Машыгуу залындагы адам. Архив

Элди жийиркентпей териңди сүрө кет. Машыгуу залындагы этикет

1128
(жаңыланган 12:55 29.01.2020)
Sputnik апта сайын "Этикет" рубрикасынын алкагында коомдук жайларда жана ар кыл жагдайда өзүн-өзү татыктуу алып жүрүүнүн эрежелери менен тааныштырат.

Кинотеатр, коомдук транспорт, дүкөн, китепкана сыяктуу жайлардай эле машыгуу залында дагы өзүн-өзү алып жүрүүнүн жазылбаган эрежелери бар. Аны карманбаган кишилер айланадагылар менен мамилесин гана бузбастан, өз ден соолугуна да залака тийгизип алышы ыктымал.

Бул эрежелер тууралуу Sputnik Кыргызстан агенттигинин окурмандарына этикет мугалими Нуржан Исмаилова айтып берди.

Кийим

Машыгуу залы үчүн кийим ыңгайлуу жана коопсуз болушу керек. Модалуу жана кооздугу андан кийинки орунда. Өтө чапташкан кийимдер денени кысып, кыймылды чектейт. Ал эми өтө кенендери машыгуучу жабдууларга илинип, жүдөтүшү мүмкүн.

Машыктыруучуга сый-урмат

Ар бир залда машыктыруучу болот. Эгер жаңы баштаган болсоңуз, сизге сөзсүз анын кеп-кеңеши керек. Ансыз туура эмес машыгып, ден соолугуңузга зыян келтирип алышыңыз мүмкүн. Мурда спорт менен алектенип, машыгууларды жолго коюп алган болсоңуз деле сый иретинде инструктор менен учурашып, ал-жай сурашып коюу ашыктык кылбайт.

Жабдууларды "менчиктеп" алба

Шарт боюнча кайсы бир жабдууда машыгуу үчүн ал бош болбосо кезекке туруу керек. Ал эми сиз машыгып, бир нече киши күтүп калган болсо, ылдамыраак бүтүүгө аракет кылыңыз. Тагыраагы, аны кыскараак убакыт ичинде болушунча көп пайда көргүдөй эпке келтирип алыңыз. Эсиңизде болсун, сиз бир жабдууну ээлеп жайбаракат отурган кезде күтүп жаткан бирөөнүн алтынга тете убактысы "күйүп" жатышы мүмкүн.

Атыр-упа

Тердин жытын атыр менен жеңем деп ойлобоңуз. 20-30 киши бирдей тердеген бөлмөдө сиздин атырдын жыты дагы жүргөнүн элестетсеңиз. Андыктан машыгууга бара жатканда таза жуунуп алуудан өтөрү жок. Ал эми залга жаңы бара баштаган кыз-келиндер жарым сааттан кийин кадимки пандага окшошуп калгысы келбесе, косметиканы чебердеп колдонгону жакшы.

Насаатчы болуп кетпеңиз

Бирөөгө акыл үйрөтүүдөн алыс болуңуз. Өзгөчө жаңы келип, чымыр денелүүлөр арасында өзүн ансыз да ыңгайсыз сезип жаткандарга көп көңүл бурбай эле койгон жакшы. Албетте, эгер өзү жардам сурабаса.

Башкаларга тоскоол болбо

Гиря же гантелди турган жерден алган соң обочороок барып машыгыңыз. Ал жактан башка бирөө дагы гиря алгысы келип калышы мүмкүн. Ошондой эле көпчүлүк ары-бери өтчү жолдорду ээлеп тура бербеңиз.

Машыкканы келдиңизби? Ак жол!

Атайын убакыт жана каражат бөлүп келгенден кийин акы төлөнгөн сааттарды куру сөзгө кетирбеңиз. Сүйлөшүп отуруу үчүн атайын кофекана, чайкана же сейил бак сыяктуу жайлар бар. Ал эми машыгуу залында башкалардын тынчын алып, күчтү сөздөн чыгаргандан көрө гирядан чыгарыңыз. Баса, машыгуу залында телефондун үнүн басаңдатып, колдон келсе сыртка чыгып сүйлөшүп келген туура.

Тазалык

Кайсы бир жабдууда машыккандан кийин анда калган терди өзүңүздүн сүлгү менен сүрө кетиңиз. Мурда машыккан адам шайманды тер бойдон таштап кеткени кийинкилерге бир гана жагымсыздык жаратпастан, оору жугузуп алуу коркунучун дагы пайда кылат.

Жуунуучу бөлмө

Машыгуу залынын жуунуучу бөлмөсү негизинен терди кетирип, чайынып алыш үчүн гана. Андыктан мончодо жүргөнсүп жайбаракат отуруп албаңыз. Себеби баягы эле — сизден кийинкилер күтүп калат. Тазалык боюнча шарттар эч өзгөрүүсүз — өз артыңыздан тазалап, сууну өчүрө кетүүнү унутпаңыз. Ал эми кийим-кече койгон шкафка эч нерсе калтырбай ала чыгыңыз.

1128
Белгилер:
гигиена, этикет, спорт, машыгуу
Тема:
Өзүн алып жүрүүнүн эрежеси (40)
Тема боюнча
Аялынын кемчилигин айтып, уулуңдун мээсин жебе. Келин күтүү маданияты
Кайындардын көзүнчө кыз-келинге көз кыспа. Күйөө бала этикети
Жогорку категориядагы өпкө дарыгери Бермет Естебесова. Архив

Естебесова: койдун майын сыйпоону физиотерапиялык дарылоо десек болот

2
(жаңыланган 18:43 05.08.2020)
Жогорку категориядагы өпкө дарыгери Бермет Естебесова коронавируска чалдыккан учурда койдун майын же башка майларды сыйпоо же ичүү тууралуу медициналык көз карашын билдирди.
Естебесова: койдун майын сыйпоону физиотерапиялык дарылоо десек болот

Койдун майын же башка майларды сыйпоо физиотерапиялык натыйжа берет десек болот. Бул тууралуу Бермет Естебесова Sputnik Кыргызстан радиосуна маек куруп жатып билдирди.

Анын айтымында, койдун, кашкулактын же башка жаныбарлардын майын дарылануу үчүн колдонсо болот, бирок айрым маанилүү делген эрежелерди сактоо керек.

Россиялык дарыгерлер: кыргыз медиктери COVID-19ду дарылоону жакшы өздөштүргөн

"Илгертен эле апаларыбыз жөтөлүп калса көкүрөгүнө, далысына койдун майын сыйпаган. Бул ошол сыйпалган жерди жылуу кармап физиотерапиялык натыйжа берет десек болот. Эгерде жабыркаган органга суук өтүп ооруп жатса гана мындай ыкма пайдалуу. Кеселдеген  органды сыртынан ысытып, кан айланууну жакшыртып турат. Негизи эле койдун майынан башка да элдик медицинада колдонулуп келген майлар ушундай иш аткарат. Бирок аларды сүткө кошуп же башка бир суюктуктарга кошуп ичүү кооптуу. Биринчиден, ооруп турган адамдын бооруна күч келтирет. Мунун кесепети кийин жаман аякташы да ыктымал", — деди Естебесова.

Дарыгер адамда холецистит, панкреатит, гепатит болсо мындай ыкма менен дарыланбай эле койгону туура болорун кошумчалады.

2
Белгилер:
пневмония, коронавирус, Бермет Естебесова
Тема боюнча
Естебесова: коронавирустан айыккан адам элге качан аралашса болору белгисиз
 Премьер-министр Кубатбек Боронов брифинг учурунда. Архив

Боронов эмдөө жана аймактарда ооруканаларды кеңейтүү боюнча тапшырма берди

21
(жаңыланган 17:50 05.08.2020)
Отурумдун жүрүшүндө Баткен жана Талас облустарын медициналык жабдуулар, дары-дармектер жана жеке коргонуу каражаттары менен камсыз кылуу маселелери да талкууланды.

БИШКЕК, 5-авг. — Sputnik. Тиешелүү органдар калкты убагында эмдөө үчүн бардык шарттарды түзүшү керек. Бул тууралуу премьер-министр Кубатбек Боронов Республикалык ыкчам штабдын жыйынында айтты.

Боронов жарандардын аяр катмарына мезгилдик сасык тумоого каршы өз убагында эмдөө жүргүзүүнүн маанилүүлүгүн белгиледи.

"Адистештирилген түзүмдөр калкты эмдөө үчүн бардык шарттарды түзүшү керек. Бул күз-кыш мезгилинен өтүү үчүн абдан зарыл иш-чара", — деди премьер-министр.

Отурумдун жүрүшүндө Баткен жана Талас облустарын медициналык жабдуулар, дары-дармектер жана жеке коргонуу каражаттары менен камсыз кылуу маселелери да талкууланды.

Өкмөт 145 миллион сомго 40 Тез жардам автоунаасын сатып алууну пландап жатат

Жыйында облустардын жетекчилери докладдары менен маалымат беришти.

Өкмөт башчы региондордо, зарылчылык келип чыкса, кошумча бөлмөлөрдү жана керебеттерди даярдоо ишин улантууну тапшырды.

21
Белгилер:
эмдөө, коронавирус, аймак, өкмөт, Кубатбек Боронов
Тема боюнча
Октябрдан баштап россиялыктар жапырт коронавируска эмделе баштайт