Маданият, маалымат жана туризм министрлигине караштуу Туризм департаментинин директорунун орун басары Кыял Кенжематова

Кенжематова: былтыр өлкөгө 8 миллиондон ашуун турист келди

Маданият, маалымат жана туризм министрлигине караштуу Туризм департаментинин директорунун орун басары Кыял Кенжематова өлкөдө жыл бою туристтерди кабыл алуу мүмкүнчүлүгү бар экенин айтты.
Кенжематова: былтыр өлкөгө 8 миллиондон ашуун турист келди

Кыргызстанга өткөн жылы жалпысынан 13,5 миллиондон ашуун чет элдик келген. Анын ичинен 8 миллиондон ашууну — турист. Бул тууралуу Кыял Кенжематова Sputnik Кыргызстан радиосуна маек куруп жатып билдирди.

Анын айтымында, өлкөдө кышкы туризмди өнүктүрүү максатында лыжа тебүүчүлөрдү окутуу боюнча программанын биринчи этабы жыйынтыкталды.

"Кыргызстанга өткөн жылы 8 миллион 5700  турист келди. Туризмге өзгөчө маани берилип жатканынан улам ушундай натыйжаларга жетүүгө мүмкүн болууда. Кышкы туризм багытында туристтерди негизинен лыжа тебүү кызыктырууда. Кыргызстанда 23 лыжа базасы болсо, анын 15и Чүй жана Ысык-Көл облустарында. Ал эми калган аймактарда дээрлик жок. Буларга инвестиция тартуу мүмкүн, бирок бир топ тоскоолдуктар болуп жатат. Алардын бири жер мыйзамына тиешелүү маселелер. Мисалы, жердин бир бөлүгү лыжа тебүү базаларына, экинчи бөлүгү токой чарбасын тейлеген агенттикке, үчүнчү бөлүгү жеке жактарга тиешелүү же ижарада болуп калган учурлар кездешүүдө", — деди Кенжематова.

Аткаминер жер мыйзамдарына тиешелүү маселелерди карап, өзгөртүү киргизүүгө сунуштар топтолуп жатканын кошумчалады.

Белгилер:
Өнүгүү, тоо, лыжа, туризм
Тема боюнча
CNN Кыргызстанды 2020-жылы сөзсүз кыдыра турчу өлкөлөрдүн катарына кошту
Бишкек шаарындагы эмен багы. Архив

Шаршембиге карата аба ырайы

Абанын температурасы жогорулаганына жана күтүлүп жаткан жаан-чачынга байланыштуу республиканын тоолуу райондорунда кар көчкү түшүү коркунучу бар.

БИШКЕК, 13-апр. — Sputnik. Шаршембиде күндүз өлкө аймагында жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетиши мүмкүн. Бул тууралуу Кыргызгидромет билдирди.

Абанын температурасы Чүй облусунда +19…+24, Талас жергесинде +18…+23, Ош, Жалал-Абад, Баткен аймактарында +20…+25, Ысык-Көл, Нарын өрөөндөрүндө +14…+19 градус жылуу болот.

Бишкек жана Ош шаарларында жаан-чачын болбойт. Күндүн табы борбордо +19…+24, Ош шаарында +23…+25 градус болору болжолдонду.

Белгилер:
Кыргызстан, аба ырайы
Тема боюнча
Кайра суук болбойбу? Бир жумага карата аба ырайы
Абхазиянын номери тагылган унаа. Архив

Министрлик: Абхазиянын номери тагылган унааларды мамлекет алып коюшу мүмкүн

(жаңыланган 20:04 13.04.2021)
Кыргызстандын аймагына Абхазиянын номери тагылган унааларды алып кирүү жана эксплуатацияга берүү ЕАЭБдин бажы нормалары боюнча мыйзамдарын бузууга жатат.

БИШКЕК, 13-апр. — Sputnik. Абхазиянын номери тагылган унаалар бажы көзөмөл аймагындагы убактылуу сактоочу кампага киргизилет. Бул тууралуу Экономика жана финансы министрлигинен кабарлашты.

Ведомстводон билдиришкендей, Кыргызстандын аймагына Абхазиянын номери тагылган унааларды алып кирүү жана эксплуатацияга берүү мыйзам бузууга жатат.

"Чет элдик жарандар ЕАЭБдин аймагына үчүнчү өлкөлөрдүн жеке колдонуусу үчүн унаасын ала келсе болот. Бирок андай машинаны КРдин аймагында колдонууга бир жыл гана убакыт берилет", — дешти министрликтен.

Киргизилген унааларды ЕАЭБдин аймагында үчүнчү тараптарга сатууга жол берилбейт. Декларант анын атына жазылган унааны өзү гана айдашы керек.

Эске салсак, буга чейин Кыргызстандын аймагынан бажычылар Жол кыймылы коопсуздугун камсыздоо башкы башкармалыгынын инспекторлору менен биргеликте Абхазиянын номерлерин тагып жүргөн 10 автоунааны кармаган.

Белгилер:
Евразиялык экономикалык биримдик, мыйзам бузуулар, унаа, Абхазия, Кыргызстан
Тема боюнча
Бишкекте Абхазиянын номери тагылган автоунаалар кармалууда
ЕАЭБ аймагында өзү өччү чылым пайдалануу сунушталып жатат