Апрель окуяларында каза болгондорго коюлган эстелик. Архивдик сүрөт

Апрель революциясы тууралуу ролик тартууга сынак жарыяланды. Шарт-талабы

97
(жаңыланган 11:48 20.01.2020)
Сынакка катышууну каалаган кыргызстандыктар даяр видеоролигин 2020-жылдын 10-мартына чейин жөнөтө алышат.

БИШКЕК, 20-янв. — Sputnik. Маданият, маалымат жана туризм министрлиги Апрель элдик революциясынын 10 жылдыгына карата видеоролик даярдоого сынак жарыялады.

Конкурстун максаты — кыргыз элинин эркиндик, демократия жана адилеттүүлүк үчүн күрөш жолундагы эң маанилүү күндөрүн жана бул күрөштө курман болгондордун элесин түбөлүккө сактоо. Ага Кыргызстандын жарандары жана резиденттери катыша алат.

Ролик эки категория боюнча кабыл алынат:

  • узактыгы 60 секундадан ашпоосу зарыл;
  • узактыгы 3 мүнөттөн ашпоосу зарыл.

Бир катышуучу бир нече эмгегин жөнөтө алат, бирок бири-биринен өзгөчөлөнүп, айырмалануусу шарт;

Мазмуну Кыргызстандын мыйзам ченемдерине каршы келбеген жана мурда эч жерде жарыяланбаган болуусу абзел;

Жиберилген роликтерге толук автордук укугу бар экенин тастыкташы керек.

Ролик мазмундуулугу, жеткиликтүүлүгү, идеянын креативдүүлүгү жана конкурстун темасына ылайык келишине карап бааланат.

Сынактын байгелери:

  • 1-орун (эки сыйлык), ар бири – 30 000 сом;
  • 2-орун (эки сыйлык), ар бири – 20 000 сом;
  • 3-орун (эки сыйлык), ар бири – 10 000 сом;

Сынакка катышууну каалагандар даяр видеоролигин 2020-жылдын 10-мартына чейин жөнөтө алышат.

97
Белгилер:
Маданият министрлиги, сынак, Апрель окуялары
Тема боюнча
Байге фонду 100 000 сом! Мыкты реквием жазгандарга сынак жарыяланды
Маданият министрлиги драмалык чыгармаларга сынак жарыялады
Крандан суу алып жаткан кыз. Архив

30-сентябрда Бишкектин чок ортосунда бир күн бою суу токтотулат. Карта

11
Бир аптадан кийин суу тосмону оңдоо пландалууда. Бишкек шаарынын бийлиги бул ыңгайсыздык үчүн шаар тургундарынан кечирим сурайт.

БИШКЕК, 23-сен. — Sputnik. Бишкектин чок ортосунда 30-сентябрда эртең мененки саат 09:00дөн кечки саат 21:00гө чейин таза суу болбойт. Бул тууралуу мэриянын маалымат кызматы билдирди.

Суу "Тоголок Молдо" тосмосунда жүргүзүлүүчү оңдоо иштерине байланыштуу токтотулат.

Ошондой эле Панфилов, Фрунзе, Манас проспекти жана темир жол линиясы менен чектелген аймактарда дагы болбойт.

Шаар бийлиги убактылуу ыңгайсыздык үчүн кечирим сурап, аталган аймакта жашаган тургундарды жана мекеме-ишканаларды ичүүчү сууну камдап алууга чакырат.

11
Белгилер:
Бишкек, таза суу, өчүрүү, оңдоо, карта
Тема боюнча
Суук эрте түшөбү? Октябрь айына карата аба ырайы
Президенттин администрациясынын жарандык коомдун институттары менен өз ара аракеттенүү, дин иштери жана этностор аралык мамилелер бөлүмүнүн башчысы Кудайберген Базарбаев. Архив

КР президентинин администрация өкүлү: интернационализмге шарт түзөлү

21
(жаңыланган 14:37 23.09.2021)
Кудайберген Базарбаев Бишкекте жакынкы чет өлкөлөрдөгү россиялыктар уюштурган аймактык жаштар конференциясына катышып, элди тилектештикке чакырды.

БИШКЕК, 23-сен. — Sputnik. Президенттин администрациясынын жарандык коомдун институттары менен өз ара аракеттенүү, дин иштери жана этностор аралык мамилелер бөлүмүнүн башчысы Кудайберген Базарбаев интернационализмге шарт түзүп берүүгө чакырды.

Ал Бишкекте акынкы чет өлкөлөрдөгү россиялыктар уюштурган аймактык жаштар конференциясында сөз сүйлөдү.

"Мындай иш-чаралар өтө пайдалуу. Башка улуттагы мекендештердин кызыкчылыгын коргоп гана тим болбой, аларга эч кандай тоскоолдук жаралбагыдай шарттарды түзүп берүүгө аракет кылалы. Башкысы, интернационализм, достук, тилектештикти күчөтүүгө жан үрөйлү", — деди Базарбаев.

Анын айтымында, дал ушул нерселер бизге чейинки муунга күч берип, алар бири-бирин дос жана бир туугандай кабыл алышкан.

21
Белгилер:
Кыргызстан, Россия, ынтымак
Тема боюнча
Россиянын элчиси мекендештери менен тыгыз иштешкен кыргыз бийлигин үлгү кылды