Дарыгер. Архив

Рак жугушу мүмкүн. Окумуштуулардын жаңы иликтөөсү

2934
Адамдын триллиондогон микроорганизмден турган микрофлорасында бактериялардан тышкары грибоктор менен вирустар бар. Алар адамдын ички организминде гана болбостон, терисинде дагы кездешип, улам бир организмге көчүп жүрө алат.

БИШКЕК, 26-янв. — Sputnik. Канададагы артыкчылыктуу иликтөөлөр институтунун (CIFAR) окумуштуулары рак илдети жугуштуу болушу мүмкүн деген пикирин айтышты. Бул тууралуу Medical Xpress басылмасы жазды.

Иликтөөдө мурда жугуштуу эмес делген семирүү, кант диабети, жүрөк-кан тамыр оорулары, рак сыяктуу илдеттердин адамдан адамга өтүп кетиши ыктымал экени айтылды.

Окумуштуулар иликтөөлөрдөн кийин чыгарган бүтүмгө караганда, адамдын триллиондогон микроорганизмден турган микрофлорасында бактериялардан тышкары грибоктор менен вирустар бар.

"Алар адамдын ички организминде гана болбостон, терисинде дагы кездешип, улам бир организмге көчүп жүрө алат", — деп айтылат макалада.

Бул үчүн адистер бир нече жубайлардын организмин текшерип көрүп, дээрлик бардык учурда аялы менен күйөөсүнүн ичеги-карынынын микрофлорасы бирдей экенин аныкташкан. Мындан соң алар лаборатория шартында чычкандарды текшерип көрүшкөн. Тагыраагы, ашыкча салмагы бар чычкандын микробиомун ден соолугу таза кемирүүчүгө салып көрүшкөн. Жыйынтыгында ал семирип кеткен.

Мындан улам окумуштуулар ашыкча салмак, кант диабети жана залалдуу шишик сыяктуу илдеттер адамдан адамга жугушу мүмкүн деген бүтүмгө келишти.

Анткен менен Дүйнөлүк саламаттык сактоо уюму рак менен жүрөк-кан тамыр оорулары жукпайт деген гипотезаны карманат.

Ал эми окумуштуулар алардын жаңы иликтөөсүнүн жыйынтыгын дүйнө дарыгерлери тааный турган болсо, саламаттык сактоо тармагына карата көз караш түп-тамыры менен өзгөрөрүн айтууда.

2934
Белгилер:
Окумуштуулар, иликтөө, оору, рак
Тема боюнча
Адистер ашказан рагынын белгилери жана алдын алуу жолдорун айтты
Ашыкча салмак рактын 9 түрүн чакырат. Жаңы иликтөө