйнап жашоонун зарылдыгы барбы? Албетте, муну өзү чечиши керек. Балага деле бактысыз, чүнчүгөн энеден көрө, өзүнө ишеними бекем, жан дүйнөсү тынч эне керек.

Ал эми күйөөсүнүн сөз айтып жүргөн досу тууралуу айтсак, ал кишинин каалоосу, сүйүүсү канчалык күчтүү экени белгисиз. Балким, ал дагы жөн гана колдонуп кетсечи? Келин күйөөсү менен ажырашкан күндө дагы аны менен болуудан мурда жакшылап байкап көрсүн. Анткени кыйналып турган адам бир учурда жакшы мамиле кылып койгон кишини дайыма эле ушундай болот деп ишенип алышы мүмкүн. Андыктан, алгач өзүн колго алып, өзүнө ишене башташы керек.

26541
Белгилер:
психолог, зомбулук, кыз ала качуу, күйөө, келин
Тема:
Психолог менен баарлашуу (152)
Тема боюнча
Жаш жигит колумду сурап жатат... Жалгыз бой аялдын каты
Күйөөм оорудум деп анткорлонуп жүрүптүр. Алданган келиндин каты
Бишкектеги көргөзмө. Архив

"Эрип бараткан мөңгүлөрдүн бийин" көрүп кетиңиз. Бишкектеги көргөзмө

33
(жаңыланган 16:34 23.06.2021)
Көргөзмөнүн максаты — адамзатты сууга жана климаттын өзгөрүшүнөн улам азайып бараткан баалуу байлыктардын бири мөңгүлөргө аяр мамиле жасоого чакыруу.

БИШКЕК, 23-июн. — Sputnik. Бишкек шаарында "Эрип бараткан мөңгүлөрдүн бийи" деп аталган көргөзмө өтүп, ага Кыргызстандын мөңгүлөрүнүн сүрөтү коюлат. Бул тууралуу Гапар Айтиев атындагы Көркөм сүрөт өнөр музейинен билдиришти.

Кыргызстандын жаратылышынан сырткары "Мөңгүлөрдүн агониясы" деп аталган тоо чыгармачылыгы боюнча туруктуу долбоордун көргөзмөсүндөгү эмгектер да коомчулукка тартууланат.

Көргөзмөнүн максаты — адамзатты сууга жана климаттын өзгөрүшүнөн улам азайып бараткан баалуу байлыктардын бири мөңгүлөргө аяр мамиле жасоого чакыруу.

Бишкектиктер жана шаардын коноктору уникалдуу сүрөттөрдү 25-июндан тарта 9-июлга чейин көрө алат. Көргөзмөгө Жерди прикладдык изилдөө боюнча Борбор Азия институту берген сүрөттөр коюлары айтылды.

Каалоочулар 25-июндан тарта "Эрип бараткан мөңгүлөрдүн бийин" Бишкек шаарындагы Гапар Айтиев атындагы Көркөм сүрөт өнөр музейинен көрө алышат.

Бул иш-чара БУУнун климаттын өзгөрүшүнө арналган конвенциясынын 26-конференциясынын алкагында өтүп жатканы айтылды.

33
Белгилер:
көргөзмө, сүрөт, Мөңгү, Бишкек, Кыргызстан
Тема боюнча
Улуу Ата Мекендик согуштун башталганына 80 жыл. Канттагы аскердик базада эскеришти
Бишкекте кафе-ресторандарга коюлган чектөөлөр алып салынды
 Кыргыз улуттук университетинин Ош шаарындагы филиалы

Ошто студенттерден пара алууга шектелип камалган декан үй камагына чыкты

89
(жаңыланган 16:41 23.06.2021)
Чечим чыгарууда сот пара алууга шектелген 54 жаштагы аялдын дартын, жашы жете элек балдары бар экенин эске алган.

БИШКЕК, 23-июн. — Sputnik. Ош шаардык соту студенттерден пара алууга шектелген Кыргыз улуттук университетинин Ош шаарындагы филиалынын Э.Г. аттуу кызматкерин эки айга үй камагына чыгаруу чечимин кабыл алды. Бул тууралуу Ош облустук сотунун маалымат катчысы Айпери Туратбек кызы билдирди.

Анын айтымында, чечим чыгарууда сот пара алууга шектелген 54 жаштагы аялдын кант диабети менен ооругандыгын, жалгыз бой эне экендигин жана жашы жете элек балдары бар экенин эске алган.

Райондук соттун залы. Архив
© Пресс-служба президента КР / Султан Досалиев
Буга чейин шектүү УКМКнын тергөө абагына 48 саатка камакка алынган.

Эске сала кетсек, Улуттук коопсуздук мамлекеттик комитетинин Ош шаардык жана облустук башкармалыгы тарабынан жашыруун тартылган видео жарыяланып, анда декан бир нече адамдан акча алып жаткан.

УКМК Кылмыш-жаза кодексинин 325-беренеси боюнча ("Пара алуу") сотко чейинки өндүрүштүн алкагында текшерүү иштерин жүргүзгөн. Натыйжада айрым кызмат адамдары пара алууга катыштыгы бар экени аныкталган. Кадрдан аял ар бир студенттен 100 доллардан алса 60 миң доллар таап, үй аларын айтып жатканын угууга болот.

89
Белгилер:
декан, үй камагы, пара алуу, Ош, УКМК
Тема боюнча
Үй алам деп сүйүнүп отургам… Студенттерден пара алган аялдын видеосу жарыяланды
УКМК пара алмакчы болгон милиция кызматкерин колго түшүрдү
Россия президенти Владимир Путин. Архив

Путин: туруктуулук үчүн саясий эрк жана компромисс зарыл

0
(жаңыланган 17:13 23.06.2021)
СНВ-3 келишими 2011-жылдын 5-февралында күчүнө кирген. Анын шарты боюнча тараптар өзүнүн өзөктүк арсеналын кыскартып, тийиштүү көлөмдө кармап турушу керек.

БИШКЕК, 23-июн. — Sputnik. Стратегиялык туруктуулук жаатында ийгилик жаратуу үчүн саясий эрк жана компромисске баруу жөндөмү керек. Бул тууралуу Россия президенти Владимир Путин эл аралык коопсуздук боюнча Москва конференциясында сүйлөп жатып айтты.

РФ лидери өлкө буга чейин коопсуздуктун жаңы механизмин иштеп чыгууну сунуштаганын эске салды.

"Система стратегиялык туруктуулукка таасир тийгизе турчу бардык факторлорду камтышы керек. Саясий эрк жана компромисске бара билүү жакшы натыйжасын берерине ишенебиз", — деди Путин.

Анын айтымында, буга Россия менен АКШнын стратегиялык жана чабуул коюучу куралдын (СНВ-3) көлөмүн 2026-жылга чейин кыскартуу тууралуу келишиминин узарышы ачык далил.

Белгилей кетсек, СНВ-3 келишими 2011-жылдын 5-февралында күчүнө кирген. Анын шарты боюнча тараптар өзүнүн өзөктүк арсеналын кыскартып, тийиштүү көлөмдө кармап турушу керек. Башкача айтканда, жети жылдан кийин жана андан аркы убакытта континенттер аралык баллистикалык ракеталардын, суу алдындагы бомбардировщиктердеги баллистикалык ракеталардын саны 700дөн ашпашы керек. Мындан тышкары, снаряддын атылуучу бөлүгү 1500, атылуучу түзүлүштөрдүн саны 800дөн көп болбошу шарт.

Келишим максатына жетип, тараптар арсеналын тийиштүү көлөмдө кармап турат. 2021-жылдын башында, бийликке Жо Байден келери менен, макулдашуу эч өзгөрүүсүз дагы беш жылга узартылды. Буга чейин администрация келишимди узартууну маалкатып, бүтүндөй стратегиялык туруктуулук системасына коркунуч жаратып келди.

0
Белгилер:
система, курал-жарак, коопсуздук, конференция, Владимир Путин
Тема боюнча
Путиндин макаласы: өткөнгө карап кылчактай бербей, ачык болуш керек
Путин менен Байдендин жолугушуусунан кийин дүйнөлүк саясат кандай өзгөрөт
Путин белгисиз жоокердин мүрзөсүнө гүл койду. Видео