Декларация тапшыруу. Архивдик сүрөт

Эми Кыргызстандын бардык жараны мал-мүлкү тууралуу отчет берет. Жаңы мыйзам

8491
(жаңыланган 12:39 22.01.2020)
Жаңы мыйзам күчүнө киргенден кийин иштеген жерине карабай 17 жаштан жогорку бардык жарандар декларация тапшырат.

БИШКЕК, 22-янв. — Sputnik. Үстүбүздөгү жылдын 1-апрелинен тарта Кыргызстандын бардык жарандарын киреше-чыгашасы тууралуу мамлекетке отчет берүүгө милдеттендирген мыйзам күчүнө кирет.

Ага ылайык, мамлекеттик, муниципалдык, жеке менчик ишканалар, эл аралык уюмдарда иштеген жана башка 17 жаштан жогорку бардык жарандар бирдиктүү салык декларациясын тапшырат. Учурда өлкөдө бул категорияга кирген калктын саны төрт миллионду түзөт.

Бирок Экономика министрлиги парламентке бул мыйзамдын мөөнөтүн 2021-жылга чейин узартууну сунуштап жатат.

"Бул мыйзам күчүнө кирсе, салык органынын ар бир кызматкерине 2 000ден декларация кабыл алууга туура келет. Элдин көпчүлүгү электрондук түрдө декларация тапшырууга мүмкүнчүлүгү жоктугунан жана башка себептерден улам кагаз түрүндө берет. Андан соң баарын талдап чыгып, Салык кызматынын маалыматтык системасына кол менен киргизишет. Жогорудагы жагдайларды, ошондой эле калктын даяр эместигин эске алуу менен декларациялоонун мөөнөтүн узартууну жана этап-этабы менен ишке ашырууну сунуштайбыз", — деп жазылган мыйзам долбоорунда.

Аны үч этап менен аткаруу пландалууда:

1. 2021-жылдан баштап илимий изилдөө, чыгармачылык, окутуучулук, ден соолукту чыңдоо-дарылоо жана аткаруучу-тескөөчү функциялары менен байланышпаган калкты тейлөө боюнча башка иштер менен алектенген мамлекеттик жана жергиликтүү органдардын карамагындагы мекеме, уюмдардагы жумушчулар жана кызматкерлер;

Мамлекеттик органдарда, мамлекеттик жана муниципалдык ишканаларда эмгектенгендер. Ошондой эле мамлекеттик үлүштүк катышы бар уюмдарда эмгектенген жумушчулар;

Эл аралык уюмдарда иштегендер;

Өзүнө 300 миң сомдон ашык суммада мал-мүлк алган жеке жактар.

2. 2023-жылдан тарта киреше салыгын төлөгөн жеке жактар.

3. 2025-жылдан баштап бардык жактар жана категориялар.

Парламенттин жыйынында депутат Акылбек Жапаров бул мыйзам «мүлкүн туугандарына каттатып, байлыгын жашырган чиновниктерди ачыктоого шарт түзөрүн» белгиледи.

"Ар бир адам өзүнө таандык мүлкү боюнча отчет берип жатканда жоопкерчилиги жогорулайт. Муну менен журналисттик иликтөөсүз эле баары ачык көрүнүп калат. Ошондуктан "эл азыр даяр" эмес деп мөөнөтүн кайра-кайра узарта бербей ишке киргизишибиз керек. Шартын жөнөкөйлөштүрүп электрондук түрдө тапшыра тургандай кылсаңыздар. Айылдарга интернет жетип калды, тоскоолдук жок", — деди Жапаров.

Аталган мыйзам долбооруна депутаттар эртең, бейшемби күнү, добуш берет.

Белгилей кетсек, бүгүнкү күндө мамлекеттик жана муниципалдык кызматкерлер гана мал-мүлкү тууралуу декларация тапшырат.

8491
Белгилер:
мүлк, Кыргызстан, эл, декларация, мыйзам долбоору
Тема боюнча
Жапаров: аткаминерлердин туугандары да декларация тапшыргыдай болот
Прокуратура: киреше тууралуу декларацияны көбүнчө депутаттар тапшырбайт
Кичинекей бала. Иллюстративдик сүрөт

Ош: бала аман-эсен табылды. Бөбөктү каналга түшүп кетти дешкен

5
(жаңыланган 11:42 23.09.2020)
Баланы издөө иштерине ӨКМдин Ош шаардык куткаруу кызматынын өкүлдөрү тартылган. Бөбөк ата-энесине аман-эсен өткөрүп берилген.

БИШКЕК, 23-сен. — Sputnik. Ош облусунун Кара-Суу районунда сууга түшүп кетти деген төрт жаштагы бала аман-эсен табылды. Бул тууралуу ӨКМ маалымат кызматы кабарлады.

Билдирмеге ылайык, 22-сентябрь күнү саат 17:46тар чамасында "112" кызматына Жаңы-Учар айылындагы Кайырма каналына кичине бала түшүп кеткени тууралуу маалымат келип түшкөн.

Издөө иштерине ӨКМдин Ош шаардык куткаруу кызматынын өкүлдөрү тартылып, баланы табышкан. Бөбөк ата-энесине аман-эсен өткөрүлүп берилген. ӨКМ анын абалы жакшы экенин кошумчалады.

5
Белгилер:
издөө, Суу, куткаруу, бала, ӨКМ
Тема боюнча
Чүйдө үч айдан бери дайынсыз болуп жаткан аял изделүүдө. Сүрөт
Бишкек мэри Азиз Суракматов. Архивдик сүрөт

Тыңгылыктуу санариптеше албай жатабыз! Суракматов бир жетекчини кызматтан алды

23
(жаңыланган 11:26 23.09.2020)
Мэриянын маалымат кызматынан кабарлашкандай, Суракматов шаардык кызматтардын санариптешүүсү ойдогудай жүрбөй жатканына нааразы болгон.

БИШКЕК, 23-сен. — Sputnik. Бишкек мэри Азиз Суракматов ишмердүүлүгүнө нааразы болгон соң Шаар чарбачылыгы департаментинин жетекчиси Нурлан Касымов ээлеген кызматынан бошотулду. Бул тууралуу муниципалитеттен билдиришти.

Мэриянын маалымат кызматынан кабарлашкандай, Суракматов шаардык кызматтардын санариптешүүсү ойдогудай жүрбөй жатканына нааразы болгон.

Бишкектин вице-мэри Мирлан Амантуров кызматтан бошотулду

"Бишкекте эмдигиче бир дагы бирдиктүү санариптик продукт жок. Тургундардын кызматтарды пайдалануусунда көйгөйлөр көп. Ал эми муниципалдык кызматтарды пайдалануу "өзүнчө эле азап", — деген  Суракматов Шаар чарбачылыгы департаментинин жетекчиси Нурлан Касымовго кызматтан кетүүсүн сунуштаган.

Мындан улам Касымов  ээлеген кызматынан бошотулуп, жетекчинин убактылуу милдетин аткаруучу болуп орун басары Максат Шеримбаев дайындалды.

23
Белгилер:
көйгөй, санариптешүү, мэрия, Азиз Суракматов, Бишкек
Тема боюнча
Алдыда оор сыноо күтүп турат, чыдамдуу бололу. Суракматов шаардыктарга кайрылды
Бишкек мэриясы эреже бузган кафе-ресторан ээлерин жоопко тартат