Муштум. Архив

Үч кишини чала жан кылып сабагандар... Тергөө экспертиза жыйынтыгын күтүп жатат

1519
(жаңыланган 15:14 21.01.2020)
Жал кичи районунда үч кишини аёосуз сабаган кылмыш иши боюнча шектүүлөрдү камакка алуу түрүндөгү бөгөт коюу чарасы узартылган.

БИШКЕК, 20-янв. — Sputnik. Жал кичи районунда үч кишини аёосуз сабаган окуя боюнча тергөөчүлөр экспертизанын жыйынтыгын күтүп жатат. Бул тууралуу Sputnik Кыргызстан агенттигине Бишкек шаардык милициясынан билдиришти.

Эске салсак, 28-августта болжол менен саат 7:00дөр чамасында Бишкек ШИИБге Жал кичи районундагы супермаркеттин жанында кишилердин мушташып, үч адам чала жан болуп катуу сабалганы кабарланган. Жерине милициянын Кайгуул-күзөт кызматы барып, Чүй ОИИББдин кызматкери Казыбек Бапышев шектүүлөрдү алып кеткен. Жабырлануучулар ооруканага жеткирилген. Кийин шектүүлөр милицияга өздөрү келген. Алар бир туугандар Жаныбек Бапышев менен Калысбек Сеитбеков экендиги белгилүү болгон. Ал эми милициядагы бир тууганы Казыбек Бапышев иштен алынып, кийинчерээк колго түшүрүлүп, камакка алынган. Бирок кийин ал тергөө менен кызматташууга макул болгондуктан баш коргоо чарасы өзгөртүлүп, үй камагына чыгарылган. 

Ал эми шаардык соттун өкүлү Айсулуу Жаасынова кезектеги соттук отурум 31-январга белгиленгенин айтып, иш Свердлов райондук соту тарабынан каралып жатканын кошумчалады.

"Свердлов райондук сотунун 2019-жылдын 29-декабрындагы токтомуна ылайык, Жаныбек Бапышев жана Калысбек Сеитбековдун ЖАМКтын 21-мекемесине камакка алуу түрүндөгү бөгөт коюу чарасы 31-январь саат 18.00гө чейин узартылган", — деди Жаасынова.

Ал эми жабырлануучулар туруктуу абалда стационардык дарылануудан жашаган жери боюнча амбулатордук дарыланууга чыгарылганын Саламаттык сактоо министрлигинен маалымдашты.

Бир туугандар Бапышев менен Сейитбеков №1 тергөө абагына отургузулгандан кийин камералаштары менен мушташа кеткени тууралуу маалымат тараган.

1519
Белгилер:
экспертиза, шектүү, абак, тергөө, милиция, оорукана, ур-токмокко алуу
Тема боюнча
Бир кишини ур-тепкиге алган делип эки милиционер шектелүүдө
Ошко 30-майда Урал авиакаттамдары авиакомпаниясынын Екатеринбург — Ош рейси менен 233 кыргызстандык жаран учуп келди.

Ошко Екатеринбургдан 233 кыргызстандык кайтып келди

95
(жаңыланган 21:15 30.05.2020)
Келген бардык жарандар медициналык процедуралардан өтүү үчүн обсервацияга белгиленген тартипте жайгаштырылды.

БИШКЕК, 30-май — Sputnik. Ошко 30-майда "Урал авиакаттамдары" авиакомпаниясынын Екатеринбург — Ош рейси менен 233 кыргызстандык жаран учуп келди. Бул тууралуу Республикалык штабдан кабарлашты.

Маалыматта авиакаттам дүйнөдө коронавирус пандемиясына байланыштуу чек аралардын убактылуу жабылышынан улам чет өлкөлөрдөгү Кыргызстандын жарандарын кайтаруу боюнча жүргүзүлгөн иштин алкагында жүзөгө ашырылды.

"Бул каттам менен ден соолугунан мүмкүнчүлүгү чектелген жарандар, оор илдети барлар, улгайган курактагы адамдар, кош бойлуу жана жаш балалуу энелер, турмуштук оор кырдаалдагы жарандар мекенине кайтарылды. Жүргүнчүлөрдүн тизмеси жарандардан келип түшкөн кайрылууларды, Урал федералдык округундагы шаарлардын жана аймактардын кыргыз диаспораларынын сунуштарын эске алуу менен түзүлгөн. Ошондой эле "Урал авиакаттамдары" компаниясынан мурда билет сатып алгандар кирди", — деп айтылат билдирүүдө.

Келген бардык жарандар медициналык процедуралардан өтүү үчүн обсервацияга белгиленген тартипте жайгаштырылды.

95
Белгилер:
эпидемия, коронавирус, мекендештер, каттам, Кыргызстан, Ош, Екатеринбург
Тема:
Коронавируска байланыштуу Кыргызстандагы кырдаал
Тема боюнча
Бишкекке Филиппин жана Түштүк Кореядан 58 жаран кайтып келди
Чүй өрөөнү. Архивдик сүрөт

Жекшембиге карата аба ырайы

29
Түнкүсүн Чүй, Жалал-Абад, Ош облустарынын тоолуу райондорунда жана Ысык-Көл менен Нарын жергесинин кээ бир өрөөндөрүндө өткүн өтүп, күн күркүрөйт.

БИШКЕК, 30-май — Sputnik. 31-майда Жалал-Абад, Ош жана Баткен облустарынын тоо этектеринде жана тоолуу райондорунда өткүн өтүп, күн күркүрөшү күтүлөт. Ал эми калган аймактарда күн ачык болот. Бул тууралуу Кыргызгидромет маалымдады.

Түндүк-чыгыштан соккон шамалдын ылдамдыгы секундасына 5-10 метрден кээ бир райондордо 15-20 метрге чейин жетет.

Абанын температурасы Талас менен Чүй өрөөнүндө +28…+33 градус, Ош, Баткен, Жалал-Абад облустарында +30…+35 жана Ысык-Көл менен Нарын жергесинде +23…+28 градус ысык болору айтылды.

Ал эми күндүн табы Бишкек шаарында +30…+32 градуска чейин көтөрүлсө, Ошто +33…+35 градуска дейре жогорулайт.

29
Белгилер:
май, аба ырайы, Кыргызстан
Тема боюнча
Аптанын соңунда жаан жаайт. Бир жумага карата аба ырайы
Министр: туристтер Ысык-Көлгө эч тоскоолдуксуз кире алат