Кыргыз-тажик чек арасындагы чыр: кармалгандардын экөө үй камагына чыгарылды

Жазылуу
10-январга караган түнү кыргыз-тажик чек арасында чыр чыгып, анда тажик тараптан ок атылганы кабарланган. 11-январь күнү Баткен районунун Көк-Таш айылында "Массалык башаламандык" жана "Ээнбаштык" беренелери боюнча шектүү катары төрт киши кармалган.

БИШКЕК, 18-янв. — Sputnik. Баткен районунун Көк-Таш айылында чыккан массалык башаламандыкка шектелип кармалган төрт жарандын экөөнү облустук сот үй камагына чыгарды. Бул тууралуу Sputnik Кыргызстан агенттигине Баткен облустук сотунун маалымат катчысы Манас Сейтказиев билдирди.

Маалыматка ылайык, Кадамжай райондук соту Жазык кодексинин 264-беренесинин 2-бөлүмү ("Массалык башаламандыкка катышуу") боюнча шектелген Улукбек Сапарбаев менен Үсөн Сапарбаевди үй камагына чыгарган. Сот Үсөн Сапарбаевдин 2-топтогу майыптыгын, Улукбек Сапарбаевдин беш баланын атасы, үй-бүлөдөгү камкорчу экенин эске алган.

Жогорку Кеңештин алдында чек арадагы чыр-чатактарга байланышкан митинг өтүп жатканын Sputnik Кыргызстандын кабарчысы кабарлады - Sputnik Кыргызстан
Чек ара боюнча бишкектиктер да митингге чыгышты. Сүрөттөр
Ал эми Жазык кодексинин 264-беренесинин 1-бөлүмү ("Массалык башаламандыкты уюштуруу"), 253-беренесинин 1-бөлүмү ("Ок атуучу куралды мыйзамсыз алып жүрүү") менен шек саналган Зайнидин Бердиев менен Нурбек Сапарбаев эки айга камакта калтырылды.

Эске сала кетсек, 10-январга караган түнү кыргыз-тажик чек арасында чыр чыгып, анда тажик тараптан ок атылганы кабарланган. 11-январь күнү кыргыз-тажик чек арасында чыккан чырдан улам Баткен районунун Көк-Таш айылында "Массалык башаламандык" жана "Ээнбаштык" беренелери боюнча шектүү катары төрт киши кармалган.

Жаңылыктар түрмөгү
0