Бишкек шаарынын биринчи вице-мэри Алмаз Бакетаев

Вице-мэр: Бишкектин бюджетин көбөйтчү эки багытка басым жасалат

109
(жаңыланган 16:40 20.01.2020)
Бакетаев бюджеттин кирешесин көбөйтүүчү жана аны түп-тамырынан бери өзгөртүп, жаңы деңгээлге өткөрүүчү иш-чаралар тууралуу айтып берди.

БИШКЕК, 20-янв. — Sputnik. Шаардык бийлик Бишкектин бюджетин кандай жол менен көтөрүүнү пландап жатканын экономикалык жана каржылык саясат боюнча вице-мэр Алмаз Бакетаев айтып берди. Ал Sputnik Кыргызстан мультимедиалык борборунда өткөн "Бишкектин бюджети алгач ирет 10 миллиард сомдон ашты" аталышындагы маалымат жыйынга катышкан.

Бакетаевдин айтымында, шаардын алдыга койгон максаты анын өнүгүү программасы, президенттин Жарлыгы жана өкмөттүн планы менен бекитилген.

"Азыр шаардын бюджети социалдык тармакка багытталган, ошол себептүү ал социалдык объектилерди камсыздоого сарпталууда. 2020-2021-жылдарга карата борбор аталган багыттан инвестициялык багытка (өнүгүү бюджети) өтүшү керек. Бул максатка жетүү үчүн алдыда эки жол турат. Биринчиси — шаардын киреше булагын кеңейтүү, б.а. салыктан качкандарды ачыктоо. Экинчиси — салыктык эмес кирешелерди көбөйтүү", — деди ал.

Бакетаев кошумчалагандай, учурда шаардык бийлик салыктык эмес кирешелерди көбөйтүүнүн бир нече булактарын карап жатат.

"Мындай булактардын бири таштанды үчүн төлөм болушу мүмкүн. Мындан тышкары, бюджетти акы төлөнүүчү унаа токтотуу жайларынан чогулган акча менен да толуктоого болот. Кирешелүү булак катары чоң мүмкүнчүлүккө ээ болгон жарнама тармагын да көз жаздымда калтырууга болбойт", — деди биринчи вице-мэр.

Ал белгилегендей, шаардык бийлик кыймылсыз мүлктү башкарууга жаңыча мамиле жасаса бюджетти көбөйтө алат.

"Азыр биз ижара акысын гана чогултуу менен чектелип жатабыз, бирок мүлктүн өтүмдүүлүгү боюнча башкаруунун башка каражаттары, аны сатуу механизмдери белгисиз бойдон калууда. Мындан тышкары, мурда Бишкекте муниципалдык баалуу кагаздар системасы өнүккөн эмес. Бул дагы артыкчылыкка ээ", — деди Бакетаев.

Мэриянын айтымында, Бишкектин бюджети өздөштүрүлбөгөн чыгымдарды республикалык деңгээлге акырындык менен өткөрүүгө муктаж.

"Быйыл бюджетти өнүктүрүүнүн пайдубалын түптөй баштайбыз. 2021-жылы бюджетти 12 миллиардга жеткирүүгө аракет кылабыз. 2022-жылдан баштап ал өнүктүрүү бюджети болуп калышы керек", — деп жыйынтыктады Бакетаев.

Вице-мэр кошумчалагандай, азыр шаардык бюджеттин негизги бөлүгүн салыктан түшкөн каражат түзөт.

"Салыктан түшкөн каражат бюджеттин кирешесинин 80 пайызын түзөт. 10 пайыздан көбүрөөгү салыктык эмес кирешелер, 10 пайыздан азыраагы трансфертке тийиштүү", — деди ал.

Бакетаевдин сөзүнө караганда, экономиканын 27ден 43 пайызына чейин көмүскөдө, мындан улам бюджет сатуудан алынуучу салыктан кур жалак калууда.

109
Белгилер:
бюджет, киреше, салык, Бишкек мэриясы
Тема боюнча
Жол чырак жасап баштайт. Мэрия быйыл Бишкекте болчу өзгөрүүлөр тууралуу айтты
Бишкектин борборунда жаңы тротуар жана веложолдор пайда болот
Тест-системалар. Архивдик сүрөт

Россия гумжардам катары Кыргызстанга 100 миңден ашык тест-система берди

24
(жаңыланган 00:03 14.07.2020)
Саламаттыкты сактоо министрлиги кыргыз өкмөтүнүн атынан Россия Федерациясына жана Роспотребнадзорго ыраазычылык билдирди.

БИШКЕК, 13-июл. — Sputnik. Коронавирус инфекциясына каршы күрөштүн алкагында Россиядан Кыргызстанга гуманитардык жардам келди. Бул туурасында өкмөттүн маалымат кызматы билдирди.

Анда COVID-19ду аныктоочу тест-системалардын бир нече партиясы берилгени айтылат.

"Жалпысынан жардам иретинде 80 720 изилдөө жүргүзүү үчүн 820 ПЦР тест-системасынын комплектиси, 24 000 изилдөө үчүн толук эмес 480 топтом келди", — деп жазылат маалыматта.

Роспотребнадзордун жетекчиси кыргыз медиктеринин кесипкөйлүгүнө баа берди

Саламаттыкты сактоо министрлиги кыргыз өкмөтүнүн атынан Россия Федерациясына жана Керектөөчүлөрдүн укуктарын коргоо чөйрөсүндөгү көзөмөл боюнча федералдык кызматына көмөктөшүүсү үчүн ыраазычылык билдирип, коронавирус менен мындан аркы күрөшүүдө жемиштүү кызматташууга ишеним артты.

24
Белгилер:
аныктоо, тест, гуманитардык жардам, Россия
Тема:
Коронавируска байланыштуу Кыргызстандагы кырдаал
Тема боюнча
Ферганадан Баткенге гуманитардык жардам келди
Кыргызстанга Кытайдан 500 кычкылтек концентратору алып келинди. Сүрөт
Таалайбек Боромбаев үй бүлөсү менен. Архивдик сүрөт

Уюн сатып согуш катышуучуларына эстелик тургузган Боромбаев каза болду

44
(жаңыланган 23:48 13.07.2020)
Таалайбек Боромбаев I топтогу майып, Ысык-Көл облусунун Түп районуна караштуу Корумду айылынын тургуну.

БИШКЕК, 13-июл. — Sputnik. Уюн сатып Улуу Ата Мекендик согуштун ардагерлерине эстелик тургузган Корумду айылынын тургуну Таалайбек Боромбаев көз жумду. Кабарды Sputnik Кыргызстанга анын жакындары тастыктады.

Боромбаев узакка созулган оорудан улам каза болгону айтылат.

Көрүүсү начар, I топтогу майып, Ысык-Көл облусунун Түп районуна караштуу Корумду айылынын тургуну 2015-жылы эстелик тургузуу үчүн уюн саткан. Ал ошондой эле мемориалды курган жумушчуларга тамак даярдаш үчүн дагы бир уй жана бир канча кой сойгон.

Концерт коюп барып, калып калган... Улуу Жеңишти жакындаткан кыргызстандыктар

Үч мармар таштан турган эстеликте жоокердин элеси чагылдырылып, Корумду айылынан Улуу Ата Мекендик согушка барган катышуучулардын аты-жөнү чегилген. Жалпы жонунан мемориалга 4 миң доллар сарпталган.

Корумду айылынан Улуу Ата Мекендик согушка 119 жигит аттанып, алардын 79у туулган жерине кайткан эмес. Бирок аларга арналып эстелик тургузулбаганына кайгырган карыя өз күчү менен жасоого киришкен. Натыйжада элдин жана жергиликтүү бийликтин колдоосуна татып, Улуу Жеңиштин 70 жылдыгына карата ачылган.

44
Белгилер:
карыя, өлүм, Корумду
Тема боюнча
34 жашта эле... "Манас" аэропортунун мурдагы вице-президенти көз жумду
Чайпалткан кырдаал сизди да чарпый кетти. Sputnik Михаил Рогожин менен коштошту