Аялдын силуэти. Архивдик сүрөт

Врачка колум тийген жок! Балдар ооруканасында чыр чыгарды деген келин үн катты

13307
(жаңыланган 13:53 22.01.2020)
21-январь күнү социалдык тармактарда аялдын дарыгердин иш бөлмөсүндө чатак чыгарган видеосу тараган. Ал эми бүгүн дарыгер Октябрь райондук милициясына ал келинге карата чара көрүү өтүнүчү менен кайрылган.

БИШКЕК, 22-янв. — Sputnik. Бишкектеги №3 шаардык медициналык тез жардам балдар клиникалык ооруканасынын дарыгерине кол көтөрдү деген келин Келбеткан Өмүрбек кызы Sputnik агенттигинин кабарчысына окуя тууралуу өз пикирин билдирди.

Эске салсак, 21-январь күнү социалдык тармактарда аялдын дарыгердин иш бөлмөсүндө чатак чыгарган видеосу тараган. Ал эми бүгүн дарыгер Октябрь райондук милициясына ал келинге карата чара көрүү өтүнүчү менен кайрылган.

"Үч жашар балам сыркоолоп, дене табы түшпөй койгонунан өзүбүздүн аймактык №12 байтапканага кайрылганбыз. Ал жактан дароо эле №3 балдар ооруканасына барып жатышыңар керек деп жолдомо беришти. Анткени балам мурда карышып калма оорусуна кабылган. Невролог менен гематологдун каттоосунда турабыз. Дарыгерлер дене табы 38 градустан көтөрүлбөш керек деп айткан. Уулумдун температурасы 39 градус болуп кеткендиктен коркконуман шашып, ооруканага жатабыз деген ой менен барган элем", — деди Өмүрбек кызы.

Анын айтымында, дарыгерлер себебин түшүндүрбөй эле кабыл алуудан баш тартышкан.

"Бул жактагы балдарга оору жугузасыңар, жугуштуу оорулар ооруканасына баргыла деп ороңдой баштаганда, мен да кармана албай калдым. Ал ортодо колуман градусник түшүп сынып кетти. Ошондо медик мага кыйкыра баштады. "Өткөндөгү келиндей уят кылам" деп телефонун алып чыкканда, мен аны колунан жулуп алдым. Көрсө ага чейин эле мени видеого тартып жатышыптыр", — деди келин.

Бирок ал "дарыгерди тилдеди, кол көтөрдү" деген маалымат туура эмес экенин айтты. Ошол эле учурда медик анын бетин тытып алууга аракет кылып, чачынан кармаганын кошумчалады.

Мындан тышкары, ал бүгүн, 22-январь күнү, милицияга кайрылып, эки дарыгердин жана видеону тараткан ЖМКнын үстүнөн азыр жазганын билдирди.

Маалыматка караганда, Өмүрбек кызынын уулу учурда Республикалык жугуштуу оорулар клиникалык ооруканасында дарыланып жатат.

13307
Белгилер:
пикир, Чыр-чатак, дарыгер, келин, оорукана, Бишкек
Тема боюнча
Ооруканадагы чатак: милиция врач менен урушту делген аялды издеп жатат
Лабораториядагы реагенттер. Архивдик сүрөт

Россиянын коронавируска каршы вакцинасы сыноодон ийгиликтүү өттү

41
(жаңыланган 11:22 12.07.2020)
Окумуштуулардын айтымында, вакцина сайылган ыктыярчылардын биринчи тобу шаршемби күнү, экинчи тобу 20-июлда ооруканадан чыгат.

БИШКЕК, 12-июл. — Sputnik. Россияда иштелип чыккан коронавируска каршы вакцина сыноодон ийгиликтүү өттү. Бул тууралуу РИА Новости агенттиги Сеченов университетинин Трансляциондук медицина жана биотехнология институтуна шилтеме кылып жазып чыкты.

Аталган илимий мекеменин директору Вадим Тарасовдун айтымында, вакцина сайылган ыктыярчылардын биринчи тобу шаршемби күнү, экинчи тобу 20-июлда ооруканадан чыгат.

Россия коронавируска каршы дагы бир дары чыгарды. Мүнөздөмөсү

"Сеченов университети дүйнө жүзүндөгү биринчи вакцинанын сыноосун ийгиликтүү аяктады", — деди Тарасов.

Ал ошондой эле вакцина сайдырган адамдар узак убакыт обочодо болгондуктан аларда көйгөйлөр жаралып, жардамга психологдор келгендигин кошумчалады.

Ал эми Медициналык паразитология институтунун директору Александр Лукашев ал изилдөөдө дарыны колдонуу адамдын ден соолугуна коопсуз экендигин билүү зарыл болгондугун айтты.

ДССУ Россиянын СOVID-19га каршы вакцинасына кызыгууда. Видео

Эске сала кетсек, июндун ортосунда РФтин Саламаттык сактоо министрлиги коронавируска каршы вакцинанын эки түрүн клиникалык сыноодон өткөрүүгө уруксат бергенин жар салган. Препараттар Гамалея атындагы эпидемиология жана микробиология боюнча илим-изилдөө борбору тарабынан иштелип чыккан.

Сыноо Коргоо министрлигинин Бурденко атындагы госпиталында жана Сеченов медицина университетинде ыктыярчыларга жүргүзүлүүдө.

41
Белгилер:
сыноо, вакцина, изилдөө, Россия
Тема:
Дүйнөгө жайылган коронавирус
Тема боюнча
COVID таасири: метеорологдор беш жылда климат кандай өзгөрөрүн айтышты
Россия коронавируска каршы дагы бир дары чыгарды. Мүнөздөмөсү
COVID: "Авифавирди" амбулатордук түрдө колдонууга уруксат суралууда
Россияда эмгектенип жүргөн 45 кыргызстандык медик мекендештерине жардам берүү үчүн Бишкекке келе жатат

Россиядан дагы 45 кыргызстандык медик жардамга келе жатат

41
(жаңыланган 11:06 12.07.2020)
Жардамга келчү медиктердин көпчүлүгүнүн COVID-19 жуктурган бейтаптарды дарылоо боюнча тажрыйбасы бар экени айтылат.

БИШКЕК, 12-июл. — Sputnik. Россияда эмгектенип жүргөн 45 кыргызстандык медик мекендештерине жардам берүү үчүн Бишкекке келе жатат. Бул туурасында Кыргызстандын Россиядагы элчилиги билдирди.

Маалыматка ылайык, 25 дарыгер, 20 медайымдан турган топ өз ыктыяры менен көмөк көрсөтүүгө макул болгон. Кыргыз медиктери менен 10-июлда элчи Аликбек Жекшенкулов жолуккан.

"Алар Россияда реаниматолог, кардиолог, эпидемиолог, терапевт, медайым болуп иштеп жүрүшкөн. Көпчүлүгүнүн COVID-19 жуктурган бейтаптарды дарылоо боюнча тажрыйбасы бар. Бишкекке баргандан кийин адистерге өтө муктаж болуп турган медициналык мекемелерде бөлүнүп иштешет", — деп айтылат маалыматта.

Силерсиз ооруну жеңе албайбыз! Боронов медициналык билими барларды ишке чакырды

Ыктыярчы-медиктер өзү менен кошо Кыргызстанда аябай тартыш болуп жаткан медициналык препараттарды дагы алып келе жатканы айтылат.

Алар бүгүн, 12-июлда, чартердик каттам менен келишет. Авиабилеттерин демөөрчүлөр алып беришкен.

Белгилей кетсек, 5-июлда дагы Москвадан 23 адистен турган кыргыз медиктеринин алгачкы тобу Бишкекке келип Улуттук госпиталда иштеп жатышат. Андан кийин Россиянын Екатеринбург, Новосибирск шаарларынан дагы дарыгерлер келишкен.

41
Белгилер:
препарат, каттам, элчилик, ыктыярчылар, жардам, медик, Россия
Тема:
Коронавируска байланыштуу Кыргызстандагы кырдаал
Тема боюнча
Новосибирскиден мекенге жардам берүү үчүн дагы медиктер учуп келди
Жаңы 127 учур катталды. COVID жугузган миңден ашуун медик ооруканада жатат
Екатеринбургдан кайткан мекендештер менен чогуу медиктер да келди. Сүрөт