Коронавирустун жаңы белгилери айтылды

© REUTERS / BENOIT TESSIERПекинден Парижге учуп келген жүргүнчүлөр
Пекинден Парижге учуп келген жүргүнчүлөр - Sputnik Кыргызстан
Жазылуу
Эксперттер туристтерге жана Кытайдын жашоочуларына дем алуу органдарын коргоо үчүн бет кап кийүүгө, эл көп топтолгон жерден келгенден кийин жана тамак ичер алдында колду таза жууга чакырды.

БИШКЕК, 26-янв. — Sputnik. Коронавирустун алгачкы белгилери суук тийүү менен сасык тумоого окшош болорун япониялык NHK телеканалынан кабарлашты.

Буга чейин Кытайдын Саламаттык сактоо комитети коронавирустун алгачкы этабында дене табы көтөрүлүп, жөтөл менен коштолорун маалымдаган. 

Ал эми соңку иликтөөдө пневмонияга кабылган кытайлык бейтаптын бир нече күндөн бери ичи өтүп, бирок дене табы көтөрүлбөгөнү аныкталган. Температура оорунун соңку баскычтарында жөтөл коштолгондо көтөрүлө турганы белгиленет.

Ухань шаарынын жашоочусун текшерип жаткан медициналык кызматкерлер - Sputnik Кыргызстан
Кытайдагы кыргыз студент: коронавирустан улам айрымдар Бишкекке кетүүгө камынууда
Ошондой эле дарыгерлер тамак-аш сиңирүү системасында көйгөйлөр болорун кошумчалашты. Бул учурда баш ооруп, кускусу келет жана адам алсырайт.

Эксперттер туристтерди жана Кытайдын жашоочуларын дем алуу органдарын коргоо үчүн бет кап кийүүгө, эл көп топтолгон жерден келгенден кийин жана тамак ичер алдында колду таза жууга чакырды. Ошондой эле жаныбарлар менен деңиз азыктары сатылган базарларга барбоо, термикалык иштетүүдөн өткөн тамак-аштарды колдонуп, бөтөлкөдөгү сууларды ичүү сунушталды.

Акыркы суткада Кытайда жаңы типтеги коронавирус менен ооругандардын саны 1975ке жетип, алардын 56сы каза тапты. Вирус Кытайдан башка 12 өлкөдө каттоого алынды.

Ал арада Кытайдын Ооруларды алдын алуу жана көзөмөлдөө борбору ооруга каршы вакцинаны ойлоп табууга киришкени белгилүү болду.

Жаңылыктар түрмөгү
0